Maarqoos 1

Barsiisaa Yoh. aannis nama cuuphuu

(Mat. 3:1-12; Luq. 3:1-18; Yoh. 1:19-28)

1Oduun dansaan Yesus Kiristoos ilma Waaqaa tana. 2Kitaaba keessatti, “Ilaal anin ergamaa kiyya si dura ergaa, akka karaa sii midhaassuu” jetti. Kitaaba raaga Isaayas keessatti ammoo, 3“Qoonqootti lafa gammoojjii keessaa iyyaa dhaqaa dhageeffdhaa, ‘Karaa Aabboo kurfeessaa, daandii isaa qajeelchaa!’ wantii jedhaa la barreeffamte.” 4Yoh. aannis lafa gammoojjii dhufee, aadaa cuuphama jedhan biyyaa kennee, “Cubbuu irraa deebi'aa, aadaa cuuphamaa fudhadhaa, akka Waaqii cubbuu teessan isanii araaramu” jedhe labse. 5Namii Yihudaatii fi ka Yerusaalem keessa jiruulleen cuftii dhaqee Yoh. aannis caqasee, cubbuu ufii himatanii jennaan, innii galaana Yordaanos keessatti warra cuuphe. 6Wayaan Yoh. aannis rifeensa gaalaati, gurdaa hidhaanaatti hidhatee, awwaanisaa fi damma nyaachaa jiraate. 7Innii, “Eegii tiyya, nama narra jiruutti dhufa, ka seemsaa kophee isaallee anin gajedhee hiikuu hinmalin. 8Anin bisaaniin isan cuuphee, innii ammoo Hafuura Qulqulloon isan cuupha” jedhee labse.

Cuuphamaa Fi Laallachaa Yesus

(Mat. 3:13—4:11; Luq. 3:21-22; 4:1-13)

9Bara sun Yesus Naazireet lafa Galiilaa keessaa dhufee, Yoh. aannis galaana Yordaanos keessatti isa cuuphe. 10Akkuma Yesus bisaan keessaa ba'een, gubbaan Waaqaa banamtee, Hafuura qulqulloo bifa sabaliisaa qabu, ka isa gubbaa bu'uu arge. 11#Mat. 3:17; 12:18; Mar. 9:7; Luq. 3:22 Qoonqoon Waaqaa gubbaa, “Atin ilma kiyya tokkocha, ka guddoo na gammachiisu” jettu dhufte.

12Jennaan Hafuurii Qulqulloon gammoojjiitti isa baase. 13Innii bultii afurtamaa gammoojjii keessa taa'ee, Sheexanii isa laallate. Bineensa alaa jiddu taa'ee, ergamtootii Waaqaa isa qorqoratte.

Akka Yesus Jara Ufii Ka Qaraa Yaame

(Mat. 4:12-22; Luq. 4:14-15; 5:1-11)

14Eegii Yoh. aannis qaban, Yesus Galiilaa dhaqee, oduu dansaa gara Waaqaatii dhufte himee, 15#Mat. 3:2 “Yo'ii yaayyuu ga'ee, Mootummaan Waaqaa la dhi'aattee, cubbuu irraa deebi'aa, oduu dansaa tana dhugeeffadhaa” jedhe. 16Adoo innii dhaattuu galaana Galiilaa deemuu, Simoonii fi obbooleessa isaa Indiriiyaas, ka xuruuraa qurxummii galaana keessa buusan, arge; warrii guurtuu qurxumiiti. 17Yesus warraan, “Na gula koottaa, anin guurtuu namaa isan tolchaa” jedhe. 18Xuruuraa ufii achumaatti lakkisanii hurrisanii isa gula yaa'an. 19Diqqoo deemnaan, innii Yaaqobii ilma Zabdewositii fi Yoh. aannis obbooleessa isaa arge. Warrii hoboloo keessatti xuruuraa qurxummii midhaafachuutti jira. 20Innii akkuma argeen yaamee, duuba abbaa fi hojjattu isaanii hoboloo keessatti lakkisanii isa gula yaa'an.

Akka Yesus Nama Jinnii Qabu Fayyise

(Luq. 4:31-37)

21Yesusii fi jarii isaa dira Qifirnaahom dhumnaan, innii guyyaa Sambataa mana Waldeennaa seenee biyya barsiise. 22#Mat. 7:28-29 Biyyitii waan innii barsiise guddoo maadeefatte, waan innii akka jara seera beekuu hinbarsiimnee, ammoo akka nama humna qabuu barsiiseef. 23Namii jinnii qabuu tokko ka mana Waldeennaa sun keessa jiru iyyee, 24“Yesus Naazreet atin maan nurraa qabda? Nu balleessuu dhuftee? Anin si beekaa, atin Qulqulloo Waaqaati” jedhe. 25Yesus jinnii dhowwee, “Callisii isa keessaa ba'i” jedheen. 26Jinniin taan namicha harguftee, lallabdee, iyyitee keessaa baate. 27Biyyitii cuftii guddoo maadeeffattee waliin, “Takka agartanii-dhageettanii? Barsiisaan haareettiin tun maal? Namii kunin guddoo jabeenna qaba! Innii jinniillee inajajaa; jinniilleen inajajaamtiif” jette.

Akka Yesus Nama Hedduu Fayyise

(Mat. 8:14-17; Luq. 4:38-41)

28Mar. ruma tokkoon gurrii isaa ardaa lafa Galiilaa cufa gahe. 29Mana Waldeennaa keessaa ba'ee jennaan, Yaaqobii fi Yoh. aannis waliin, mana Simoonii fi Indriiyaas dhaqe. 30Jaartiin soddaa Simoonii, qandhoo fuutee ciifti, akkuma Yesus achiin ba'een itti himan. 31Innii gara isii dhaqee, harka qabee olkaase. Qandhoon isii irraa galtee, isiin warra gololchitte. 32Laftii galgaloomnaan nama fayyaa hinqamnee fi ka jinnii qabu cufa isattiin dhufan. 33Namii diraa cuftii balbala duratti walti ba'e. 34Innii nama dhukkuba gosa gosaatiin gaargalaa ture cufa fayyisee, jinnii hedduullee nama keessaa baase, jinniin waan isa beettuuf innii isii dubbachuu dhowwe.

Akka Yesus Galiilaa Keessatti barsiisee Fi Akka Innii Kopaa Isaa Waaqaa Kadhate

(Luq. 4:42-44)

35Boriyyaa, barraaqa dheeraa gara afaan barii gula, Yesus ka'ee, fulaa namii hinjirre dhaqee Waaqaa kadhate. 36Simoonii fi waahelootii isaa ammoo Yesus barbaadan; 37isa arginaan, “Namii cuftii si barbaaduu jira” jedhaniin. 38Innii ammoo, “Koottaa, gara dira nutti aanuu yaanaa, akka achiilletti haasa'uu; anin waan kanaaf dhufee” isaaniin jedhe. 39#Mat. 4:23; 9:35 Jennaan innii lafa Galiilaa cufa keessa dedeemee, Manneen Waldeennaa keessatti haasa'ee, jinnii nama keessaa yaase.

Akka Yesus Qomaaxaa Fayyise

(Mat. 8:1-4; Luq. 5:12-16)

40Namii tokko ka qomaaxaa qabu isatti dhufee, miilaatti jigee, “Atin yo silaa na fayyisuu feete, indandeetta” jedhee isa kadhate. 41Yesus na'eefii, harka dheereffatee, isa qabatee, “Infedhaa fayyi” jedheen. 42Achumaatti qomaaxaan irraa baddee, namichii fayyee qulqullaa'e. 43Jennaan Yesus akka jabaa isa gorsee, 44“Ufi eegadhu, nama tokkolletti hinhimin! Ammoo deemii, qaallicha guddaa ufi garsiis, sooriyoo Musee irraa dhufte qalii, akka namii fayyaa tee argu” jedheenii ufi biraa deemsise. 45Namichii kaan ammoo achii deemnaan akkuma arge fuluma cufaatti haasa'e. Tanaaf Yesus dhossaa malee dira tokkollee seenuu dadhabee, fulaa namii hinjirre ala taa'ee biyyitii fuluma cufaa isatti dhufte.

Currently Selected:

Maarqoos 1: KakHaa

Highlight

Copy