1 GARA WARRA QORONTOS 10

Waaqayyolii Tolfaman Irraa Of Eeggachiisuu Isaa

1Yaa obboloota ko! Abboonni keenya hundinuu, [utubaa] duumessaa sana jala akka turan; hundumti isaaniis galaanicha akka ce'an akka beektan nan barbaada*. 2Hundumti isaaniis kan Musee ta'uudhaaf duumessichaa fi galaanicha keessatti cuuphamaniiru, 3hundumti isaanii nyaata hafuuraa isa tokkicha sana nyaataniiru*; 4hundumti isaanii dhugaatii hafuuraa isa tokkicha sana dhuganiiru; isaan kattaa hafuuraa isa guddicha, isa isaanii wajjin adeemaa turettii dhuganiiru; kattaan guddichi sun immoo Kristos ture*. 5Haa ta'u iyyuu malee, Waaqayyo isaan keessaa namoota baay'eetti waan hin gammadiniif, lafa duwwaatti in gataman*.#1 Bau 13:21-22; 14:22-29; Far 78:13-14 3 Bau 16:4,35; Far 78:24-29 4 Bau 17:6; Lak 20:11; Kes 32:4,18; Far 78:15-16 5 Lak 14:22-23,29-30,32; Ibr 3:17

6Wanti kun hundinuu immoo, nus akkuma isaan sanaa waan hamaa akka hin hawwineef of nu eeggachiisu*. 7Isaan keessaa kaan waaqayyolii tolfamaniif akka sagadan, isin warra waaqayyolii tolfaman waaqessan hin ta'inaa! Akkuma caafame, ?Jarri gar-malee nyaachuu fi dhuguuf taa'anii, gar-malee sirbuuf immoo ka'an? jedhe*. 8Isaan keessaa kaan gaalamootummaatti gad of dhiisanii, guyyaa tokkotti namoonni kumni digdamii sadii akka dhuman, kottaa nu immoo gaalamootummaatti gad of hin dhiifnu*! 9Isaan keessaa kaan aangoo gooftichaa qoranii, bofni akka isaan balleesse, nu immoo aangoo gooftichaa qoruun nuuf hin ta'u*. 10Isaan keessaa kaan guungumanii, ergamaa isa nama balleessuun akka balleeffaman, isinis hin guunguminaa*!#6 Lak 11:4; Far 78:18-20 7 Bau 32:6 8 Lak 25:1-18 9 Lak 21:5-6 10 Lak 14:2; 16:41-49; Ibr 3:11,17

11Wanti kun hundinuu warra kaan qoqqobachuudhaaf isaanitti dhufe, nuyi warra dhumni barichaa irra ga'eef immoo barumsa akka nuuf ta'uuf caafame*. 12Kanaafis namni dhaabatee waan jiru itti fakkaatu, akka hin kufneef of haa eeggatu*! 13Qoramni namatti dhufee hin beekne isinitti hin dhufne. Waaqayyo amanamaa waan ta'eefis, humna keessan gara irraatti akka isin qoramtaniif isin hin dhiisu, garuu qorama sana keessatti akka isin dandeessan in godha, karaa isin keessaa baatanis isiniif in kenna*.#11 Rom 15:4; Ibr 4:11; 1Phe 4:7 12 Rom 11:20 13 1:9; 2Tas 3:3; Yaq 1:13; 2Phe 2:9

14Kanaafis yaa michoota ko, waaqayyolii tolfamaniif sagaduu irraa fagaadhaa*! 15Isin warra hubatootti nan dubbadha; waanan dubbadhu immoo isinumti faradaa! 16Xoofoo eebbaa isa eebbifannu irraa hirmaachuun keenya, dhiiga Kristos irraa hirmaachuu keenya mitii ree? Buddeena isa cabsannu irraa hirmaachuun keenya, dhagna Kristos irraa hirmaachuu keenya mitii ree*? 17Buddeenni tokkicha waan jiruuf, nus immoo hammam yoo baay'anne iyyuu, hundumti keenya buddeena tokkicha sana irraa waan hirmaannuuf, nuyi dhagna tokkicha*. 18Mee saba Israa'el ilaalaa! Warri kennaa dhi'aatu sana irraa nyaatan, kennaa iddoo aarsaa irraa Waaqayyoo wajjin hirmaatu mitii ree*? 19Egaa kun, qalmi waaqayyolii tolfamaniif dhi'eeffame yookiis waaqayyo tolfamaan ofuma isaatii waan tokkotti in gala jechuu koo tii ree*? 20Waawuu! Warri saba Waaqayyoo hin ta'in waan qalmaaf dhi'eessan hafuurota hamootaaf dhi'eessu malee, Waaqayyoof miti jechuu koo ti; ani immoo akka isin hafuurota hamootaa wajjin hirmaattota taatan hin barbaadu*. 21Xoofoo gooftaa keessaa akkasumas xoofoo hafuurota hamootaa keessaa dhuguu hin dandeessan; maaddii gooftaa irraa akkasumas maaddii hafuurota hamootaa irraa hirmaachuu hin dandeessan*. 22Nuyi gooftaa hinaafsisuu barbaannaa ree? Nuyi isa caalaa jaboo dhaa ree*?#14 1Yoh 5:21 16 11:23-26; Mat 26:26-28; Mar 14:22-24; Luq 22:19-20; HoE 2:42 17 12:27; Rom 12:5 18 Lew 7:6,15,16 19 8:4 20 Kes 32:17; Lew 17:7; Mul 9:20 21 2Qor 6:15-16 22 Kes 32:21

23?Wanti hundinuu dhowwaa hin qabu!? in jedhama, garuu wanti hundinuu immoo nama hin gargaaru; ?Wanti hundinuu dhowwaa hin qabu!? garuu wanti hundinuu ijaarsaaf hin ta'u*. 24Namni waan isatti tolu utuu hin ta'in, waan nama kan biraatti tolu haa barbaadu*! 25Foon dhaabii fooniitti gurguramus, yaada garaa keessanii akka hin tuqneef, waaqayyolii tolfamaniif qalamuu isaa utuu hin gaafatin, nyaachuu in dandeessu*; 26akkuma caaffanni qulqullaa'aan jedhu iyyuu, ?Biyyi lafaa wanti ishee keessa jirus hundinuu kan gooftaa ti*?.#23 6:12; 8:1 24 13:5; Rom 15:2; Filp 2:4 25 Rom 14:2-10 26 Far 24:1; 50:12

27Namni hin amanne tokko mana isaatti nyaataaf yoo isin waame, isinis dhaquu yoo barbaaddan, yaada garaa keessanii akka hin tuqneef, maaliif qophaa'e jettanii utuu hin gaafatin, waan isiniif dhi'aate nyaadhaa! 28Namni tokko, ?Kun qalma aarsaadhaaf dhi'aatee dha? jedhee yoo isinitti hime garuu, waa'ee namicha isinitti hime sanaaf, yaada garaa isaas waan tuquuf hin nyaatinaa*! 29Kunis yaada garaa isaa akka hin tuqneef malee, yaada garaa kee jechuu koo miti; ati immoo, ?Yoos birmadummaan koo yaada garaa nama biraatiin maaliif ittifama ree? 30Ani ga'aa koo galateeffadhee yoon fudhadhe, nyaata isa ani Waaqayyoon itti galateeffadheef maaliifan ceepha'ama ree?? jettee in gaafatta ta'a*.#28 8:7 30 Rom 14:6; 1Xim 4:4

31Egaa yoo nyaattan yookiis yoo dhugdan yookiis waanuma hojjettan hundumaa ulfina Waaqayyoof hojjedhaa*! 32Warra Yihudootaatti, warra Yihudoota hin ta'inittis yookiis waldaa kristiiyaanaa Waaqayyootti gufuu hin ta'inaa*! 33Ani karaa koo waanuman hojjedhuun nama hundumaa gammachiisuu nan yaala; isaan akka fayyaniif, waan anaaf waa'ee baasu utuu hin ta'in, waan namoota baay'eedhaaf waa'ee baasu nan barbaada*.#31 Qol 3:17 32 Rom 14:13 33 8:13; 9:19-22

Currently Selected:

1 GARA WARRA QORONTOS 10: MacQul

Highlight

Copy