መዝሙረ ዳዊት 79
79
ለመዘምራን አለቃ በመለከቶች ስለ አሦራውያን የአሳፍ የምስክር መዝሙር።
1ዮሴፍን እንደ መንጋ የምትመራ፥#ግእዙ “ዘይርዕዮሙ ከመ አባግዐ ዮሴፍ” ይላል።
የእስራኤል ጠባቂ ሆይ፥ አድምጥ፤
በኪሩቤል ላይ የምትቀመጥ፥ ተገለጥ።
2በኤፍሬምና በብንያም በምናሴም ፊት
ኀይልህን አንሣ፥ እኛንም ለማዳን ና።
3የኀያላን አምላክ፥#ዕብ. “አምላክ ሆይ” ይላል። መልሰን፥
ፊትህንም አብራ፥ እኛም እንድናለን።
4የኀያላን አምላክ አቤቱ፥
በባሪያህ ጸሎት ላይ እስከ መቼ ትቈጣለህ?
5የእንባችንን እንጀራ ትመግበናለህ፥
እንባችንንም በስፍር ታጠጣናለህ።
6ለጎረቤቶቻችን መነጋገሪያ አደረግኸን፥
ጠላቶቻችንም በላያችን ተሳለቁብን።
7የኀያላን አምላክ አቤቱ፥ መልሰን፥
ፊትህንም አብራ፥ እኛም እንድናለን።
8ከግብፅ የወይንን ግንድ አመጣህ፤
አሕዛብን አባረርህ፥ እርስዋንም ተከልህ።
9በፊቷም መንገድን#ዕብ. “ስፍራን አዘጋጀህ” ይላል። ጠረግህ፥
ሥሮችዋንም ተከልህ፥ ምድርንም ሞላች።
10ጥላዋ ተራሮችን ከደነ፥
ጫፎችዋም እንደ እግዚአብሔር ዝግባ ሆኑ።
11ቅርንጫፎችዋንም እስከ ባሕር፥
ቡቃያዋንም እስከ ወንዙ ዘረጋች።
12አጥርዋን ለምን አፈረስህ?
መንገድ አላፊም ሁሉ ይበላታል።
13የበረሃ እርያ አረከሳት፥
የዱር አውሬም ተሰማራባት።
14የኀያላን አምላክ ሆይ፥ እባክህ ተመለስ፤
ከሰማይ ተመልከት፥ እይም፥
ይህችንም የወይን ግንድ ይቅር በላት።
15በሰው ልጅ ለአንተ ያጸናኻትን
ቀኝህ የተከላትን አጽንተህ አነሣሣት።
16በእሳት ተቃጥላለች፥ ተነቅላማለች
ከፊትህ ተግሣጽም የተነሣ ይጠፋሉ።
17ለአንተ ባጸናኸው በሰው ልጅ ላይ፥
በቀኝህ ሰው ላይ እጅህ ይሁን።
18ከአንተም አንራቅ፤
አድነን፥ ስምህንም እንጠራለን።
19የኀያላን አምላክ አቤቱ፥ መልሰን፥
ፊትህንም አብራ፥ እኛም እንድናለን።
Currently Selected:
መዝሙረ ዳዊት 79: አማ2000
Highlight
Share
Copy
Want to have your highlights saved across all your devices? Sign up or sign in
