Maarqoos 4

Mammaasa Namicha Oobruu Facaasuu

(Mat. 13:1-9; Luq. 8:4-8)

1 # Luq. 5:1-3 Yesus ammallee dhaattuu galaana Galiilaatti nama barsiisuu jalaqabe. Mar. roo gumiin guddoon isatti dhufteef, innii hoboloo tokko ta galaana gubbaa teettu keessa seenee taa'e. Gumiin cuftii afaan galaanaa teteette. 2Innii waan hedduu mammaassaan biyya barsiisee, barsiisa ufii keessatti, 3“Dubbii tana caqasaa! Namii tokko midhaan facaafachuu dhaqe. 4Adoo innii facaasuu, midhaan garii daandii keessatti jiganii, simphirreen dhuftee nyaattee hobbaafte. 5Midhaan garii lafa dhakaa gubbaa jigan, fulaa biyyeen guddoo hinjirre; duuba hurree ba'an, ammoo marroo biyyeen guddoo gad hinjirreef, 6aduun baanaan waan hidda hinqamneef gubatanii gogan. 7Midhaan garii qoraattii keessatti jigan. Duuba qoraattiin baatee, midhaan qancarsitee, midhaan baasuu dhowwite. 8Midhaan garii fulaa biyyee dansaa jiganii, ba'anii, midhaan dansaa baasan, ka garii soddoma, ka garii jaatama, ka garii dhibba dhalan” jedhe. 9Yesus ammallee, “Namii gurra qabu ha dhaga'uu!” jedhe.

Waan Mammaassaani Dubbataniif

(Mat. 13:10-17; Luq. 8:9-10)

10Adoo innii kophaa jiruu, jarii isa gula yaa'uu fi jarii kudhanii lamaan kaan waan mammaassaa kana isa gaafate. 11Innii deebisee, “Waan dhossaa ta Mootummaa Waaqaa qaraa ya isanii kennan; warrii ala jiru ammoo mammaassa callaa dhagaa, 12akka, ‘Adoo jabeesaanii ilaalaniillee homaa hinagarre, adoo jabeessaanii caqasaniillee homaa hinhubanne; maaliif, yo akkas tolchan, silaa Waaqatti deebi'anii, Waaqii namaa araarama’ ” isaaniin jedhe.

Hiika Mammaassa Namicha Oobruu Facaasuu

(Mat. 13:18-23; Luq. 8:11-15)

13Jennaan Yesus, “Mammaassii kun isanii hingaluu? Yo kun isaan hingalle mammaassii dhibiilleen cufa akkamiin isaan gala ree? 14Namii facaasu dubbii Waaqaa facaasa. 15Midhaan garii daandii keessatti jigan, kunin nama dhagayee, akkuma dhagayeen Sheexanii dhufee dubbii garaa isaanii keessatti facaasan irraa fudhatu. 16Laftii dhakaa, fakkeenna nama dubbii dhagayee gammadaan fudhaatuu. 17Warrii ammoo akka lata mukaa ka hidda gad fagoo hinqamneeti, yo dhiphuu fi gaargalii marroo dubbii Waaqaatiif itti dhufu yoosu jigan. 18Ka garii qoraatti keessatti jigan. Kunin nama dubbii dhagayee, 19ammoo dhiphuun lafa tanaa, gammada horiitii fi dharraan gosa cufaa seentee, akka midhaan hinbaamne dubbii qancarsitu. 20Ka garii biyyee dansaatti jigan. Kunin nama dubbii dhagayee fudhate, midhaan ka garii soddoma, ka garii jaatama, ka garii dhibba baasu” jedhe.

Barsiisa Waan Ibsee

(Luq. 8:16-18)

21 # Mat. 5:15; Luq. 11:33 Yesus warraan, “Isii, dhuguma ibsee dhufaniinii qorii yokaan siree jala inkayanii? Gubbaatti fannisaniinitii? 22#Mat. 10:26; Luq. 12:2 Wantii dhossan ta hinmullanne hinjirtu, yokaan wantii daboolaan ta hinbuqimne hinjirtu. 23Namii gurra qabu ha dhaga'uu!” jedhe. 24#Mat. 7:2; Luq. 6:38 Ammallee innii warraan, “Waan dhageettan midhaaffadhaa! Waan isan namaa kennitan itti isanii daranii isaniillee kennan. 25#Mat. 13:12; 25:29; Luq. 19:26 Nama wa qabu itti daraniif, ka homaa hinqamne ammoo waan innii qabuullee irraa fuudhan” jedhe.

Mammaassa Waan Midhaan Facaasanii

26Jennaan innii, “Mootummaan Waaqaa akka nama oobruu ufii keessatti midhaan facaafatee jirti. 27Namichii halkan rafee, guyyaa ka'a, adoo innii hinbeekkatin midhaalleen ba'anii guddattan. 28Laftii ufiin midhaan baafti, qaraa biqila, itti aansitee baala, eegee dargaayyee bilchaattuu. 29Yo midhaan bilchaatan, innii waan midhaan bilchaataniif, marroo tokkoottuu mura” jedhe.

Mammaasa Gumaa Dambii

(Mat. 13:31-34; Luq. 13:18-19)

30Ammallee innii, “Mootummaa Waaqaa nu maaniin walfakkeesina? Mammaassa kamiin himna? 31Isiin gumaa dambii ka yo oobran gumaa cufa irra diqqaa fakkaatti. 32Ammoo eegii facaasan guddateetti, mukaa cufaa irra dheeratee, damee baasa, akka simphirreen keessatti mana jaarrattee teettu” jedhe. 33Yesus mammaassa akkanaa hedduun haga warrii dhaga'uu danda'uu cufa itti hime. 34Innii mammaassa malee warratti hinhaasoomne; kophaatti ammoo jara ufii waan cufa barsiise.

Akka Yesus Bubbee Callisiise

(Mat. 8:23-27; Luq. 8:22-25)

35Guyyuma sun, laftii galgaloomnaan, Yesus warraan, “Koottaa gama kaanitti taakkinaa” jedhe. 36Duuba warrii ka'ee gumii biraa yaa'ee, ergamtootii hoboloo qaraa Yesus keessa jiru keessa duuddee isa fuutee kaatee itti dhaabatte; hobolootii dhibiilleen isa waliin yaate. 37Jennaan bubbeen guddoon bubbiftee, dhawaan galaanaa hoboloo seentee, diqqumaa bisaan hinguutin. 38Yesus ammoo hoboloo duuba, saaboo gubbaa rafuu jira. Biyyii isa dammassitee, “Aabboo, badiin teenna si hindhibduu?” jette. 39Yesus ka'ee, bubbee dhowwee, dha'aa bisaaniilleen “Callisi!” jedhe. Bubbeen callimnaan laftii caqalli jette. 40Jennaan innii warraan, “Maaf akkana sodaattan? Ammallee dhugeeffachaa inqabdanii?” jedhe. 41Warrii guddoo sodaatee, waliin, “Namii kun eennu, ka bubbee fi galaaniilleen sarmuuf?” jedhee walgaafate.

Currently Selected:

Maarqoos 4: KakHaa

Highlight

Copy