ሮሜ 5
5
ኣማ̈ናባር ቤንቲ̇ዝ ኢጊንኬ ሳሪቲ
1ዪዚ ኑ̈ኒ ኣማ̇ናባራ ጺላ̇ ማ̈ቂ̇̈ኖኮታ̇ቦ ኑ ጎዳ ዬሱ̈ስ ክርስቶ̈ሳ ጎይባራ ጾ̈ሳ̇ባር ኑ̈ብ ሳሪቲ ዎ። 2ኑ̈ኒ ዓት ኣማ̇ናባር ሚ̈ጛር ዎ ቤሲ̇ን ኢ ካንን ጋርታ̇ ጌሊኖንዳ ኢ ጎይባራ፤ ማ ጾ̈ሳ̇ ፌ ቦንቻ̇ ኑ̈ብ ኢማ̇ዚንኮታ̇ቦ ዪኒ̇ባር ኑ̈ኒ ኬርፊ̈ሬ። 3ዪ̈ባር ሙታ̇ ጊዳካይዶን ኑ̈ና ዬላ̇ዝ ሜቲንባራር ኡፋይቲ̇̈ሬ፥ ኣባ ጌይን ሜታ ጋርታ̇ፖ ጋርዢቺ̇ ቤንታ̇ዚንዶ ኑ̈ኒ ኤሪ̈ሬ፤ 4ጋርዣ ጋርታ̇ፖ ሚንቲ ቤንቲ̇̈ሬ፤ ሚንቲ ጋርታ̇ፖ ታስፋ ቤንቲ̇̈ሬ። 5ጾ̈ሳ̇̇ ኑ̈ብ ኢሚ̇ኖ ጌ̈ሻ̇ ኣያ̇ና ጎይባራ ኢ ካን ኑ ቡ̈ዳ ጋርታ̇ ኩሚኖኮታ̇ቦ ኢ ኑ̈ብ ኢሚ̇ኖ ታስፋ̈ ኑ̈ና ሜላ̇ ኣሺ̇ባ̈ሴ።
6ኑ ኑ̈ና ፋንዳብ ዳንዳኣካ̇ዮ ኣስ ማ̈ቃ̇ር ዎዶን ጾ̈ሲ ጌይኖ ኬ̈ሊ̇ንባራ ክርስቶ̈ሲ ናጋራንቻ̇ንኮታ̇ቦ ዓይቂ̇ዴ። 7ጺላ̇ ኣስ ጊሻ̇ቦ ዓይቂ̇ዝ ኣስ ዲጛንዳብ ዎይሊን ዋ̈ይ̈ሬ። ማቂናካሬ ኮሽ ኣሳ ጊሽ̇ ዓይቃ̇ንዳቦ “ኣ ዎ” ዪዝ ጌይዝ ኣሲ ኦ ኤሪ̈ራ ቤንታ̇ንዳብ ዳንዳኢ̈ሬ። 8ዎቲናካሬ ኑ̈ኒ ናጋራንቻ̇ን ማ̈ቃ̇ሪ ዎዶ̈ን ክርስቶ̈ሲ ኑ ጊሻ̇ብ ዓይቂ̇ዴ፤ ዪ̈ዳሬ ጾ̈ሳ̇̇̈ዲ ኑ̈ና ዎዛርፌ̈ን ጴች ካ̈ርኮ ቤይሲ̈ሬ። 9ዪዚ ኑ ዬሱ̈ስ ክርስቶ̈ሳ ሱ̈ባራ ጺላ̇ ማ̈ቂ̇ኖኮታ̇ቦ ጾ̈ሳ̇ ጎይላ ጋልዳፓ̇ሬ ኪንባራ ቡ̈ታ̇ዚንዳ ኢ ጎይባራ። 10ኑ̈ኒ ጾ̈ሳ̇̇̈ባር ጎይል ማ̈ቃ̇ር ዎዶ̈ን ጾ̈ሲ̇ ፌ ናኣ ዓይቃባር ኑ̈ና ፌባር ኢጊ̇ንኔ፤ ዓት ኑ ጾ̈ሳ̇ባር ኢጊ̇ንቲኖፖ̇ ዓኒ፥ ኢ ናኣ ሼምፓባር ዎኮታ̇ቦ ኑ̈ና ሺ ፋሬ። 11ዪ̈ ሙታ̇ ጊዳካ̇ይዶን ዓት ኑ̈ና ጾ̈ሳ̇̇̈ባር ኢጊ̇ንኖ ኑ ጎዳ ዬሱ̈ስ ክርስቶ̈ሳ ጎይባር ኑ ጾ̈ሳ̇̇̈ባር ኡፋይቲ̇̈ሬ።
ዓይቃ ኣዳ̈̇ማባራ ዬይኔ ሼምፖ̇ ክርስቶ̈ስባራ ዬይኔ
12ፔቲ̇ ኣሳ ጎይባራ ናጋሮ ዓኒ̇ ኣላሚን ጋልዳ ዬይዴ፤ ኣሲ ናጋራ ኦ̈ን ዓይቃ ዬይዴ። ዪና̇ ኢዝፌ̈ኒ ኣሲ ዎይ ናጋራ ኦ̈ኖኮታ̇ቦ ዓይቆ ኣስ ዎይ ጋልዳ ዬይዴ። 13ሙ̈ሶ ሂጋ̇ ኬስካናፖ̇ ቲ̈ን ናጋራ ኣላማ ጋልዳ ዎ። ማ̈ቂ̇ናካሬ ሂጋ̇ ባዮ ቤስ̇ ጋልዳ ናጋራ ናጋራፌ̈ን ፋይዲንቲ̇ባ̈ሴ። 14ማ̈ቂናካሬ ኣዳ̈̇ማፖ̇ ኤ̈ር ዓጛር ሙ̈ሳ ዬሊ̇ዝ ዲራስ ኣዳ̇̇̈ማፌ̈ን ናጋራ ኦካዮን ጋልዳር ኣታካይዶን ኣስ ዎይ ጋልዳ ዓይቃ ካውቲዴ፤
ኣዳ̇ሚ ኢ̈ፖ ዎሃ ዬይኖ ክርስቶ̈ሳብ ሚሳ̇̈ሊዬ። 15ዎቲናካሬ ጾ̈ሳ̇ ኪልሳ̈ዲ ኣሳ ናጋራፌ̈ን ጊዳካ̇ዬ፤ ፔቲ̇ ኣሳ ናጋራ ጊሽ̇ ዎይሊንን ዓይቂ̇ኖንዲፌ̈ኒ ጾ̈ሳ̇ ካንንባርኬ ፔቲ̇ ና̈ሳ ዬሱ̈ስ ክርስቶ̈ሳ ጎይባር ቤንቲ̇ኖ ካን ኪልሳ̈ዲ ኪንባር ዎይሊንንቦ ጊዳር ሺዝ ዲራስ ኢሚ̇ንቲ̇ኔ። 16ማ ጾ̈ሳ̇ ኪልሳ ፔቲ̇ ኣሲ ናጋራ ኦ̈ን ዬይኖ ጎይሊምፖ ሺ̈ሬ፤ ኣባ ጌይን ፔቲ̇ ኣሲ ናጋራ ኦ̈ኖንቦ ጾ̈ሳ̇ ፊርዳ̈ዲክ ጎይላዲክ ዬይዴ፤ ዎቲናካሬ ዎይሊን ኣሲ ኦ̈ኖ ናጋራኮታ̇ቦ ጾ̈ሲ̇ ኢሚ̇ኖ ኪልሳ̈ዲ ኣሳ ናኣቦ ጺሊ̇ቲ ኤሄይዴ። 17ፔቲ̇ ኣሲ ኦ̈ኖ ናጋራጊሽ ዓይቃ ኣስ ዎይ ጋልዳ ካውቴጌይን፤ ጾ̈ሳ̇̇̈ኮን ጊዳር ሺኖ ካንንዲኬ ኪልሲን ኤካ̇ሪ ጺሊ̇ኖን ዎይ ፔቲ̇ ና̈ሳ ዬሱ̈ስ ክርስቶ̈ሳ ጎይባራ ሼምፓባር ሺ ዶኢ̈ ካውቲ̈ሬ።
18ዪዚ ፔታ̇ና ኣዳ̇̈ማ ናጋሪንዳ ኣሳ ዎይሶ ጋልዳ ጎይል ፊርዳ ኤሄይኖንዲፌ̈ኒ ፔታ̇ና ክርስቶ̈ሳ ጺሊ̇ቲ ኦ̈ሲንዳ ዎይሊንንቦ ሼምፓ ኢሚ̇ዝ ጺሊ̇ቲ ኤሄ̈ዴ። 19ፔቲ̇ ና̈ሳ ኪ̈ቲ̇ንታካይ ኣቲ̇ኖኮታ̇ቦ ዎይሊንን ናጋራንቻ̇ ማ̈ቂ̇ኖንዲፌ̈ኒ ፔቲ̇ ና̈ሳ ኪ̈ቲንቲ̇ኖኮታ̇ቦ ዎይሊንን ጺላ̇ ማ̈ቂ̇̈ሬ። 20ናጋራ ዎይላምፔ̈ኒ ሂጋ̇ ዬይዴ፤ ዎቲናካሬ ናጋራ ዎይሊሙታ ሉካ̇ምባራ ጾ̈ሳ̇ ካን ኢዝፖ ሺ ዎይሊዴ። 21ዪ̈ዳር ማ̈ቂ̇ኖዲ ናጋራ ዓይቃ ኤሄዪሙታ ካውቲኖንዲፌ̈ኒ፤ ጎዳ ዬሱ̈ስ ክርስቶ̈ሳ ጎይባራ ኣሲ ሜናብ ሼምፓባር ዶኢ ዲጛምፔ̈ኒ ጾ̈ሳ̇̇ ካን̈ዲ ጺሊ̇ቲ ኢሚ̇ሙታ̇ ካውቲ̈ሬ።
Currently Selected:
ሮሜ 5: ኦጫ̈ቃማ
Highlight
Share
Copy

Want to have your highlights saved across all your devices? Sign up or sign in