መጽሐፈ ኢዮብ 31
31
1“ከዐይኔ ጋር ቃል ኪዳን አደረግሁ፥
ድንግሊቱንም አልተመለከትሁም፤
2የእግዚአብሔር እድል ፋንታ ከላይ፥
ሁሉንም የሚችል የአምላክ ርስት ከአርያም ምንድን ነው?
3ሞት ለዐመፀኛ፥
መለየትም ኀጢአትን ለሚሠሩ ነው።
4እርሱ መንገዴን የሚያይ አይደለምን?
እርምጃዬንስ ሁሉ የሚቈጥር አይደለምን?
5ከፌዘኞች ጋር ሄጄ እንደ ሆነ፥
እግሬም ከመንገዱ ገለል ብላ እንደ ሆነ፥
6በእውነተኛ ሚዛን ልመዘን፥
እግዚአብሔርም ቅንነቴን ያውቃል።
7እርምጃዬ ከመንገዱ ፈቀቅ ብሎ እንደ ሆነ፥
ልቤም ዐይኔን ተከትሎ እንደ ሆነ፥
ጉቦም በእጄ ተጣብቆ እንደ ሆነ፥
8እኔ ልዝራ፥ ሌላ ሰውም ይብላው፤
በምድር ላይ ሥሬ ይነቀል።
9ልቤ ወደ ሌላ ወንድ ሚስት ተከትሎ እንደ ሆነ፥
በደጅዋም አድብቼ እንደ ሆነ፥
10ሚስቴ ሌላውን ሰው ደስ ታሰኝ።
ልጆቼም ይዋረዱ።
11የሌላውን ወንድ ሚስት ማርከስ፥
የማይቈጣጠሩት የቍጣ መቅሠፍት ነው።
12ይህ በሕዋሳት ሁሉ የሚነድድ እሳት፥
የገባበትንም ሁሉ ከሥር የሚነቅል ነውና።
13“ወንድ ባሪያዬ ወይም ሴት ባሪያዬ በእኔ ዘንድ በተምዋገቱ ጊዜ፥
ፍርዳቸውን አዳልቼ እንደ ሆነ፥
14እግዚአብሔር በመረመረኝ ጊዜ ምን አደርጋለሁ?
በጐበኘኝ ጊዜስ በፊቱ ምን እመልስለታለሁ?
15እኔን በማኅፀን የፈጠረ እነርሱንስ የፈጠረ አይደለምን?
በማኅፀንስ ውስጥ የሠራን አንድ አይደለምን?
16“ድሆች የሚሹትን እንዳያገኙ አድርጌ እንደ ሆነ፥
የመበለቲቱንም ዐይን አጨልሜ እንደ ሆነ፥
17እንጀራዬን ለብቻዬ በልቼ እንደ ሆነ፥
ለድሃአደጉም ደግሞ ከእርሱ አላካፈልሁ እንደ ሆነ፥
18እርሱን ከታናሽነቱ ጀምሮ እንደ አባቱ ከእኔው ጋር አሳድጌው ነበር፤
ከእናቱም ማኅፀን ከተወለደ ጀምሮ አሳደግሁት።
19ራቁቱን የሆነው ሰው በብርድ ሲሞት አይቼ፥
አላለበስሁት እንደ ሆነ፥
20ድሆች አልመረቁኝ እንደ ሆነ፥
በበጎቼም ጠጕር ትከሻቸው አልሞቀ እንደ ሆነ፥
21ብዙ ረዳት እንዳለኝ ተማምኜ
በድሃአደጉ ላይ እጄን አንሥቼ እንደ ሆነ፥
22ትከሻዬ ከመሠረቷ ትውደቅ፥
ክንዴም ከመገናኛዋ ትሰበር።
23የእግዚአብሔር ግርማ አስደንግጦኛልና፤
በእርሱም ከመያዝ በምክንያት ማምለጥ አልቻልሁም።
24“ወርቄን በመሬት ውስጥ ቀብሬ እንደ ሆነ፥
ዋጋው ብዙ በሆነ ዕንቍ ታምኜም እንደ ሆነ፥
25ሀብቴ በበዛ ጊዜ፥ ደስ ብሎኝ እንደ ሆነ፥
ስፍር ቍጥር በሌለውም መዝገብ ላይ እጄን ጨምሬ እንደ ሆነ፥
26የሚያበራ ፀሐይ እንደሚጠፋ
ጨረቃም እንደምትጨልም አላይምን?#በዕብራይስጥ ልዩነት አለው።
በራሳቸው ለመኖር ኀይል የላቸውምና፥
27ልቤ በስውር ተታልሎ እንደ ሆነ፥
በአፌም ላይ እጄን አኑሬ ስሜ እንደ ሆነ፥
28በልዑል እግዚአብሔር ፊት በዋሸሁ ነበርና
ይህ ደግሞ ትልቅ በደል ይሁንብኝ።
29በጠላቴ ውድቀት ደስ ብሎኝ እንደ ሆነ፥
በልቤም እሰይ ብዬ እንደ ሆነ፥
30ጆሮዬ መርገሜን ትስማ፤
በወገኔም መካከል ክፉ ስም ይውጣልኝ።#በዕብራይስጥ ልዩነት አለው።
31“ቤተ ሰቦቼ እኔ ስራራላቸው፥
ሥጋውን እንበላ ዘንድ ማን በሰጠን ብለው እንደ ሆነ፥
32መጻተኛው ግን በሜዳ አያድርም ነበር፥
ደጄንም ለመጣው ሁሉ እከፍት ነበር፤
33ታላቅ በደልም በድዬ እንደ ሆነ፥
ኀጢአቴንም ሰውሬ እንደ ሆነ፥
34ከብዙ ሕዝብ የተነሣ በፊታቸው ለመናገር አፍሬ እንደ ሆነ፥
ድሃውም ከደጄ ባዶውን ወጥቶ እንደ ሆነ፥#በዕብራይስጥ ይለያል።
35የሚያደምጠኝን ማን በሰጠኝ!
የእግዚአብሔርንም እጅ አልፈራሁ እንደ ሆነ፥
የሚያስፈርድብኝ የክስ ጽሑፍ ምነው በኖረኝ!
36በትከሻዬ ላይ እሸከመው ነበር፥
አክሊልም አድርጌ በራሴ አስረው ነበር፥
በብዙዎችም መካከል አነብበው ነበር፤
37ከባለ ዕዳዬ የምቀበለው ሳይኖር
ቀድጀው እመለሳለሁ።#ከዕብራይስጥ ጋር አይመሳሰልም።
38“እርሻዬ በእኔ ላይ ጮኻ እንደ ሆነ፥
ትልሞችዋም በአንድ ላይ አልቅሰው እንደ ሆነ፥
39ፍሬዋን ለብቻዬ ያለ ዋጋ በልቼ እንደ ሆነ፥
ባለ መሬቱንም አባርሬ ነፍሱን አሳዝኜ እንደ ሆነ፥
40በስንዴ ፋንታ እንክርዳድ፥
በገብስም ፋንታ ኵርንችት ይብቀልብኝ።”
ኢዮብም ነገሩን ፈጸመ።
Currently Selected:
መጽሐፈ ኢዮብ 31: አማ2000
Highlight
Share
Copy
Want to have your highlights saved across all your devices? Sign up or sign in
