ሃዋ̈ 16
16
ጢማ̈ቶ̈ሲ ጳውሎ̈ሳክ ሲላ̇̈ሳክ ዬሊ̇ዴ
1ጳውሎ̈ሲ ዴርባኬ ሊስጢራ ካታማን ጋርታ̇ ሉኪ̇ዴ። ኢና ፔቲ̇ ጢማ̈ቶ̈ሳ ጌይዝ ኣማ̇ኒኖ ኣሲ ዎ። ጢማ̈ቶ̈ስ ኢንዲ̇ንዳ ኣይሁድ ዜርዶራ ኣማ̇ኒኖ ኣሴ፤ ኢ ባ̈ባ̈ዲ ግሪ̈ክ ጋዶ̇ ኣሴ። 2ሊስጢራኬ ኢቆ̈ኖ̈ና ዎ ኣማ̇ኒዝ ኣሳን ጢማ̈ቶሳባዝ ኮሽ̇ ሶ̈ሊ̈ሬ። 3ጳውሎ̈ሲ ጢማ̈ቶ̈ሳ ፌባር ኤኪ̇ ሉካ̇ንዳብ ኮያሪ ኢና ዎ ኣይሁዳን ዎይ ጢማ̈ቶ̈ስ ባ̈ባ̈ ኣይሁድ ዜር ባዮ̇ን ኤሪዛኮታ̇ቦ ኢንታ̇ ጊሻ̇ቦ ጋ̈ሪ ኢያ ጋራ̇ዚሲዴ። 4ጳ̈ውሎ̈ስኬ ሲላ̇̈ስኬ ፔቲ̇ ካታማፖ̇ ፔቲ̇ ካታማ ኣ̈̇ምባራ ዬሩሳ̈ላም ጋርታ̇ ሃዋ̈ራታንኬ ጪጛሻን ዎል ዞሪንታ̇ር ኬሲ̇ኖ ሂጊ̇ን ኣማ̇ኒዝ ኣሳንስቦ ሶ̈ሊ ማ ኢዞ ኦ̈ሳ ጋልዳ ፌ̈ሻ̇ምፔ̈ኒ ኢንታ̇ ቆፊሲዴ። 5ዪ̈ኮታ̇ቦ ኣማ̇ኒኖ ኣሳ̈ዳር ዎይ ፌ ኣማ̇ናባር ሚ̈ጚዴ። ኣማ̇ኒዝ ኣሳ ፋይዳ̈ዳር ዎይ ጋላስ ዎይሊ ሙታ̇ ሉኪ̇ዴ።
ጳውሎ̈ሲ ማቂዶ̈ና ሉካ̇ምፔ̈ኒ ጼይጊንቲ̇ዴ
6ጳውሎ̈ሳኬ ሲላ̇ስኬ ኢ̈ሳ ጋዳ̇ ጾ̈ሳ̇̇ ቃ̈ላ ሶ̈ላካይፌ̈ን ጌ̈ሻ̇ ኣያ̇ና ኢንታ̇ ካዪኖኮታ̇ቦ ፊርጋኬ ጋ̈ላ̈ታ ጎይባር ኣ̈̇ዴ። 7ኢንቲ̇ ዬ̈ሪ ሚ̈ሳ ጋዲን ቡጊዲን ዬላ̇ሪ ቢታ̈ና ጌላንዳቦ ኮዪንዶ̈ን ዬ̈ሱ̈ሳ ኣያ̇ና ኢንቲ̇ ኢና ሉካካ̇ይፌ̈ኒ ኢንታ̇ ካዪዴ። 8ዪ̈ኮታ̇ቦ ሚ̈ሳ ጎይባር ኣ̈̇ሪ ቶ̈ራ ጢሮ̈ዳ ጋዳ̇ ሶ̈ቢዴ። 9ኢና ቃም̇ ጊዲ̇ቢላ ጳውሎ̈ሲ ሳጻባራ ማቂዶ̈ና ጋዶ̇ ፔቲ̇ ኣስዶ̈ሪ ኤቃ̇ሪ “ዓይ ማቂዶ̈ና ዬ̈ራ ኑ̈ና ማ̈ዲ̇ሼ” ጋ̈ሪ ኢያ ጌሻምባር ጳውሎ̈ሲ ሳጻባር ቤቂ̇ዴ። 10ጾ̈ሲ̇ ኑ̈ና ማቂዶ̈ና ሉካ̇ሪ ኢኖ ኣሳ̈ቦ ዎጛላ ታማ̈ርሳምፔ̈ኒ ኮዪኖን ኑ ኤሪኖኮታ̇ቦ፥ ጳውሎ̈ሲ ሳጺን ቤቂ̇ኖፖ̇ ዎሃ ኑ ኢና ኤሊ̇ር ሉካ̇ንዳቦ ጊ̈ጊንቲ̇ዴ።
ሊ̈ዲያ ጋ̈ዝ ኣሲን ዬሱ̈ሳ ኣማ̇ናዴ
11ኑ̈ኒ ጢሮ̈ዳ ካታሚንፖ̇ ማርካባ ጋርታ̇ ጌላሪ ዓናር ጌዳር ጋ̈ካ̇ይ ሳሞትራ̈ቃ ጋዳ̇ ሉኪ̇ዴ። ኢዝ ዎንን ማ ና̈ጱ̇ሌ ካታሚን ጋርታ ሉኪ̇ዴ። 12ኢናፖ̇ ዲንዳሪ ፊልጲሶ̈ሳ ካታሚን ጋርታ ዬሊ̇ዴ። ፊልጲሶ̈ሳ ካታሚንዳ̇ ማቂዶ̈ና ጋዳ̇ ዎ ጴች ካታማዶ̈ራ ሮ̈ማ̇ ጋዲን ኢዞ ኣቂሳ̈ሬ። ኑኒ ካታሚን ዪኒ̇ ጋርታ̇ ጊላ̇ ቃም̇ ጋምኢዴ።
13ኑ̈ኒ ሳንባ̇ታ ጋላስ ካታሚንኮ ጌልሳ̇ዝ ካሪንፖ̇ ጌዳ ኬስካ̇ሪ ዋ̈ሳ̇ ቡጊድ ኣይሁዳን ዎ̈ሳ ዎ̈ሲ̇ዝ ቤሲ̇ ኢና ዶኢዝዳ̇ ጋ̈ሪ ሉኪ̇ዴ፤ ኑ ዶኣሪ ኢና ሺ̈ቂኖ ማጫ̇ን ጾ̈ሳ̇̇ ቃ̈ላ ታማ̈ርሲዴ። 14ኑ ሶ̈ላዚምባ̇ር ሲስኪ̇ዝ ማጫ̇ን ጋርታ̇ ታ̈ጢሮ̈ና ካታሚን ጋርታ̇ፖ̇ ዬይኖ ዞቃ ኣፊላ ዛልኣዝ ሊ̈ዲያ ጋ̈ዝ ፔቲ̇ ማጫ̇ዶ̈ር ዎ። ኢዛ ጾ̈ሳ̇̇ብ ጎሽታ̇ዝ ኣሴ። ጾ̈ሳ̇̇ር ኢዝ ቡ̈ዲን ፊርቂ̇ኖኮታ̇ቦ ጳ̈ውሎ̈ሲ ሶ̈ላ̈ዚም̇ባር ዋይሳ ሲስካ̇̈ሬ። 15ኢዚኬ ኢዝ ኣ̈ሎ ኣሳን ዎልኣ ጻማ̇ቂንቲ̇ኖፖ̇ ዓኒ “ታ̈ና ጎዳ ኣማ̇ኒኖ ኣሴ ጌዪ ፋይዲዴኮ ቴ ኣ̈ል ዬዪ ጊላ̇ ቃም ዶኢብቴ̇” ጋ̈ራ ሚ̈ን ኑ̈ና ጌሻዴ።
ፊልጲሶ̈ሳ ካታሚን ጋርታ̇ ጳውሎ̈ሳኬ ሲላ̇̈ሲ ቃቺንቲ̇ዴ
16ፔቲ̇ ጋላስ ኑ ዎ̈ሳ ዎ̈ሲ̇ዝ ቤስ̇ ሉካ̇ምባራ ዦ̈ቂ ዦ̈ቃ̇ ዎታዝ ኢ̈ታ ኣያ̇ና ኢዝ ጋልዳ ዎ ኣሳ ኣ̈ል ኣሽካ̇ራ ማ̈ቃ̇ ዶኣዝ ፔቲ̇ ዉዲርዶራ ኑ̈ና ጎይም ጋልዳ ዬላ̇ዴ። ዪና̇ ናኢንዳ̇ ፌ ዦ̈ቂንባራ ፌ̈ና ኣቂሲዝ ኣሳንስቦ ዎይሊን ሚ̈ሽ ጌልሳ̇̈ሬ። 17ኢዛሬ ኑ̈ናኬ ጳውሎ̈ሳክ ዎሂን ዬ̇ሙታ̇ “ኣሲ ፋጺዝ ጎይሚን ዪንታ̇ብ ሶ̈ሊዛን ዓን ዎይ̈ፖ ሾክ ጌይኖ ጾ̈ሳ̇̇ ኣይላ” ጌያ ዉይሳ̈ሬ። 18ኢዛር ዪና̇ ቃ̈ሊን ዎይ ጋላስ ማሃ ማሃ ሶ̈ሊን ጳውሎ̈ሲ ሼኒታሪ ጋስ ማ̈ቃ̇ር ኢ̈ታ ኣያ̇ና̈ኮ “ዬሱ̈ስ ክርስቶ̈ሳ ሱምስባር ኢዝ ጋልዳፖ ኬስካ̇ምፔ̈ን ቴ ኔ̈ና ኪ̈ታ̇̈ሬ” ጌይዴ። ኢ̈ታ ኣያ̇ና̈ዳሬ ኢዝ ጋልዳፖ̇ ኤሊ̇ባር ኬስኪ̇ዴ።
19ኢዞ ፌ ኣ̈ል ጋዲ̇ኖ ኣሳንሬ ኢዛ ኢንታ̇ቦ ጌልሲዝ ሚ̈ሺ̇ን ኣታ̇ዚን ኤሪኖኮታ̇ቦ ጳውሎ̈ሳኬ ሲላ̇̈ሳኬ ኤ̈̇ሪ ጎ̈ቺ̇ ሙታ̇ ጋቢ ጋልዳ̇ ኬሳ̇ሪ ዳይናን ቲ̈ን ሺ̈ሺ̇ዴ። 20ዳይናን ቲ̈ን ኢንታ̇ ሺ̇̈ሻ̇ሪ “ዓን ኣሳን ኣይሁድ ኣስዶሪ ኑ ካታሚን ጋርታ̇ ዋች ዲንኔ። 21ኑ̈ኒ ሮ̈ማ ጋዶ̇ ኣስ ማ̈ቂ̇ኖን ኦ̈ንዳብ ኮሺ̇ባ̈ሶ ዎጋ ኑ̈ና ታማ̈ርሲ̈ሬ” ጌይዴ። 22ዎርዣ ዎይ ዎል ፔታ̇ን ጳውሎ̈ስባሮ ጋልዳ ዲንዲዴ። ዳይናንር “ጳውሎ̈ሳክ ሲላ̇̈ሳክ ኢንታ̇ ኣፊሊን ኬሳ̇ር ሞባር ኢንታ̇ ቡኪ̇ብቴ̇” ጋ̈ሪ ዎታ̇̈ዳራን ኪ̈ቲ̇ዴ። 23ኢንታ̇ ዎይሊን ቡኪ̇ኖፖ̇ ዓኒ ቃሺ ኣ̈ል ጌልሲዴ። ቃሺ ኣ̈ሊን ና̈ጊዝ ና̈ሳ̈ዳሬ ኮሺንቺ ኢንታ̇ ና̈ጋምፔ̈ኒ ዳይናን ኢያ ኪ̈ቲ̇ዴ። 24ቃሺ ኣ̈ሊን ና̈ጊዝ ና̈ሳ̈ዲ ዪና̇ ኪ̈ቲን ኤኪ̇ኖፖ̇ ዓኒ ቃሺ ኣ̈ል ጊዶ̇ ኬ̈ን ጋርታ̇ ኢንታ̇ ጌልሳሪ ኢንታ̇ ቶሃ ናምኢ ዱሊ ሚ ጊዳ̇ ጋርታ̇ ጌልሳር ሚ̈ን ቃቺ̇ዴ።
25ጊዲ̇ቢላ ጳውሎ̈ሳኬ ሲላ̇̈ሳክ ዎ̈ሳባርኬ ማዝሙራባር ጾ̈ሳ̇̇ ጋላታምባ̇ራ ሜላን ቃቺንቲ̇ኖ ኣሳን ኢንታ̇ኮን ሲስኪ̈ሬ። 26ኦ̈ናካር ቆፓካ̇ይዶን ሳ̈ዚ ጴች ኤንኣሪ ቃሺ ኣ̈ሊን ጻጲንባር ኤንኢሲዴ። ዪኒ̇ባር ኬ̈ን ካራን ዎይሲ ፔቲ̇ ቶህ ፊርቂንቲ̇ዴ። ቃቺንቲ̇ኖ ኣሳ̈ ዎይ ኢንቲ̇ ቃቺንቲ̇ኖ ሳንሳላታን ቢሊንቲ̇ዴ። 27ና̈ጊዝ ዛባ̈ዲ ቃሺ ኣ̈ል ካራ ዎይ ፊርቂንቲ̇ኖ ቤቃ̇ሪ ቃቺንቲ̇ኖ ኣሳ ዎይ ኢ ጋልዳፖ ቡ̈ቲ̇ ሉኪ̇ኖ ኢ̈ክ ማይጺን ፌ̈ና ዎንዳቦ ፌ ማሻ̇ ኬዴ። 28ጳውሎ̈ሲ ና̈ሳ̈ኮ “ኔ ኔ ጋልዳ̇ ኢ̈ታ ባዝ ኣባክ ዬልፔ፤ ኑ ዎይ ዓይ ዎ!” ጋ̈ሪ ኢ̈ክ ዉይሲዴ።
29ዪኒ̇ባራ ና̈ጊዝ ዛባ̈ዲ ዣባ̇ ጌሺ ኤሄይሳሪ ዎባር ኬ̈ ጊዳ̇ ጌሊዴ፤ ኢ̈ችባራ ጋንዲ̇ሙታ̇ዶ̈ሪ ጳ̈ውሎ̈ሳኬ ሲላ̇̈ሳክ ቶሂን ጋልዳ ኬዲ̇ዴ። 30ኢናፖ ኢንታ̇ ዛ̈ና ኬሳ̇ሪ “ቴ ላ̈ን! ታ̈ኒ ቴ ሼምፒ̇ን ፋንዳ̇ቦ ኣብዝ ዎታንዳብ ኮሻ̇̈ራ?” ጌይዴ።
31ኢንታ̇ሬ “ኔ̈ኒ ጎዳ ዬሱ̈ሳ ኣማ̇ናቤ፤ ኔ̈ናሬ ኔ ኣ̈ሎ ኣሳንሬ ፋጺ̈ሬ” ጌይዴ። 32ኢንታ̇ር ጎዳ ቃ̈ላ ኢ̈ብኬ ኢ ኣ̈ል ዎ ኣሳንባሬ ዎይ ሶ̈ሊዴ። 33ቃሺ ኣ̈ሎ ዛባ ቃሚ̇ኖ ቃሚ̇ን ኢዝባራ ኢንታ̇ ኤ̈ጛር ኢንታ̇ ኪሳ ኢንታ̇ብ ሜ̈ጪ̇ዴ። ኢናፖ̇ ኢያኬ ኢ ኣ̈ሎ ኣሳን ዎይ ጻማ̇ቂንቲ̇ዴ። 34ዛባ̈ዲ ፌ ኣ̈ል ኤ̈ጛሪ ቡና ኢንታ̇ ኡሺ̇ዴ። ኢያር ፌ ኣ̈ል ኣሳ̈ባር ዎይ ጾ̈ሳ̇ ኣማ̇ኒኖኮታ̇ቦ ኡፋይቲ̇ዴ።
35ሳ̈ዚ ዎንቲ̇ን ዳይናን ቃሺ ኣ̈ሎ ኣላቃንኮ “ዚና̈ቦ ኣሳን ቢላ̇ ሚሻቤ” ጋ̈ሪ ፖ̈ሊሳ ኪ̈ቲ̇ ሚሺዴ። 36ቃሺ ኣ̈ሎ ዛ̈ባ ዬ̈ሪ “ዪንታ̇ ቢሎ̇ ጌዪ ኣላቃን ኣስ ኪ̈ቲ̇ ኑ̈ክ ሚሺኔ፤ ዪዚ ሳሮ ሉኪ̇ብቴ̇” ጋ̈ሪ ጳውሎ̈ሳብ ሶ̈ሊዴ።
37ጳውሎ̈ሲ ፖ̈ሊሳንኮ “ኑ̈ኒ ሮ̈ማ ጋዶ̇ ኣስዶሪ ሜላ̇ ፊርዳ ቤይ ኣሳ ቲ̈ን ኑ̈ና ቡኪ̇ ቃሺ ኣ̈ል ኑ̈ና ሚሺኔ። ዓት ማ ኣሲ ሲስካካ̇ይዶ̈ን ቃሺ ኣ̈ላፖ̇ ኑ̈ና ኬስኮ̇ ጌይራ? ዪ ማ̈ቂ̇ባ̈ሴ! ኢንቲ̇ ፌ̈ ቆሚ̇ን ዬ̈ሪ ኑ̈ና ቢላ̇ጋ̈ቤ” ጋ̈ር ማሂዴ።
38ፖ̈ሊሳን ጳውሎ̈ሲ ጌይኖንዶ̇ ሉካ̇ሪ ፌ ኣላቃንቦ ሶ̈ሊን ኢንታ̇ር ጳውሎ̈ሳኬ ሲላ̇̈ሳኬ ሮ̈ማ ጋዳ̇ ኣስ ማ̈ቂ̇ኖን ኤራሪ ኢ̈ጪ̇ዴ። 39ዪ̈ኮታ̇ቦ ዬ̈ሪ ኢንታ̇ ማ̈ሪቲ ኦይጫ̇ሪ ኢንታ̇ ቃሺ ኣ̈ላፖ̇ ኬሲ̇ዴ፤ ካታሚን ኢዝ ጋርታ̇ፖ̇ ኬስኪ̇ ሉካ̇ምፔ̈ኒ ኢንታ̇ ጌሺዴ።
40ጳውሎ̈ስኬ ሲላ̇̈ሳክ ቃሺ ኣ̈ላፖ̇ ኬስካ̇ሪ ሊ̈ዳ ኣ̈ል ጌሊዴ። ኢና̇ ኣማ̇ኒኖ ኣሳን ዲጛር ኢንታ ሚ̈ን ዎታሪ ካታሚን ጋርታ̇ፖ̇ ኬስኪ ሉኪ̇ዴ።
Currently Selected:
ሃዋ̈ 16: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
