1 GARA WARRA QORONTOS 8

Waa'ee Qalma Waaqayyolii Tolfamaniif Dhi'aatuu

1Waa'ee qalma waaqayyolii tolfamaniif dhi'eeffamanii gaafattanii turtan. Isin keessaa jarri tokko, ?Hundumti keenya beekumsa qabna? akka jedhan in beekna; beekumsi akkasii nama bokoksa, jaalalli garuu tokkummaa in ijaara*. 2Namni caalaa beeka of se'u amma illee akka beekuun isaaf ta'utti hin beeku*; 3namni Waaqayyoon jaallatu garuu, isa biratti beekamaa in ta'a*.#1 HoE 15:29; Rom 14:19; 15:1-3 2 Gal 6:3 3 13:12; Gal 4:9

4Egaa waa'ee qalma waaqayyolii tolfamaniif dhi'eeffame nyaachuu immoo, waaqayyo tolfamaan dhuguma jireenya akka hin qabne akkasumas Waaqayyo tokkicha malee kan biraa akka hin jirre nuyi in beekna*. 5Waaqayyolii kan jedhaman waaqa keessa lafa irras jiru; waaqayyoliin, gooftoliin akkasiis baay'ee dha*. 6Nuuf garuu Waaqayyo tokkichatu jira; innis abbaa, isa waan hundumaa uume, isa nuyi maqaa isaatiif jiraannus. Akkasumas gooftaa tokkichatu jira; innis Yesus Kristos, isa wanti hundumtuu ittiin uumame, isa nuyi ittiin jiraannus*.#4 10:19; Kes 6:4 5 Far 136:2-3 6 Mil 2:10; Rom 11:36; Efe 4:5-6; Qol 1:16

7Haa ta'u iyyuu malee, hundumatu beekumsa kana qaba miti; garuu kaan hamma ammaatti itti turanii waa'ee waaqayyolii tolfamanii kana itti baraniiru. Kanaaf yeroo foon qalmaa sana nyaatan akkuma waan waaqayyo tolfamaadhaaf dhi'eeffameetti in nyaatu; yaadni garaa isaanii dadhabaa waan ta'eefis kanaan in xureeffamu*. 8Nyaanni gara Waaqayyootti nu hin dhi'eessu; yoo nyaachuu dhiifne wanti nutti badu, yoo nyaannes wanti nutti tolu hin jiru*.#7 10:27-28; Rom 14:23 8 Rom 14:17

9Garuu kana fo'achuu danda'uun keessan kun karaa tokkoon warra amantiitti dadhaboo ta'anitti gufuu akka hin taane, of eeggadhaa*! 10Tarii namni tokko, utuu ati inni beekumsa kana qabduu galma waaqayyoo tolfamaa keessatti maaddiitti dhi'aattee jirtuu, si arga ta'a; kun qalma waaqayyoo tolfamaadhaaf dhi'aatu nyaachuutti yaada garaa isaa isa dadhabaa hin kakaasuu ree? 11Akkasitti, namichi dadhabaan kun, obboleessumti kee inni Kristos du'eef beekumsa ati qabduun in balleeffama*. 12Karaa kanaan obboloota keessan yakkitanii, yaada garaa isaanii isa dadhabaa madeessuu keessaniin Kristosin in yakkitu. 13Kanaafis nyaata akkasiitti dhi'aachuun sababii obboleessa koo kuffisu yoo ta'e, ani obboleessa koo akkan hin kufifnetti matumaa deebi'ee foon hin nyaadhu*.#9 Rom 14:13; Gal 5:13 11 Rom 14:15 13 Rom 14:21

Currently Selected:

1 GARA WARRA QORONTOS 8: MacQul

Highlight

Copy