मरकुस 1

युहन्ना बपतिस्मा हेवालना वेहाना

(मत्ति ३:१-१२; लूका ३:१-१८; युह १:१९-२८)

1परमेस्वरनोर मरि येसु मसिना सुसमाचारता सुरुवात।

2“ ‘नना नावोर दूततुन निया मुने लोहान्तोना ओर निया साटि हरि सुदरे कियानुर#माल ३:१।

3प्रबुना हरि तयार किम्ट अनि ओना हरि सिदो किम्ट इन्जोर

वारु पल्लातिगा वरोर केयवालना लेंग केन्ज वायिला आता#यश ४०:३ ।’ ”

इन्जोर परमेस्वरना पोल्लो वेहवाल यशायाहना पुस्तकतिगा कोटता मन्ता अदामे युहन्नाल वातोर। 4ओर वारु पल्लातिगा बपतिस्मा हिस, निमाट पाप कियाना बन्द किम्ट अनि बपतिस्मा स्विकार किम्ट! असके परमेस्वर मिया पापता मापि हियानुर इदाम वेहतुर। 5यहुदिया प्रदेशतोर अनि येरुसलेम मन्वालोर पकाय लोकुरक पसियस ओना हेरे हतुरक। अनि आपुना पापतुन मानेमास यरदन नदितिगा ओनाकेडाल बपतिस्मा येतितुरक। 6युहन्ना हुटता कल्कने बनेहकितांग सन्दरांग करिन्दुर, अनि नळियतिगा तोलाता पट्टा दोहन्दुर अनि ओर तिन्दाना योग्य मता पतेंग अनि काळालनियतुन तिन्दुर। 7अनि “नावा परके वायवाल मन्तोर, ओर नावाताल वने लाववाले मन्तोर, नना ओना हरपुहना डोरिंग झुकेमास लोहाना नावा लायक हिले#१:७ यहुदि संसकृतिता अनुसार मालकाना हरपुहना डोरिंग लोहाना दास लोकुरा बुतो मता।। 8नना ते मिकुन एरते बपतिस्मा हिन्तोना मति ओर मिकुन पवित्र आत्माते बपतिस्मा हियानुर” इदाम ओर वेहिन्दुर।

येसुना बपतिस्मा अनि परिक्षा

(मत्ति ३:१३—४:११; लूका ३:२१,२२; ४:१-१३)

9ओदबेरा येसु गलील प्रदेशता नासरत सहेरताल वास यरदन नदितिगा युहन्नानिकेडाल बपतिस्मा येतितुर। 10अनि ओर एताल पसियस पोरो वातुर ते सान्डेय आबार तरियाना अनि पवित्र आत्मा परेवा लेहका ओना पोरो रयाना हुळतुर। 11अनि “निमा नावोर प्रिय मरि आन्दि, नियागा नना गिरदा आन्तोना#उत्प २२:२; भज २:७; यश ४२:१; मत्ति ३:१७; १२:१८; मर ९:७; लूका ३:२२” इन्जोर स्वरगताल उन्दि लेंग आत। 12असके पजा पवित्र आत्मा येसुन सान्डेय वारु पल्लातिके लोहतु।, 13अगा सयतान येसुन परिक्षा कितु अनि च्याळिस दियांग ओर वारु पल्लातिगा केळाता जानवरसंग मतोर। अनि स्वरगदूतक ओना सेवा किसोर मतोरक।

येसुना सेवाता सुरुवात

(मत्ति ४:१२-१७; लूका ४:१४,१५)

14युहन्नान कयदि आतुर असके येसु गलील प्रदेशतिगा वास परमेस्वरना राज्यता सोबाता पोल्लो वेहिला लाकतुर। 15“परमेस्वर वाचा हिस मतोर ओद काळ वाता, अनि परमेस्वरना राज्य हेरे वाता, मिया पाप कियाना बन्द किस सोबाता पोल्लोतिगा विस्वास किम्ट#मत्ति ३:२!” इदाम इतुर।

येसु आपुना पहलेटा चेलालोरकुन केयान्तोर

(मत्ति ४:१८-२२; लूका ५:१-११)

16उन्दि दिया येसु गलील नाहारता टकाहेरे हन्ज मतोर असके ओर शिमोन अनि ओनोर तमो अद्रियासतुन नहारतिगा जालि वाटानपा हुळतुर, ओरक मीन्क पयवालोरक मतोरक। 17येसु ओरकुन “नावा परके वाट, नना मिकुन मानेयतुन परमेस्वरना हेरे ततवाल बनेहकियाका” इन्जोर इतुर। 18असके ओरक सान्डेय जालितुन हरचुन ओना परके वातुरक। 19हुडुन्सा मुने विळस ओर जबदिनोर मरि याकुब अनि ओनोर तमो युहन्नान डोंगातिगा जालितुन सुदरे कियानपा हुळतुर। 20ओर सान्डेय ओरकुन केयतुर अनि ओर आपुनोर बाबो जबदीतुन बुतो केवालोरासंग डोंगातिगा तासिस ओना परके हतुर।

येसु दुष्टात्मा पयतोर मानेयतुन सुदरे किन्तोर

(लूका ४:३१-३७)

21येसु गलील प्रदेशता कफरनहुम सहेरतिगा हतुर अनि ओर सान्डेय समाज मन्डलितिगा हन्ज परमेस्वरना पोल्लोतुन लोकुरकुन वळकिला लागतुर। 22अनि ओर मूसाना नियमतुन करिहवालोर लेहका आयो मति अदिकारते उपदेश हिन्दुर इन्जोर लोकुरक ओद उपदेश केन्ज दंगे मातुरक#मत्ति ७:२८-२९। 23ओदबेरा ओरा समाज मन्डलितिगा दुष्ट आत्मा पयतोर वरोर मानेय मतोर। 24ओर पकाय जोरदे इतुर “हे नासरितोर येसु, माकुन नियासंग बाताल बुतो मन्ता? बाक्या निमा माकुन नाश कियान साटि वातोन? निमा बोर आन्दि इन्जोर नना पुन्तोना, निमाय परमेस्वरनोर पवित्र मरि आन्दि।” 25येसु दुष्टात्मातुन रांगतुर, “कमेक मन अनि ओनागाडाल पसियसुन हन” इन्जोर इतुर। 26असके दुष्ट आत्मा ओन मोडियस अनि पकाय जोरदे किलिंगसोर ओनागाडाल पसियस हतु। 27अनि इदेन हुळसुन सबोय लोकुरक दंगे मातुरक अनि “इद पोल्लो बदाहना आन्दु? इद ते बातालतरि पुनाल उपदेश मन्ता, ओर अदिकारता संग दुष्ट आत्मातुन वने आग्या हिन्तोर अनि अव ओना आग्या मानेमान्तांग” इन्जोर वरोन दुसरोना संग वळकिला लागतुरक। 28अनि ओना पोरोय सान्डेय गलीलता हेरेटा सबोय प्रदेशतिगा फयलेमायिला लागतु।

येसु पकाय बिमारलोरकुन सुदरे किन्तोर

(मत्ति ८:१४-१७; लूका ४:३८-४१)

29अनि पजा येसु सान्डेय समाज मन्डलितिगाडाल पसियस याकुब अनि योहानाना संग शिमोन अनि अद्रियासना लोन वातुर। 30अगा शिमोना पोयहारिन पकाय पिनि तरिहच मता अनि ओरक सान्डेय अदेना बारेते येसुन इतुरक। 31असके ओर हेरे हन्जुन अदेना कय पयस अदेन ताहतुर अनि अदेना पिनि रयतु अनि ओद ओना सेवा कियाला लागतु। 32नुलपेहबेरा पोळद मुळियतपा लोकुरक सबोय अलगो-अलगो बिमार लोकुरकुन अनि बोनागा दुष्ट आत्मा मन्ता ओरकुन ओना हेरे ततुरक। 33अनि नगरता पकाय लोकुरक ओद लोता मुने जमा आतुरक, 34अनि अलगो-अलगो बिमारिता तकलिपते मतोरक इदाम पकाय लोकुरकुन येसु सुदरे कितुर, पकाय दुष्टात्मातुन पसिहतुर। अनि दुष्टात्मांग ओन पुन्दुंग इन्जोर अवेहकुन वळकिला हेवोर।

येसु वरोरे प्रार्थना किन्तोर

(लूका ४:४२-४४)

35पोळद पसियाना पकाय मुने ओर तेदस पसियतुर अनि उन्दि सुनसान जागादिगा हतुर अनि अगा प्रार्थना कियाला लागतुर। 36असके शिमोन अनि ओनोर संगवाले ओन पळकिला हतुरक, 37ओरक येसुन कलियतुरक असके, “सबोय लोकुरक निकुन पळकिला आतोरक” इन्जोर ओन इतुरक। 38येसु ओरकुन, “वाट माक बगातरि हेरेटा नार दाकाट नना अगा वने सोबाता पोल्लो वेहका बाक्याकि नना इद बुतो साटिय पसियस वातोना” इन्जोर इतुर। 39अदाम ओर सबोय गलील प्रदेशतिगा हन्जुन ओरा समाज मन्डिलितिगा प्रचार अनि दुष्टात्मातुन पसिहसोर मतोर#मत्ति ४:२३; ९:३५ ।

येसु कोळि बिमारितुन सुदरे किन्तोर

(मत्ति ८:१-४; लूका ५:१२-१६)

40वरोर कोळि बिमारिवाले मानेय येसुना हेरे वास ओना मुने मिन्डांग टेकेकिस, “निमा नाकुन इद बिमारिताल सुदरे किया परान्तोन” इन्जोर ओन विनन्ति कितुर। 41अनि येसु ओनागा दयाकिस कयक मुने किस ओन इटसुन, “नावा इच्चा मन्ता निमा इदेक शुद्ध आम” इदाम इतुर। 42अनि सान्डेय ओना कोळि बिमारि बेस आत अनि ओर शुद्ध आतुर। 43असके येसु कोडि बिमारितोर मानेयतुन चेतेहकिस इतुर: 44“हुळा बोने बाराय इनमा मति सान्डे हन्जुन आपुनतुन याजकतुन तोहा अनि आपुन शुद्ध आयाना बारेते मूसाना आग्याता अनुसार बलिदान हिम। इदाम कियाकिट ते निमा सुदरे मातोन इन्जोर सबोय लोकुरकुन गवाहि आयार#लेव्य १४:१-३२” इन्जोर चेतेकिस ओन लोहतुर। 45मति ओर बाहरो हन्जुन इद पोल्लोता पकाय वेहिला लाकतुर अनि बाताल आतु इन्जोर पोल्लोतुन फयलेकियाना सुरु कितुर। इदेनते येसुन सहेरतिगा सबोय लोकुरा मुने हन परोर आतुर इन्जोर येसु बाहरो वारु पल्लातिगा मतोर। अनि सबोय बासाडोर लोकुरक येसुना पोल्लोंग केन्जान साटि ओना हेरे वासोर मतोरक।

Currently Selected:

मरकुस 1: fmu

Highlight

Copy