ሃዋ̈ 10
10
ጴ̈ጥሮ̈ሳኬ ቆርኖሎ̈ሳኬ
1ቂሳ̈ራ ካታሚን ጋርታ̇ “ጻ̈ላን ዎታ̇ዳ̇ራን ኪፊላ” ጌይዛ ጋርታ̇ ማታላቃ ማ̈ቂ̇ኖ̈ ቃርናሎ̈ሳ ጌይዛ̈ ፔቲ̇ ኣሲ ዎዶ̈ኒ፥ 2ኢያኬ ኢ ኣ̈ሎ ኣሳን ዎይ ጾ̈ሳ̇̇ ጎይን ዬ̈፥ ኢ̈ብ ኢ̈ጪ̇ዝ ኣሴ፤ ኢ ኣሳብ ዎይሊን ሙጻ̈ታ ኢሚ̇፥ ዎይ̈ ጋላስ ጾ̈ሳ̇̇ ዎ̈ሲ̇ ዎ̈ ኣሴ̈። 3ፔቲ̇ ጋላስ ሳ̈ካሊ ሳኣ̈ታ ጋልዳ̇ ጾ̈ሳ̇̇ ኪ̈ታንቻ̇ ሳጻባር ኢ̈ክ ቤንታ̇ሪ̈ “ቃርናሎ̈ሶ” ጌዪ ጼይ̈ጋምባራ ፋል̇ ኢ̈ብ ቤንቲ̇ዴ።
4ቃርናሎ̈ሳር ባቂታር ኮት̇ ኢያ ቤቂ̇ሙታ̇ዶ̈ሪ “ላ̈̈ ኣብዛ” ጌይን፥ ኪ̈ታንቻ̇̈ዳሬ̈ ኢ̈ኮ̈ “ኔ ዎ̈ሲንዲኬ̈ ኔ ዎርባያንብ ኢማ̇ዝ ሙጻ̈ቲንዳ̇ ጾ̈ሳ̇̇̈ ቲ̈ን ቤንቲ̇ኔ፥ ኢያር ኔ̈ቦ ቆፒ̇ኔ̈። 5ዪዚ ኢዮ̈ጳ̇ ካታማ ኣስ ሚሻራ̈ ጴ̈ጥሮ̈ስ ጌዪ ጼይጊንቲዛ̈ ሲሞ̈ና ኤሂሳቤ̈። 6ኢያሬ̈ ባሃ̈ሪን ላፍ ዎ̈ ጋማ̇ ጻ̈ዚዛ ሲሞ̈ና ጌይዝ ና̈ሳ ኣ̈ል ዛቃ̇ ማ̈ቃ̇ር ዎ̈” ጌይዴ̈። 7ኪ̈ታንቻ̇ ዪኖ̇ ኢ̈ብ ሶ̈ላር ሉኪ̇ኖፖ̇ ዓኒ፥ ቃርናሎ̈ሲ ፌ ኣይላን ጋርታ̇ፖ̇ ናምኢኬ̈ ጾ̈ሳ̇̇ ጎይን ሚ̈ጚ ዬ̇ዛ ኢ̈ብ ኦ̈ዝ ፔቲ̇ ዎታ̇ዳራ̈ ጼይጊሲዴ። 8ኢ ቤቂ̇ኖ̈ ባዝኬ̈ ሲስኪ̇ኖ ባዛን ዎይ ኢንታ̇ብ ሶ̈ሊኖፖ̇ ዓኒ ኢዮ̈ጳ̇ ኢንታ̇ ኪ̈ቲ̇ ሚሺዴ̈።
9ኪ̈ቲንታ̇ር ሉኪ̇ኖ̈ ኣሳን ኢዝ ዎንን ካታሚንኮ̇ ዬላ̇ንዳ̇ብ ኡኪ̇ንዶ̈ን ጋላስ ሌሂ ሳኣ̈ታ ጋልዳ̇ ጴ̈ጥሮ̈ሲ ዎ̈ስ ዎ̈ሳ̇ንዳቦ̈ ፎ̈ቃ ጋልዳ̇ ኬስኪ̇ዴ። 10ዪና̇ ኢዝባራ ኢያ ጋፊ ዎኖ̈ኮታ̇ቦ̈ ሙይዝ ባዝ ኮዪዴ። ኣሳን ኢ̈ቦ ፊ̈ሺ ኦ̈ ጊ̈ጊሳምባ̇ራ ኢያ ሊፍሊፍ ዎታራ̈ ኢና ኢያ ሳጻ ቤይሳዴ። 11ኣፎ ጪላ ፊርቂንታ̇ሪ ፔቲ̇ ጴች̇ ጫርቃ̇ ማይጺዝ ባዚ̈ ኦይዲ ጎይንባር ኤ̈ንታ̇ሪ ሳ̈ዳ̇ ሶ̈ባምባ̇ራ ቤቂ̇ዴ። 12ጫርቂን ጋልዳ̇ ኦይዲ ቶሂ ዎ̈ ዱማ ዱማ ሜሃ፣ ማ̈ታ ባዚ፣ ኣፋ ፋሪዝ ካፊ፣ ሾ̈ሽ̇ኬ ሾ̈ሽ̇ ማይጺዝ ባዚ ዎይ ኢና ዎ። 13ዪና ኢዝባራ “ጴ̈ጥሮ̈ሶ! ዲንዳቤ! ዪን ሹካ̇ር ሞ̈ቤ̈” ዪዝ ጌይዝ ኣሳ ቆ̈ ሲስኪ̇ዴ።
14ኢያር “ጎዶ̈! ዪ ማ̈ቂባ̈ሴ፤ ቴ ዪ̈ዲፌ̈ኖ ቄ ባዝ ዉርሲ ሙያ ኤራባሴ̈” ጌይዴ።
15ዎን ኢ̈ብ ሲስኪንቲ̇ኖ ቆ̈̈ዲ ዓታ̇ር ናምኢ ማ̈ቃር ኢ̈ክ ዬ̈ሪ “ጾ̈ሲ̇ ጌ̈ሺ̇ኖ̈ዳ ኔ̈ኒ ቄ̈ጺ̇ኖ ባዝፌ̈ን ፋይዳፔ̇̈” ጌይዴ።
16ጴ̈ጥሮ̈ሲ ቆ̈ን ዪኖ̇ ዓይዚ̇ ቶህ ሲስኪ̇ኖፖ̇ ዓኒ ጫርቃ ማይጻዚንዳ ኤሊ̇ባራ ፉዳ ኣፋ ማ̈ቃ̇ ሉካ̇ዴ።
17ጴ̈ጥሮ̈ሲ “ታ̈ና ዓታር ቤይሲኖ̈ ሳጺን ኢዝ ቢርሺቺ̇ን ኣብዝ ዶ̈ኔ?” ጋ̈ሪ ዎይሊን ቆፒሙታ̇ ዎን ጋርታ ቃርናሎ̈ሲ ሚሺኖ̈ ኣሳን ሲሞ̈ና ኣ̈ሊን ኮዪ ዲጚኖፖ̇ ዓኒ̈ ዬ̈ር ካሪን ጋልዳ ኤቂ̇ዴ። 18ኢንታ̇ር ፌ ቆ̈ ሾክ̇ ዎታሪ “ጴ̈ጥሮ̈ስ ጌይዛ̈ ሲሞ̈ኒ ዓንዳ̇̈ ዎዶ̈ኔ?” ጋ̈ር ኦይጪ̇ዴ።
19ጴ̈ጥሮ̈ሲ ዓታሮን ሳጺንኮ̇ን ቆፒሙታ̇ ዎን ጋርታ̇ ጌ̈ሻ̇ ኣያ̇ና ኢ̈ኮ “ሲሞ̈ኖ! ዓይዚ̇ ኣሲ ኔ̈ና ኮዪ̈ሬ። 20ዪዚ ዲንዳራ ቶ̈ራ ሶ̈ባቤ፤ ኢንታ ኪ̈ታ̇ ሚሺኖ̈ ታ̈ና ማ̈ቂ̇ኖ̈ኮታ̇ቦ̈ ጌዳር ዓናር ጋ̈ካ̇ይ ኢንታ̇ባር ሉካ̇ቤ” ጌይዴ። 21ኢያር ቶ̈ራ ኢንታክ ሶ̈ባሪ “ዪንቲ̇ ኮዪዝ ና̈ሳ̈ ታ̈ና፤ ዪንቲ̇ ታ̈ክ ዬይኖ̈ን ኣባቢያ?” ጌይዴ። 22ኣሳን ጴ̈ጥሮ̈ሳኮ “ኑ ዬይኖንዳ ቃርናሎ̈ስ ጌይዝ ማታላቃ̈ ኣላፖ̇̈። ኢያሬ̈ ጾ̈ሳ̇̇̈ቦ ኢ̈ጪ̇ዝ ጌ̈ሽ ኣሴ̈። ኣይሁድ ዎርዣ̈ ጋርታ̇ሬ ዎይሊን ቦንቺ̇ንቲኖ̈ ኣሴ። ኔ̈ና ፌ ኣ̈ል ኤሄ̈ሪ ኔ ጋ̈ዚን ሲስካ̇ምፔ̇̈ኒ ጌ̈ሻ̇ ኪታንቻ̇ ኢ̈ብ ሶ̈ሊኔ” ጌይዴ። 23ጴ̈ጥሮ̈ሳር ኣሳን ፌ ኣ̈ል ጌልሲ ዛቂ ኣቂሲዴ።
ኢዝ ዎንን ጴ̈ጥሮ̈ሲ ዲንዳ̇ሪ ኣሳንባር ሉኪ̇ዴ። ኢዮ̈ጳ̇ፖ̇ ሜላሬ ፔቲ̇ ፔቲ̇ ኣማ̇ኒኖ̈ ኣሳን ኢንታ̇ባር ዎልኣ ሉኪ̇ዴ። 24ናምኢ ቃም ኢንቲ̇ ቂሳ̈ራ ካታሚን ጋርታ̇ ጌሊዴ። ቃርኔሎ̈ሳር ፌ ዳባ̇ንኬ̈ ፌ̈ብ ኡክ ላጋ̇ን ሺ̈ሻ̇ር ኢንታ̇ ና̈ጊ ዎ። 25ጴ̈ጥሮ̈ሲ ዬዪ ኣ̈ል ጌላምባ̇ራ፥ ቃርኔሎ̈ሲ ዲንዳ̇ር ኢ̈ክ ኡካ̇ሪ ኢ̈ብ ሞ̈ኪንቲ̇ዴ። 26ጴ̈ጥሮ̈ሳር “ታ̈ናር ኔፌ̈ን ኣሴ̈፥ ዲንዳ̇ቤ” ጋ̈ር ፌ ቶሂን ጋልዳ̇ፖ̇ ኢያ ዲንዴ።
27ጴ̈ጥሮ̈ሲ ሶ̈ሊንቲ̇ ሙታ̇ ጌዳ ጊዶ̇̈ ኬ̈ን ጋርታ̇ ጌላምባ̇ራ ዎይሊን ኣሲ ሺ̈ቂንዶ̈ን ዲጚዴ። 28ኢያሬ̈ ኢንታ̇ኮ̈ “ኣይሁድ ዜር ማ̈ቂ̇ኖ̈ ኣሲ ሜላ ኣስባር ዎል ዬካ̇ይፌኒ ኢንታ ኣ̈ላር ጌላካ̇ይፌ̈ኒ ኑ ሂጊ̇ን ካያዚን ዪንቲ̇ ኮሺንቺ̇ ኤሪ̈ሬ። ዎቲናካሬ ታ̈ኒ ኣስ ጌይዛ ኦ̈ናካር ዓ̈ ቄጺ̇ኔ፤ ዓ̈ ጌ̈ሽ ጊዳካ̇ዬ፤̈ ጋ̈ካ̇ይፌ̈ኒ ጾ̈ሲ̇ ታ̈ና ካዪኔ። 29ዪ̈ኮታ̇ቦ ኣሳን ታ̈ና ጼይጊኖንዲፌ̈ን ጌዳር ዓናር ጋካ̇ይዶር ዬ̈ዴ። ዪዚ ዪንቲ̇ ታ̈ና ኣባብ ጼይጊኖኮ ኤራንዳብ ኮያሬ” ጌይዴ።
30ቃርናሎ̈ሳር ኢ̈ኮ “ኦይዲ ቃማ̇ፖ̇̈ ቲ̈ን ዓኖ̇̈ ጋላስ ሳ̈ካሊ ሳኣ̈ታ ጋልዳ̇ ቴ ኣ̈ልዶ̈ር ዎ̈ሳ ዎ̈ሳ̇ምባራ ቦልቂ̇ዝ ኣፊላ ማኢኖ ኣሲ ዬ̈ር ቴ ቲ̈ን ኤቃ̇ሪ፥ 31ታ̈ኮ ‘ቃርናሎ̈ሶ! ኔ ዎ̈ሳ ጾ̈ሳ̇̇ ዋይታ̇ ኣ̈̇ኔ፤ ኔ ዎርባያንቦ ኢሚ̇ዝ ሙጻ̈ቲንዳሬ̈ ጾ̈ሳ̇̇ ቲ̈ን ቤንቲ̇ኔ፤ ኢያር ኔ̈ቦ ቆፒ̇ኔ፤ 32ዪዚ ኣሳን ኢዮ̈ጳ̇ ሚሻራ ጴ̈ጥሮ̈ስ ጌዪ ጼይጊንቲ̇ዛ ሲሞ̈ና ኤሂሳቤ። ኢያሬ ባሃ̈ሪን ላፍ ዎ ጋማ̇ ጻ̈ዚዛ ሲሞ̈ና ኣ̈ል ዛቃ̇ ማ̈ቂ̇ ዎ̈’ ጌይዴ። 33ታ̈ናር ኔ̈ኮ ኤሊ̇ባራ ኣስ ኪ̈ታ̇ር ሚሻዴ፤ ኔ̈ናር ዬይኖምቦ̇ ጾ̈ሲ̇ ኔ̈ብ ኢሞ̇። ዪዚ ኑ̈ኒ ዎይን ጎዳ ኔ̈ና ኪ̈ቲ̇ኖን ኑ̈ብ ሶ̈ሊን ሲስካ̇ንዳ̇ቦ ጾ̈ሳ̇̇̈ ቲ̈ን ዎ” ጌይዴ። 34ጴ̈ጥሮ̈ሲ ሶ̈ሊ̈ርዶሪ “ጾ̈ሲ̇ ኦ̈ናካር ፔታ̇ና ዪርኪ̇ ፔታ̇ና̈ ሾክ̇ ዎታር ቤቂባ̈ሶን ኪን ቴ ዓት̇ ኤራዴ። 35ኢ ፌ̈ብ ኢ̈ጪ̇ዛንኬ ጺላ̇ ኦ̈ዛን ዎይ ኦ ዜርካር ማ̈ቂ̇ን ኢጺ̇ባ̈ሴ። 36ጾ̈ሳ̇̇̈ዲ ዎይ̈ቦ ጎድ ማ̈ቂ̇ኖ ዬሱ̈ስ ክርስቶ̈ስባራ ኢስሬ̈ል ዎርዣ̈ቦ ሚሺኖ ሳሪቲ ኢማ̇ዝ ኮሻ̇ ሶ̈ሊን ዪንቲ̇ ኤሪ̈ሬ። 37ዋ̈ኒ̇ሲ ጺንቃታ ጎይ ሳባ̇ኪኖንፖ̇ ዓኒ ጋሊላፖ̇ ኤ̈̇ሪ ዪሁዳ ጋዳ̇ ዎይ ጋርታ̇ ማ̈ቂ̇ኖ ባዚን ዪንቲ̇ ኤሪ̈ሬ። 38ጾ̈ሲ̇ ና̈ዝሬ̈ት ዬሱ̈ሳቦ ጌ̈ሻ̇ ኣያ̇ናኬ ዎልቃኬ ኢሚ̇ዴ። ኢያሬ ጾ̈ሲ̇ ኢባር ዎ̈ኮታ̇ቦ ፌ ዬሊ̇ኖ ቤስ̇ ዎይ ኮሽ̇ ባዝ ኦ̈ሙታ̇ ሴ̈ጣናባር ቃቺ̇ንታ̇ር ዎን ዎይ ፋሙታ̇ ዬ̇ዴ።
39“ኢያሬ ኣይሁድ ጋዳ̇ኬ ዬሩሳ̈ላም ካታማ ጋርታ̇ ኦ̈ኖ ባዝ ዎይንቦ ኑ̈ኒ ማርካ። ኣሳን ኢያ ሚ ጋልዳ̇ ሶቲ̇ ዎዴ። 40ዎቲናካሬ ጾ̈ሲ̇ ኢያ ዓይዚ̇ ቃምባራ̈ ዓይቃ ጋርታ̇ፖ̇ ዲንሪ ቤንታ̇ምፔ̈ን ዎቲዴ። 41ኢ ቤንቲ̇ኖንዳ ዎይ ኣሳብ ጊዳካ̇ይዶ̈ን፥ ዓይቃ ጋርታ̇ፖ̇ ዲንዲ̇ኖፖ ዓኒ ኢባር ዎልኣ ሙዪ ኡሽኪ̇ ዎቲኖንቦኬ ጾ̈ሲ̇ ቲ̈ኒታር ማራ̇ጺኖ̈ ማርካ̇ን ኑ̈ብ ቤንቲ̇ኔ። 42ኑ̈ኒ ዎርዣ̈ቦ ሳባ̇ካምፔ̈ንኬ ኢ ሼምፓባሮንኬ ዓይቂ̇ኖን ጋልዳ̇ ፊርዳ̇ምፔ̈ኒ ጾ̈ሲ̇ ኢያ ማራ̇ጺኖን ማርኪ̇ታምፔ̈ኒ ኢ ኑና ኪ̈ቲ̇ኔ። 43ኢያ ኣማ̇ኒዛን ዎይ ኢ ሱምባራ ፌ ናጋሪምቦ ማ̈ሪቲ ዲጛዚን ናባን ዎይ ኢ̈ብ ማርኪቲ̈ሬ” ጌይዴ።
44ጴ̈ጥሮ̈ሲ ቢርት ዪና̇ ሶ̈ላምባራ ጾ̈ሳ̇̇ ቃ̈ሊን ሲስኪ̇ኖ ዎይ ኣሳን ጋልዳ̇ ጌ̈ሻ̇ ኣያ̇ና ሶ̈ቢዴ። 45-46ጴ̈ጥሮ̈ሳባር ዬይኖን ጎዳ ዬሱ̈ሳ ኣማ̇ኒኖ ኣይሁድ ዜርን፥ ኣይሁድ ዜር ማ̈ቃካ̇ዮ̈ ኣሳን ኦራ ኖ̈ናባር ሶ̈ሊ ጾ̈ሳ̇̇̈ ጋላታዚምባ̇ር ሲስካ̇ሪ፥ ኢንታ̇ ጋልዳ̇ር ጌ̈ሻ̇ ኣያ̇ና ሶ̈ቢኖኮታ̇ቦ ጋራ̇ሚንቲ̇ዴ።
ዪና̇ ኢዝባር ጴ̈ጥሮ̈ሲ ኢንታ̇ኮ፥ 47“ዪን ኣሳን ኑ̈ናፌ̈ን ጌ̈ሻ̇ ኣያ̇ና ኢንታ̇ብ ኢሚንቲ̇ኖ̈ኮታ̇ቦ ዪዚ ዋ̈ባር ጻማ̇ቂንታካ̇ይፌ̈ን ኢንታ̇ ካዪዛ ኦ̈ኖ?” ጌይዴ። 48ዪ̈ኮታ̇ቦ̈ ዬሱ̈ስ ክርስቶ̈ስ ሱምባራ ጻማ̇ቂንታ̇ምፔ̈ኒ ኢንታ̇ ኪ̈ቲ̇ዴ። ኢናፖ̇ ኣሳ ኢኖ̈ዲ ጴ̈ጥሮ̈ሲ ጊላ̇ ቃም̇ ኢንታባር ዶኣምፔ̇̈ኒ ኢያ ጌሺዴ።
Currently Selected:
ሃዋ̈ 10: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
