Luqaas 13

Gorsa Akka Cubbuu Irraa Deebi'anii

1Yoma sun jarii tokko gara Yesus dhufee, “Philaaxos yaayyuu warra Galiilaa ka sooriyoo qalatu tokko fixee, dhiiga warraatii fi ka sooriyoo walti make jedhan” jedhe. 2Yesus ammoo deebisee, “Waan warrii akkas gaargala argateef waan jarii Galiilaa sun nama Galiilaa cufa irra cubbame seetanii? 3Hiyyoo akkasiiniti, anin isanitti himaa, isaniilleen yo cubbuu irraa deebi'uu baattan akkasuma baddan. 4Yokaan warra kudhanii saddeetii kaan, ka manii Siilo'am irratti jigee fixe, waan warrii nama Yerusaalem keessa jiru cufaa irra cubbame seetanii? 5Hiyyoo akkasiiniti, anin isanitti himaa, isan cuftii yo cubbuu irraa deebi'uu baattan akkasuma baddan” jedhe.

Mammaassa Odaa Midhaan Hinbaamnee

6Jennaan Yesus mammaassa kana warratti himee, “Namii tokko muka odaa oobruu ufii keessatti oobree; dhufee midhaan irra barbaadee dhabe. 7Jennaan nama oobruu eeguun, ‘laal ganna sadii muka odaa kana irraa midhaan fedhadhee dhabee, muri! Maaf lafa dhowwata?’ jedheen. 8Innii ammoo deebiseefii, ‘Aabboo, mee haga anin qotee kossii jalatti naquutti ganna kanaallee lakkii! 9Duuba yo ganna dhufu midhaan baase dansaa; ammoo yo hinbaasin inmurtaa’ ” jedheen.

Akka Yesus Guyyaa Sanbataa Niitii Tokko Fayyise

10Guyyaa Sanbataa Yesus mana waldeennaa tokko keessatti nama barsiisuu jira. 11Niitii tokkootti ta jinniin haga ganna kudhanii saddeetii fayya dhowarte achi jira? isiin gajjettee dandeettee akka dansaa olinqajeeltu. 12Yesus isii arginaan gara ufii yaamee, “Hatoo, atin fayyadhaba kankee ya fayyite!” jedheen. 13Harka isaa isii irra kaa'ee, isiin yoma sun olqajeeltee ejjitee Waaqaa faarsite. 14Guddaan mana waldeennaa ammoo, akka Yesus guyyaa Sanbataa nama fayyise arginaan dallanee gumiin, “Guyyaan hujii hojjatan ja'aatti jiraa, tanaaf guyyaa sun akka fayyitaan, koottaa malee, guyyaa Sanbataa hindhufiinaa!” jedhe. 15Jennaan Aabboon deebiseefii, “Isan kijibdoolee, isan cuftii guyyaa Sanbataa loonii fi harree teessan bobbaaftanii obaa hindhooftanii? 16Jaartiin dubra Abrahaam, tunin ta sheexanii ganna kudhanii saddeetii hidhe, guyyaa Sanbataa hidhansa kana keessaa ba'uu hinmallee?” jedhe. 17Innii akkas jennaan nyaaphii isaa cuftii ceeree, gumiin cuftii waan mamaa ka innii tolcheetti gammadde.

Waan Mammaassa Gumaa Dambii

(Mat. 13:31-32; Mar. 4:30-32)

18Jennaan Yesus, “Mootummaan Waaqaa maan fakkaattii? Maaniin walfakkeessa?” jedhee gaafate. 19“Mootummaan Waaqaa gumaa dambii, ka namii fuudhee oobruu ufiitti facaasee; latee ba'ee, muka guddaa ta'ee, simphirreen damee isaa gubbaatti mana jaaratte tokko fakkaatti” jedhe.

Mammaassa Bukoo

(Mat. 13:33)

20Ammallee Yesus, “Mootummaa Waaqaa maaniin walfakkeessa?” jedhee gaafate. 21“Mootummaan Waaqaa bukoo nadheen fuutee haga cuftii buka'aaniitti midhaan guddoo daakaniitti naxxu fakkaatti” jedhe.

Waan Balbala Dhiphoo

(Mat. 7:13-14,21-23)

22Yesus adoo Yerusaalemiitti deemuu diraa fi olloowwaan keessa dedeemee barsiise. 23Namii tokko, “Aabboo, namii baafamu diqqqaa?” jedhee gaafate. Innii warraan, 24“Akka balbala dhiphoon olseentan wal doggomaa; wantii akkanatiifii, anin isanitti himaa, nama hedduutti seenuu fedha, ammoo hindanda'an. 25Eegii abbaan manaa ka'ee balbala cufee, isan ala ejaajjitanii balbala dhodhooftanii, ‘Aabboo nuu bani!’ jettanii yaamtan; innii ammoo, ‘Anin garuma isan baataniifiiyyuu hinbeeku’ jedheetti isanii deebisa. 26Duuba isan, ‘Nu waliin teteennee nyaannee, dhunnee atin dira keenna keessatti nu barsiifte’ jettan. 27Innii ammoo, ‘Anin garum isan baataniifiiyyuu, hinbeekuu, fuula kiyya duraa fagaadhaa isan cuftii warra dabaatii’ isaniin jedha. 28#Mat. 22:13; 25:30 Achitti yo Abrahaam, Yisihaq, Yaaqoobii fi raagota cufa Mootummaa Waaqaa keessatti gartan, isan ammoo alatti gatanii, boottanii ilkaan qartan. 29#Mat. 8:11-12 Namii ila boruutii fi ila galuchiitii, mirgaa fi bitaa dhufee, Mootummaa Waaqaa keessatti sagalee nyaatan. 30#Mat. 9:30; 20:16; Mar. 10:31 Guyyaa gaafasii namii eegee ka duraa ta'a, namii duraa ka eegee ta'a” jedhe.

Akka Yesus Yerusaalemii Boo'e

(Mat. 23:37-39)

31Yoma sun Fariisotaa keessaa namii garii gara Yesus dhufee, “Armaa baqadhu! Herodis si ijjeesuu fedhaa” jedheen. 32Yesus ammoo deebisee, “Beenaa, geedala suniinii, ‘Anin ardhaa fi bor jinnii baasa, nama fayyisa, guyyaa sadeessoo hujii tiyya inhobaafadha. 33Ammoo ardha, borii fi iftaaniillee karaa kiyya qabachuu male, wantii akkanatiifii raagii Yerusaalem male fulaa dhibiitti du'uu hinmalle’ jedha” warraan jedhe. 34Yesus ittuma dabree, “Ee'ee Yerusaalem, Yerusaalem, atin raagoota fixxee, jara sitti ergan dhakaan dhante! Mar. roo hagam silaa akka lukkuun ilmoolee ufii koola ufii jalatti guurtu ijoollee tantee ufi jalatti guuruu barbaade, ammoo atin hindidde. 35Me laalaa, manii keessaan ona ta'aa. Anin isanitti himaa, haga ‘Waaqii nama maqaa Aabbootiin dhufu ka eebbisuu’ jettaniiti na hinargitan” jedhe.

Currently Selected:

Luqaas 13: KakHaa

Highlight

Copy