लूका 22

येसुन हव्कान साटि डाव

(मत्ति २६:१-५; मर १४:१-२; युह ११:४५-५३)

1अनि यहुदि लोकुरा अखमिरि रोटिंग तिन्दाना हजोर हनुम मन्ता अनि अदेन पसहाता हनुम वने इन्तोरक, अद हनुम हेरे वायिला आस मन्द#निर १२:१-२७। 2अनि मुक्या याजक अनि मूसाना नियमतुन करिहवालोकुरक येसुन हव्कान साटि डाव कियाला आस मन्दुर मति ओर लोकुरकुन वरियन्दुरक।

यहुदा येसुन विस्वासघात किन्तोर

(मत्ति २६:१४-१६; मर १४:१०-११)

3अनि येसुना बारा खास चेलालोरा पयकि वरोर मन्तोर यहुदाल इसकरियोतिना मन्दुन सयतान आपुना अदिकारते कितु। 4अनि यहुदाल हन्जुन मुक्या याजक लोकुरासंग अनि मन्दिरतुन केपवालोरा मुक्या लोकुरासंग येसुन ओरा कयदे बदाम पयपिचियानुर इन्जोर वळकतुर। 5अनि येसुनोरक विरोदि लोकुरक पकाय गिरदा आतुरक, अनि यहुदान डबुंग हियान साटि वाचा हितुरक। 6अनि यहुदाल येसुन ओरा कयदे पयपिहान साटि राजि आतुर अनि लोकुरा भीळ आयो आयार असके येसुन ओरा कयदे पयपिचिका इन्जोर डाव हुळिला लाकतुर।

येसुना आकरि पसहा हनुम चेला लोकुरासंग किन्तोर

(मत्ति २६:१७-३०; मर १४:१२-२६; युह १३:२१-३०; १ कुरि ११:२३-२५)

7अनि पसहा हारिना हनुम वातु असके उन्दि बोकळा पिलातुन बलि हियाना जरुरि मता#२२:७ पसह हनुमता दुपाडे यहुदि लोकुरा लोतोरक मुक्या मानेयक उन्दि सोबाय बेळा पिलातुन येरुसलेम मन्दिरतिगा ओसुन अस्कान्तोर अनि अदेना नतुरतुन याजक प्रार्थना लोता लोपा ओसुन वेदि पोरो नतुरतुन हिदिहक्दुंर।। 8असके येसु पतरास अनि युहन्नान इदाम इन्जोर लोहतुर, “निमाट हन्जुन माकुन सबोय लोकुरक साटि पसह हनुमतांग रोटिंग तयारि किम्ट।” 9अनि चेलालोरक येसुन, “माक इद पसह हनुमतांग रोटिंग बगा तयारि कियाना पहाजे?” इदाम पुच्चेमातुर। 10अनि येसु चेलालोरकुन इतुर, “हुळाट! निमाट सहेरतिगा होळियानपाय वरोर मानेय एता अळकातुन ताहचुन हन्दानपा मिक दिसानुरक; अनि ओर हन्दाना ओद लोतिगा ओना परके निमाट वने दाकिट, 11अनि अद लोतोर मालकान इन्किट: ‘नना नावोर चेला लोकुरासंग पसहा तिन्दा साटि खोलि बगा मन्ता इन्जोर गुरु निकुन पुच्चेमान्तोर इदाम वेहाट।’ 12अनि ओर मिकुन अद लोता पोरो जेवन साटि साफकिस तयारिकिता उन्दि सोबाय खोलि दिसार, अगाय माकुन साटि पसह हनुमतांग रोटिंग तिन्दिला तयार कियाकिट।”

13अनि चेलालोरक हन्जुन, येसु वेहच मन्तोर लेहकाय कलियतुरक, अनि अगाय पसह हनुमतांग रोटिंग तयार कितुरक।

प्रबु जेवन

(मत्ति २६:२६-३०; मर १४:२२-२६; १ कुरि ११:२३-२५)

14अनि पसह हनुमतांग रोटिंग तिन्दाना बेरा आतु, असके येसु आपुना खास चेला लोकुरासंग जेवेकियान साटि उदितुर। 15अनि येसु आपुनोरक चेलालोरकुन इतुर, “नना पकाय-तकलिब सहेनकियाना मुने इद पसह हनुमतांग रोटिंग मियासंग तिन्दान साटि नना पकाय आशा कितान, 16बाक्याकि पसहा हनुमता जेवेनता पुरा उदेशय परमेस्वरना राज्यतिगा परमेस्वर पुरा कियानवनाह नना इद पसहा हनुमता जेवन दुसरो बेरा असा बसकेय तिनोन इन्जोर नना मिकुन वेहान्तोना।”

17असके येसु अंगुरता जोमातुन वाटिते येतितुर अनि परमेस्वरना धन्यवाद किसुन, “इद वाटिता अंगुरता जोमातुन येचुन सबलोरक तुस उन्ट। 18परमेस्वरना राज्य वायो आयार, अचोवनाह अंगुरता इद जोमा इगाडाल बसकेय उनोन इन्जोर नना मिकुन वेहान्तोना” इदाम आपुना चेलालोरकुन इतुर। 19अनि पजा येसु असा हारितुन पयतुर अनि परमेस्वरना धन्यवाद किसुन हारितुन किरिसुन चेलालोरकुन इदाम इन्तोर हितुर, “इद नावा मेन्दुल आन्द; नाकुन आल्हान साटि इदामे कियाकिट।” 20अदामे जेवन मारता पजा असा वने ओर वाटितिगा अंगुरता जोमातुन येचुन इदाम इन्तोर हितुर, “इद वाटिता अंगुरता जोमा मिया साटि पसियता नावा नतुर मन्ता, इदेनते परमेस्वर आपुना लोकुरासंग उन्दि पुनाल करार बनेकितोर#यिर ३१:३१-३४। 21मति केन्जाट, नाकुन दुश्मन्कना कयदे पयपिचियानुर ओर नावासंग इगा जेवेकिन्तोर। 22परमेस्वर मुनेटाले निर्णय कितोर अदामे नना मानेयतोर मरि हायका। मति नाकुन पयसियानुर ओर मानेयतुन पकाय हजोर दन्ड पुटार।”

23असके मावा पयकि बोर येसुन दुश्मन्कना कयदे पयपिचियानुर इन्जोर चेलालोकुरक एकमेका पुच्चेमायिला लाकतुरक।

मियागा हजोर मानेय दुसरोना सेवा किम

24अनि चेलालोकुरा नडुम ओरा पयकि बोन हजोर समजेमान्तोर इदेना बारेते वाद-विवाद आतुरक#मत्ति १८:१; मर ९:३४; लूका ९:४६ । 25अनि येसु चेलालोरकुन इतुर, “यहुदि आयोर लोकुरा राजाह आपुना लोकुरकनिगा अदिकार किन्तोर; अनि लोकुरा मदत केवाल इदाम ओरक आपुनतुन केहिन्तोरक#२२:२५,२६; मत्ति २०:२५-२७; मर १०:४२-४४ । 26मति निमाट ओरा लेहका आयमाट। मिया पयकि बोर हजोर मन्तोर, ओर हुडलोर लेहका बनेमायिर अनि बोर मुक्याल मन्तोर ओर सेवा केवाल बनेमायिर#मत्ति २३:११; मर ९:३५ । 27अनि जेवेकियाला उदितोर ओर या सेवा किन्तोर ओरिगा बोर हजोर आन्दुर? जेवेकियाला उदितोर हजोर मन्तोर, मति नना वरोर सेवा केवाल लेहका मिया नडुम मन्तोना#युह १३:१२-१५।”

28अनि येसु आपुनोरक चेलालोरकुन इतुर, “निमाटेय मन्तोर नावा पकाय तकलिपतिगा नावासंग मतोरिट 29अनि बदाम नावोर बाबाल नाकुन राज कियान साटि नाकुन अदिकार हितोर, अदामे नना वने मिकुन राज कियान साटि अदिकार हिंतोना, 30अनि निमाट नावा राज्यतिगा नावासंग मन्जुन तिन्किट-उन्किट अनि राजगदितिगा उचुन यहुदि लोकुरा बारा गोत्रतुन न्याय कियाकिट#मत्ति १९:२८ ।”

पतरास येसुन इन्कार किन्तोर

(मत्ति २६:३१-३५; मर १४:२७-३१; युह १३:३६-३८)

31अनि येसु इन्तोर, “शिमोन हे शिमोन! बदाम गोहकुन हेतिते हेचुन पोलेतुन अलगो किन्तोर, अदाम मिकुन वने परिक्षा किस नावाकेडाल अलग कियान साटि सयतान परमेस्वरनिकेडाल परवांगि तलकतुर। 32मति नना ते मिया विस्वास कमजोर आयमाकि अनि निमा पस्तेमासुन नावा हेरे वास निमा दुसरो चेलालोरकुन विस्वासते मजबुत कियान साटि परमेस्वरतुन प्रार्थना कितोना।” 33असके पतरास येसुन इतुर, “हे प्रबु नना नियासंग जेहलतिगा हन्दान साटि अनि हायान साटि वने तयार मन्तोना।” 34अनि येसु पतरासिन इतुर, “हे पतरास नेन्ड नरका कोर कुसानाता मुने निमा नाकुन मून्ड बेरांग पुनोन इदाम इन्कार कियाकि इन्जोर नना निकुन चेते किसुन वेहान्तोना।”

वायाना पकाय तकलिप साटि तयारते मन्ट

35अनि येसु आपुनोरक चेलालोरकुन असा इतुर, “मिकुन नना परमेस्वरना पोल्लोतुन वेहान साटि पिसवि, जोरा अनि हरपुह करवाय लोहच मतोना ते बोदे चिजता कमि आत बहे?, बोदे चिजता कमि हिले आसि” इन्जोर ओरक इतुरक#मत्ति १०:९,१०; मर ६:८,९; लूका ९:३; १०:४ । 36अनि येसु आपुनोरक चेलालोरकुन इतुर, “मति इदेक आपुनासंग पिसवि अनि जोरा येताट; अनि बोनिगा तलवार हिले ओर आपुनांग कपळानुंग मोमसुन उन्दि तलवार असाट। 37‘ओन दोषि लोकुरासंग लक्तोर’ इन्जोर पवित्र पुस्तकतिगा कोटता सबोय पोल्लोंग नावागा पुरा आयाना जरुरि मन्ता। बाक्याकि नावा बारेते कोटताल इव सबोय पोल्लोंग पुरा आयिला पहाजे” इन्जोर इतुर#यश ५३:१२ । 38अनि चेलालोरक येसुन इतुरक, “हे प्रबु, इगा रन्ड तलवारिंग मन्तांग।” अनि येसु चेलालोरकुन इतुर, “पकाय आत इदेक तलवारता पोल्लो असा निमाट वळकमाट।”

जयतुन पोरोयदा मटातिगा येसुना प्रार्थना

(मत्ति २६:३६-४६; मर १४:३२-४२)

39असके पजा येसु बाहरो पसियसुन आपुना रोजता रिति लेहका येरुसलेम सहेरता हेरे मता जयतुन मटातिगा#२२:३९ जयतुन मटा इस्रयेल देशता उन्दि हजोर मटा मता। ओद मटातिगा जेयतुन पोरोयता मराक पकाय मन्दुंग। हतुर, अनि चेलालोरक वने येसुना परके हतुरक। 40अनि ओरक अद मटातिगा अवतुरक, असके येसु चेलालोरकुन इतुर, “मियागा परिक्षा वायमाकि इन्जोर निमाट प्रार्थना किसोरिंग मन्ट।”

41अनि येसु आपुनोरक चेलालोरकुन हरचुन अगडाल हुचुन लक हन्जुन मिन्डामोरिंग कोटसुन परमेस्वरतुन प्रार्थना कियाला लाकतुर, 42“हे बाबा, निया इच्चा मन्दार ते इद पकाय तकलिपतुन नावा हेरेटाल गुचहा; मति नावा इच्चा लेहका आयो निया इच्चा पुरा आयि।” 43अनि येसुन लाव हियान साटि स्वरगताल उन्दि दूत ओना मुने दिसतु। 44अनि येसु पकाय ध्यानते व्याकुल आस प्रार्थना किया लाकतुर; अनि येसुना येपुर नतुरतांग टिपकांग लेहका नेलितिगा अरतुंग।

45अनि येसु प्रार्थनाताल तेदितुर अनि आपुना चेलालोरकला हेरे वातुर, अनि चेलालोरक पकाय दुःखते अवकेमास मन्दुरक इन्जोर हुन्जिला आस मन्दुरक अदेन येसु हुळतुर। 46“निमाट बाक्या हुन्जान्तोरिट? परिक्षाते अरमाट इन्जोर तेदचुन प्रार्थना किम्ट” इन्जोर येसु चेलालोरकुन इतुर।

युदास येसुन दोखा हिस पयपियाहन्तोर

(मत्ति २६:४७-५६; मर १४:४३-५०; युह १८:३-१२)

47अनि येसु आपुनोरक चेलालोरकुन अदामे वळकसोर मन्तोर असकेय लोकुरा उन्दि हजोर गोहडि वात। अनि बारा खास चेलालोरिगाडाल वरोर मन्तोर येसुन पयसिवाल यहुदा इस्करियोति येसुन नमस्कार किसुन येसुन बुरान साटि लोकुरा गोहडिताल मुने-मुने वायिला आस मन्दुर, 48अनि येसु यहुदान इतुर, “हे यहुदा निमा मानेयना मरिन बुरसुन लोकुरा कयदे पयसियान्तोन बहे?”

49अनि इदेक बातालतरि आयार इन्जोर चेलालोरकुन समजेमातुर, “हे प्रबु येसु माक तलवारते हियाकोम बहे?” इन्जोर ओरक येसुन पुच्चेमायिला लाकतुर। 50अनि येसु वेहानाता मुनेय ओराकिडाल वरोर चेलाल महायाजकना सेवकतुन तलवारते हितुर, अनि ओना कवितुन पळत इन्जोर कविय देकतु। 51असके येसु चेलालोरकुन इतुर, “इदाम केमाट।” अनि ओर महायाजकना सेवकना कवितुन इटसुन सुदरे किसितुर।

52अनि मुक्याह याजक लोकुरक अनि प्रार्थना लोतुन केपवालोरकला मुक्याह लोकुरक अनि यहुदि लोकुरा मुक्याल लोकुरक येसुन पयिला वास मन्दुरक अनि येसु ओरकुन इतुर, “निमाट नाकुन ओन्डकालिन पयाना लेहका तलवारिंग अनि बळगांग पयसुन वातोरिट? 53अनि नना मियासंग प्रार्थना लोतिगा रोजिय मन्दान मति निमाट नाकुन पयविट आतिट; मति इदेक परमेस्वर मिकुन पेयाना अदिकार हितुर, बाक्याकि इदेक अन्दकारता राजालना#२२:५३ सयतान। राज सुरु आता” इन्जोर इतुर#लूका १९:४७; २१:३७।

पतरास येसुन इन्कार किन्तोर

(मत्ति २६:५७,५८,६९-७५; मर १४:५३,५४,६६-७२; युह १८:१२-१८,२५-२७)

54अनि लोकुरक येसुन पय्तुरक अनि महायाजकना लोतिगा ततुरक। अनि पतरास लकदाले येसुन ओयिल आस मन्दुरक ओरकुन हुळसोरिंग ओरा परके-परके हन्दुर। 55अनि ओर लोकुरक डुवाटिगा किस मासुन किसता हिरमुटा उचमन्दुरक अनि पतरास वने ओरासंग उदितुर। 56अनि पतरासिन किस्ता वेळिचिते किस आरिला आस मन्दुर असके उन्दि दासि पेडि ओन हुळतु अनि अद पतरासिन पकाय ध्यानते हुळसुन, “येर वने येसुनासंग मतोर” इन्जोर इतुर। 57अनि पतरास अद आळदुन इतुर, “हे पेडि, नना ते ओन पुनोन।” 58अनि हुचुन बेरा पजा असा वने बोरे पतरासिन हुळसुन इतुर, “निमा वने येसुनोर संगनोर आन्दि।” अनि पतरास ओर मानेयतुन इतुर, “हे दादा, नना येसुनोर संगनोर आयोन।” 59अनि असा वने उन्दि गन्टाता पजा, दुसरो वरोर मानेय, “खरोय येर येसुनासंग मन्तोर, बाक्याकि येर गलील नाटेनोर आन्दुर” इदाम चेते किस इतुर। 60अनि पतरास इतुर, “हे दादा, निमा बाताल इन्दा आतोन अदेन नाकुन समजेमायो!” इदाम पतरास इन्दा आस मन्दुर असके सान्डे कोर कुस्त। 61असके प्रबु परके तिरियसुन पतरासनिके हुळतुर, “नेन्ड कोर कुसानाता मुने निमा नाकुन मून्ड बेरांग पुनोन इन्जोर इन्कार कियाकि” इदाम प्रबु ओन इन्तोर पोल्लोतुन आल्हितुर। 62अनि पतरास बाहरो पसियसुन आलहिच-आलहिच पकाय दुःखते किलतुर।

येसुन अपमान कियाना

(मत्ति २६:६७,६८; मर १४:६५)

63अनि येसुन केपवालोरक लोकुरक येसुना कोन्डानुंग मुचुन ओन मजाकिसुन पिटहिला लाकतुर; 64“निकुन बोर पिटिहतुर इदाम निमा बविस्या किसुन वेहा” इदाम पुच्चेमान्दुर। 65अनि ओरक येसुना निन्दा किस ओना विरोदते दुसरो पकाय पोल्लोंग इतुरक।

येसु यहुदि लोकुरा हजोर सभाता मुने

(मत्ति २६:५९-६६; मर १४:५५-६४; युह १८:१९-२४)

66अनि सकार आत असके मुक्याह यहुदिलोकुरक, मुक्य याजक लोकुरक अनि मूसाना नियमतुन करिहवालोरक डगि आतुरक अनि येसुन आपुना हजोर सभातिगा तचुन पुच्चेमातुरक, 67“बांग निमा मसिहाल आन्दि बहे, ते माकुन वेहा।” अनि येसु यहुदिलोकुरकुन इतुर, “नना मसिहाल आन्दान इन्जोर मिकुन वेहका ते वने निमाट नावागा विस्वास केविट आयकिट, 68अनि नना मिकुन उन्दि प्रश्न पुच्चेमायका ते निमाट उत्तर हेवि आयकिट। 69मति इदेकताल नना मानेयतोर मरि सबोयताल हजोर परमेस्वरना तिन्दान्तिके उच मन्दका#२२:६९ परमेस्वरना तिन्दान्तिके उच मन्दानुर मन्जे परमेस्वरना अदिकारतिगा उच मन्दानुर।।”

70मति “बांग निमाय परमेस्वरनोर मरि आन्दि बहे?” इदाम सबोय लोकुरक येसुन इन्दा लाकतुरक ते “निमाट इन्तोरिट ओद पोल्लो बराबर मन्तोरिट, नना ओरेय आन्दान” इन्जोर येसु सबोय लोकुरकुन इतुर। 71असके सबोय लोकुरक, “इदेक माकुन असा दुसरो गवाहिता बाताले जरुरि हिले; बाक्याकि माक ओनाय टोडिताल ओन परमेस्वरनोर मरि आन्दान इन्जोर केन्जतोम बहे” इन्जोर इतुरक।

Currently Selected:

लूका 22: fmu

Highlight

Copy