2 GARA WARRA QORONTOS 1

Nagaa

1Ani Phaawulos fedha Waaqayyootiin ergamaa Kristos Yesus kanan ta'e, Ximotewos obboleessaa wajjin,

gara waldaa Waaqayyoo isa mandara Qorontos jiruuf, gara warra guutummaa kutaa biyya Akaayyaa keessaa Waaqayyoof qulqullaa'an hundumaatti kana caafuu koo ti*.

2Waaqayyo abbaan keenya gooftaan keenya Yesus Kristosis ayyaana, nagaas isiniif haa kennu*!#1 HoE 18:1; 1Qor 1:1; 16:10; Filp 1:1 2 Rom 1:7; 1Qor 1:3; Gal 1:3

Waaqayyoof Galata Dhi'eessuu Isaa

3Waaqayyoof, abbaa gooftaa keenyaa Yesus Kristos, abbaa araara hundumaaf, Waaqayyo jajjabina hundumaaf galanni haa ta'u*! 4Jajjabina isa Waaqayyo biraa arganne sanaan, nuyi immoo rakkina attamii keessatti iyyuu warra kaan akka jajjabeessinuuf, inni rakkina keenya hundumaa keessatti nu in jajjabeessa*. 5Dhiphina Kristos keessaa hammana kan hin jedhamne akkuma hirmaanne akkasuma karaa Kristos jajjabina isaa keessaa hammana kan hin jedhamne in hirmaanna*. 6Rakkina keenya yoo ta'e, jajjabina keessaniif, oolfamuu keessaniif ta'a; jajjabina keenyas yoo ta'e, isiniifis immoo jajjabina; jajjabina kanaan sanyii dhiphina isa nuyi baannu, obsaan akka baattaniif isin in dandeessisa*. 7Isin dhiphina keenya irraa akkuma hirmaattan akkasuma jajjabina keenya irraas akka hirmaattan waan beeknuuf, abdiin nuyi waa'ee keessaniif qabnu hin socho'u.#3 Rom 15:5; Efe 1:3; 1Phe 1:3 4 7:6; Far 94:19 5 Qol 1:24; Far 34:19 6 4:8-11,15,17

8Yaa obboloota ko, rakkinni kutaa biyya Asiyaa keessatti nu irra ga'e attam akka ture, akka beektan in jaallanna; rakkinni sun hamma nuyi baachuu dadhabnutti safara malee ulfaataa waan ta'eef, jireenyatti hafuu keenyaaf iyyuu abdii kutannee turre*. 9Akka waan firdiin du'aa nutti faradametti, nutti dhaga'amee ture; garuu nuyi, Waaqayyo isa warra du'an kaasu duwwaa malee, ofii keenya akka hin amananneef kun ta'e. 10Waaqayyo sodaachisa du'aa, isa akkasii keessaa nu oolcheera, nu oolchuufis jira; amma iyyuu deebi'ee akka inni nu oolchuuf abdii keenya isa irra kaa'anneerra*. 11Isinis waa'ee kanaaf nuuf kadhachuu keessaniin nu gargaaruu in dandeessu; namoonni baay'een gaarummaa inni ittiin nu oolche kanaaf, nuuf jedhanii Waaqayyoof galata guddaa in galchu*.#8 ho'e; 19:23-40; 1Qor 15:32 10 2Xim 4:18 11 4:15; Rom 15:30; Filp 1:19

Akeeka Isaa Geddaruu Isaa

12Jireenya nuyi biyya lafaa kana keessa ittiin jiraanne, caalaatti immoo akki nuyi garaa dhokfannaa malee, gowwoomsaa malees isinii wajjin itti jiraanne, Waaqayyo biraa ta'uu isaa yaadni garaa keenyaa waan dhugaa nuuf ba'uuf, waan ittiin of jajannu argachuu keenya; kunis ayyaana Waaqayyootiin malee, ogummaa biyya lafaatiin miti*. 13Waan isin dubbiftanii hubachuu dandeessan malee, nuyi wanta kan biraa isiniif hin caafne; guutummaatti akka hubachuuf jirtan nan abdadha. 14Amma gar tokkoo isaa yoo nuuf hubattan iyyuu, guyyaa gooftaa Yesusitti akkuma nuyi isiniin of jajuu dandeenyu, isinis nuyiin akka of jajjanitti, guutummaatti nu hubachuuf jirtu*.#12 2:17; 1Qor 1:17; 2:4,13; HoE 23:1; 24:16; 2Xim 1:3; Ibr 13:18 14 3:2-3; 5:12; Filp 2:16; 4:1

15Kun akka ta'u waanan amaneef, ayyaana Waaqayyoo si'a lama akka argattaniif, dura gara keessan dhufuuf akeekeen ture. 16Utuun kutaa biyya Maqedooniyaa hin dhaqin dura, karaa keessan darbee isin argee, Maqedooniyaadhaa yeroon dhufus gara keessanitti deebi'ee, isin immoo gara kutaa biyya Yihudaatti yommuun darbu na gargaartu*. 17Akeeka kana, ?Hin dhibu? jedheen salphaatti baafadhee ree? Yookiis akeeka koo yeroon baafadhu akkuma namni biyya lafa kanaa tokkichumaan ?Eyyee? jedhe, yommusuma immoo ?Waawuu? jedhuttan akeekkadhaa ree*? 18Akka amanamummaan Waaqayyoo dhugaa ta'e, akkasuma dubbiin ani isinitti dubbadhu ?Eyyee?, ?Waawuu? jechuudhaan kan gara gaggalu miti*. 19Yesus Kristos, ilmi Waaqayyoo, inni Silwaanosiin, Ximotewosii fi anaan isin gidduutti lallabame, ?Eyyee fi? ?Waawuudhaan? gara hin gaggalle; isa bira yeroo hundumaa ?Eyyeetu? jira*. 20Abdiin Waaqayyoo hundinuu karaa Kristos ?Haa ta'u? jedhamanii in raawwatamu; kanaaf nus karaa isaa ?Ameen? jennee Waaqayyoof galata in galchina*. 21Isinii wajjin jabeessee kan nu dhaabe, hojii kanaafis kan nu dibe Waaqayyoo dha*. 22Milikkita kan isaa ta'uu keenyaas nutti mallateesseera; qabsiisa garaa keenya keessa kaa'annus hafuura isaa nuuf kenneera*.#16 HoE 19:21; 1Qor 16:5-6 17 5:16; Mat 5:37; Yaq 5:12 18 1Qor 1:9 19 HoE 18:5; 1Tas 1:1 20 Mul 3:14 21 1Yoh 2:27 22 5:5; Rom 8:16; Efe 1:13-14

23Ani garuu isin qusachuudhaaf gara Qorontos dhufuu dhiisuu koo Waaqayyo in beeka; kanas Waaqayyo dhugaa ana irratti haa baasu*! 24Isin amantiitti jabaattanii waan dhaabattaniif, isin gammachiisuudhaaf isinii wajjin hojjenna malee, nuyi amantii keessan irratti gooftummaa argisiifna jennee miti*.#23 11:31; 12:20-21 24 4:5; 1Phe 5:3

Currently Selected:

2 GARA WARRA QORONTOS 1: MacQul

Highlight

Copy