Yowaho 17
17
Yeso hika mai tamine‑ya hiyare, Deoso‑ya
1Oda‑ya hiyari hawa tohe, neme‑ya tonokomise, Deoso‑ya hiyare,
“Abi, tiwati‑maro‑nima yama yananaboneni. Tiwati ihi owa ene amosabote‑ya mai awahi. Owa ene‑ya mai awiya, tiwa ene‑ya mai watowahaboneni.
2Abi, tiwa ene mai nafi‑ka hidi ama·oni. Owa‑ya mai daatinamaro owa ene mai abateraboneni.
3Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.
4Tiwati‑maro‑nima ona, owa ene‑ya mai awa, tiwa‑ya mai watowahani.
5Bofe‑ba awisari‑ya ai fama ai amosabote ai wehene wadamaroni. Tiwa‑ya osawimatasiya, hini owa wehene wadamaro, owa wehene wadamatasahi.
6Abi, tika mai one bofe‑ya wi‑wina, owa‑ya mai daatina, mai‑ya tiwa tamine okamina, tiwati‑ya mai tokadabineni.
7Oka yama nafi‑bone owa‑ya daatinamaro, tiwa ene‑ya mai watowahineni.
8Owa‑ya tikaminamaro, mai‑ya okaminamakineni. Tiwati‑ya mai nofineni. Tika ama·oni. Owa‑ya tiyosemaro, owa‑ya mai watowahineni.
9Owati‑ya mai no‑nofa mai tikasomiyahi. Bofe‑ka mai tamine okamini awirani. Owa‑ya mai daatinamaro, tika mai toha, mai tikasomiyahi onani.
10Oka yama nafi toha tika tohahari, tika yama nafi toha oka mai tohahari neni. Owa‑ya mai watowahini.
11 # 17:11 Ai atibodi ati fara hinama toha, Deoso ohari‑nima ai ohariwamaboneni, ai damaro. Tiwa‑ya okomabone, bofe‑ya owinami awiraboneni. Bofe‑ya mai winabisaboneni. Abi Deoso, oka mai daatinamaro mai tinawadahi, ai ohare‑nima mai ohariwamabonehe, mai nafi.
12Owa‑ya mai daatinamaro mai‑ya osawe, mai onawada, tika hawi‑ya mai yakana mai maakara, mai abarani. Mai‑ka owa ohari ababisane. Fara, tiwati‑ya mai kanahanamaro mai ati‑maro‑nima yama nawahaboneni.
13Tiwa‑ya okomabone, bofe‑ya winasa ona tiwa ohiyara, owati mai mitiya, mai ya‑yaini nafiwahaboneni. Ya‑yai·ona‑nima mai ya‑yainaboneni.
14 # 17:14 Bofe‑ka mai toha Satanasi ati‑ya mai nofa mai tamine amani. Mai‑ya tiwati okaminamaroni. Bofe‑ka mai toha oka mai‑ya mai kakoteni. Bofe‑ka mai‑ka owa ama·ora, oka mai toha bofe‑ka mai‑ka mai tohaharirani.
15Abi,
‘Hibayata mai tiwakamahi.’ Oni awirini.
Bofe‑ya mai winasa na mai tikasomahi, Satanasi ati‑ya mai nofarabonehe.
16Bofe‑ka mai‑ka owa ohara, oka mai toha bofe‑ka mai‑ka one mai tohahari awirini.
17Abi, mai tikayawahi, tiwati yokana‑ya mai nofabonehe.
18Bofe‑ka mai‑ya owa tiyosemaro‑nima bofe‑ka mai‑ya mai oyosemakineni.
19Mai manakone onahababoneni, tika mai tohabonehe.
20Owa‑ya mai da‑daba mai tamine ohiyara, makobote mai ati mai one hinofawahabone mai tamine ohiyarahari neni.
21Abi, tiwati ihi mai nafi oharihi. Ai‑ka mai toha ai ohari‑nima mai oharihi. Ai nafi oharihi. Mai ihi‑ya mai one awiya, owa tiyosemaro owa‑ya mai watowahaboneni.
22 # 17:21-22 Deoso ati‑nima ai nafi atibodi ati niya, ai atibodi ati kafamiya, Deoso ohari‑nima ai ohareboneni, ai damaro. Owa‑ya tika yama daatina, fara mai‑ya daa·onamaki, ai ohari‑nima mai oharebonehe, mai damaro.
23Owa‑ya tisawi mai‑ya osawi ona, mai nafi ohariwamabonehe. Mai ihi‑ya mai one awiya, owa‑ya tiyosemaro, owa‑ya mai watowahaboneni. Owa tinofi‑nima oka mai tinofahare, mai‑ya mai watowahaboneni.
24Abi, owa‑ya mai daatinamaro, owa‑ya mai sawebone, mai‑ya owatibodi kobonineni. Yama nafi ai wamani awisari‑ya owa‑ya tinofi nafe, owa wehene‑bone daatinamaroni. Owa wehene‑ya mai awiyahi.
25Abi, amosabote amatini. Bofe‑ka tiwa‑ya mai watora, tiwa owatobisineni. Owa tiyosemaro, owa‑ya oka mai watowahineni.
26Mai‑ya tiwa yofi·okanamaro, tiwa yofi·okateboneni. Tiwa‑ya mai wato, owa tinofi nafe‑nima mai ibi nofabone, mai‑ya osaweboneni.” Yeso ati nemarine.
Currently Selected:
Yowaho 17: jaaNT
Highlight
Share
Copy
Want to have your highlights saved across all your devices? Sign up or sign in
