མེ་ཐིའུ་ལེའུ་ 18

ཞིང་ཁམས་ཀྱི་རྒྱལ་སྲིད་ནང་མི་སྦོམ་ཤོས་ཀྱི་སྐོར།

1དེའི་སྐབས་ལུ་སློབ་མ་ཚུ་ཡེ་ཤུ་གི་སྐུ་མདུན་ལུ་བཅར་ཏེ་ ཞིང་ཁམས་ཀྱི་རྒྱལ་སྲིད་ནང་ག་ར་ལས་མཐོ་ཤོས་འདི་ག་སྨོ་ཟེར་ཞུཝ་ད། 2ཡེ་ཤུ་གིས་ཨ་ལོ་ཆུང་ཀུ་གཅིག་འབོ་ཞིནམ་ད་ ཁོང་ཆ་ཁྱབ་ཀྱི་སྦུག་ལུ་ལྷོངས་གནང་སྦེ། 3ཡེ་ཤུ་གིས་ ང་གིས་ཁྱེད་ལུ་དོན་ལས་རང་སླབ་ཨིན་ ཁྱེད་སེམས་འགྱུར་ཏེ་ཨ་ནི་ཨ་ལོ་ཆུང་ཀུ་བཟུམ་སྦེ་མ་འགྱུར་བ་ཅིན་ ཁྱེད་ནམ་ཡང་ཞིང་ཁམས་ཀྱི་རྒྱལ་སྲིད་ནང་འཛུལ་མི་ཚུགས། 4དེ་འབདཝ་ལས་ག་ར་འབད་རུང་ ཨ་ནི་ཨ་ལོ་ཆུང་ཀུ་ཚུ་བཟུམ་སྦེ་ མཉམ་ཆུང་ཏོག་ཏོ་སྦེ་བཟོ་མི་དེ་ ཞིང་ཁམས་ཀྱི་རྒྱལ་སྲིད་ནང་ག་ར་ལས་སྦོམ་ཤོས་ཨིན། 5དེ་ལས་ག་ར་འབད་རུང་ངེ་གི་མིང་ནང་ ཨ་ནི་བཟུམ་གྱི་ཨ་ལོ་གཅིག་ལུ་ལེན་པ་ཅིན་ ཁོ་གིས་ང་ལུ་ཡང་ལེནམ་ཨིན། 6དེ་འབདཝ་ད་ ག་ར་འབད་རུང་ ང་ལུ་དད་པ་བསྐྱེད་མི་ ཨ་ནི་ཨ་ལོ་ཆུང་ཀུ་ཚུ་གི་གྲལ་ཁ་ལས་ གཅིག་ལུ་སྡིག་པ་འབད་བཅུག་པ་ཅིན་ ཨ་ནི་མི་དེ་གི་ཨོལ་ལྐོག་གུ་ རང་འཐག་གི་རྡོ་སྦོམ་གཅིག་བཏགས་ཏེ་ རྒྱ་མཚོ་ནང་ཐིམ་གཏང་དཔ་དྲག 7ཨ་ནི་འཇིག་རྟེན་པ་དེ་ལུ་ག་དེམ་ཅིག་ལཱ་ཁག་བརྐྱབ་ནི་སྨོ་ ག་ཅི་སྨོ་ཟེར་བ་ཅིན་ མི་འདི་གི་རྒྱུད་ལས་སྦེ་ མི་ཚུ་ལུ་དད་པ་ཉམས་བཅུགཔ་ཨིན་ དད་པ་ལུ་བར་ཆད་འོང་རང་འོང་དགོཔ་ཨིན་ དེ་འབདཝ་ད་ མི་གཞན་ལུ་བར་ཆད་གཏང་མི་དེ་ལུ་ག་དེམ་ཅིག་ཆདཔ་ཕོག་ནི་སྨོ། 8ག་དེམ་ཅིག་སྦེ་ཁྱོད་རང་གི་ལགཔ་ཡང་ན་རྐངམ་གིས་ ཁྱོད་ལུ་སྡིག་པ་འབད་བཅུག་པ་ཅིན་ དེ་ལུ་བཏོག་བཀོག་ད་ ལགཔ་གཉིས་དང་རྐངམ་གཉིས་ཆ་རང་ཡོད་དེ་ ཤི་ནི་མེད་པའི་དམྱལ་བའི་མེ་ནང་འགྱོ་བ་འདི་ རྐངམ་དང་ལགཔ་མེད་པར་ཞབོ་སྦེ་ཞིང་ཁམས་ལུ་འགྱོཝ་དྲག 9ཁྱོད་ཀྱི་མིག་ཏོ་གཅིག་གིས་ ཁྱོད་ལུ་སྡིག་པ་འབད་བཅུག་པ་ཅིན་ མིག་ཏོ་དེ་བཏོན་བཀོག་ད་ ཁྱོད་ཀྱི་མིག་ཏོ་གཉིས་སྦེ་དམྱལ་བའི་མེ་ནང་འགྱོ་བ་འདི་ མིག་ཏོ་ཡ་གཅིག་སྦེ་ཞིང་ཁམས་ལུ་འགྱོཝ་དྲག 10དེ་འབདཝ་ལས་ ཁྱེད་ཀྱིས་ཨ་ནི་ཆུང་ཀུ་ཚུ་གི་གྲལ་ཁ་ལས་གཅིག་ལུ་ཡང་སྨད་པ་མ་རྐྱབ་ ག་ཅི་སྨོ་ཟེར་བ་ཅིན་ ང་གིས་ཁྱེད་ལུ་སླབ་དོ་ ཁོང་ལུ་བདག་འཛིན་འཐབ་མིའི་ཕོ་ཉ་ཚུ་ཨ་རྟག་རང་ ཡར་ཞིང་ཁམས་ན་ངེ་གི་ཡབ་ཀྱི་སྐུ་མདུན་ལུ་ ཨ་ལོ་ཚུ་གི་སྐོར་ལས་གསུང་གྲོས་གནངམ་ཨིན་ཟེར་གསུངས་ནུག 11#༡༨:༡༡། ཧེ་མ་གི་བློ་གཏད་ཚུགས་མི་དེབ་ཚུ་ནང་ལུ་ ཚིག་བཅད་༡༡་དེ་མིན་འདུག་ དེ་འབདཝ་ད་ ཚིག་བཅད་༡༡་ནང་བྲིས་མེ་དེ་ ལུ་ཀ་གི་བྲིས་མི་གཏམ་བཟང་ ལེའུ་༡༩:༡༠་ལུ་ཐོབ་ཚུགས་ དེ་ནང་ལུ་ མིའི་བུ་འབྱང་འབྱངམ་ཚུ་འཚོལ་བ་དང་ སྐྱབས་འབད་བ་འོང་ཡི་ཟེར་ བྲིས་ཏེ་ཡོད།

ལུག་འབྱང་མི་གི་དཔེ་གཏམ།

12དེ་ལས་འཕྲོ་མཐུད་དེ་རང་ཡེ་ཤུ་གིས་ ཁྱེད་ཀྱིས་མནོ་བསམ་ག་དེ་སྦེ་གཏངམ་སྨོ་ དཔེར་ན་མི་གཅིག་ལུ་ ལུག་གཅིག་བརྒྱ་ཡོད་དེ་ དེ་གི་གྲལ་ཁ་ལས་ལུག་གཅིག་འབྱང་ད་པ་ཅིན་ ཁོ་གིས་ག་ཅི་འབད་འོང་ ཁོ་གིས་ལུག་དགུ་བཅུ་གོ་དགུཔ་དེ་རི་ཁ་བཞག་སྦེ་ བྱང་ད་མིའི་ལུག་གཅིགཔ་དེ་འཚོལ་བ་མི་འགྱོ་ག། 13ང་གིས་ཁྱེད་ལུ་དོན་ལས་རང་སླབ་ཨིན་ ཁོ་གིས་མ་བྱང་མི་ལུག་དགུཔ་བཅུ་གོ་དགུཔ་དེ་ལས་ཡང་ འབྱང་སྟེ་ལོག་ཐོབ་མི་ལུག་དེ་ལུ་ སེམས་དགའ་སྟེ་དགའ་ཚོར་འགྱུརཝ་ཨིན། 14དཔེ་གཏམ་དེ་བཟུམ་སྦེ་རང་ ཁྱེད་ཀྱི་ཞིང་ཁམས་ཀྱི་ཡབ་ལུ་ ཨ་ནི་ཆུང་ཀུ་ཚུ་ལས་གཅིག་ཡང་ བྱང་སྟོར་ཞུགས་ནི་གི་ཐུགས་དགོངས་མེད་ཟེར་ཡེ་ཤུ་གིས་གསུངས་ནུག།

དདཔ་ཅན་སྤུན་ཆ་ཚུ་གི་འཛོལ་བ་བཅོ་ཁ་རྐྱབ་དགོ་པའི་སྐོར།

15དེ་ལས་འཕྲོ་མཐུད་དེ་རང་ཡེ་ཤུ་གིས་ ད་ག་དེམ་ཅིག་སྦེ་ཁྱོད་ཀྱི་དདཔ་ཅན་སྤུན་ཆ་གིས་ ཁྱོད་ལུ་འཛོལ་བ་འབད་བ་ཅིན་ གཞན་གྱི་མ་ཤེསཔ་སྦེ་ཁོ་སྡོད་སར་སོང་སྟེ་ ཁོ་གི་སྐྱོན་བཏོན་ཏེ་བསླབ་བྱ་བྱིན་ ཁོ་གིས་ཁྱོད་ཀྱི་བསླབ་བྱ་ཉན་པ་ཅིན་ ཁྱོད་ཀྱིས་སྤུན་ཆ་དེ་ལམ་འཛོལ་བ་ནང་ལས་ལོག་ཐོབ་ཨིན། 16ག་དེམ་ཅིག་སྦེ་ཁོ་གིས་ཁྱོད་ཀྱི་བསླབ་བྱ་མ་ཉན་པ་ཅིན་ ད་རུང་མི་གཅིག་ ཡང་ན་གཉིས་དེ་ཅིག་ ཁྱོད་དང་གཅིག་ཁར་འཁྱིད་སོང་ དེ་གིས་འབད་གསུང་རབ་ནང་བྲིས་དོཝ་བཟུམ་སྦེ་ མི་གཉིས་ཡང་ན་གསུམ་འཛོམ་དཔང་འབད་དེ་ སླབ་མི་ལོ་རྒྱུས་འདི་བདེན་པ་སྦེ་བརྩི་འོང་། 17དེ་སྦེ་འབད་དེ་ཡང་ ཁོ་གིས་སྣང་མེད་བརྩིས་ཏེ་ཉན་མ་བཏུབ་པ་ཅིན་ དེ་ལས་ཆོས་ཚོགས་ལུ་ཞུ་ ཆོས་ཚོགས་ཀྱིས་ཡང་སླབ་སྟེ་ཉན་མ་བཏུབ་པ་ཅིན་ མི་དེ་ལུ་སྙིང་རྗེ་མེད་པའི་ ཁྲལ་བསྡུ་མི་ ཡང་ན་དཀོན་མཆོག་དང་གཞན་འབྲེལ་མེད་མིའི་མི་སྦེ་རྩི་དགོ། 18ད་རུང་ང་གིས་ཁྱེད་ལུ་དོན་ལས་རང་སླབ་ཨིན་ ཁྱེད་ཀྱིས་འཛམ་བུ་གླིང་ནང་ག་ཅི་རང་བསྡམ་རུང་ ཞིང་ཁམས་ལུ་ཡང་བསྡམ་ནི་ཨིན་ ཁྱེད་ཀྱིས་འཛམ་བུ་གླིང་ནང་ག་ཅི་རང་འཁྱོལ་རུང་ དེ་ཡར་ཞིང་ཁམས་ལུ་ཡང་འཁྱོལ་ནི་ཨིན། 19ང་གིས་ཁྱེད་ལུ་སླབ་ཨིན་ འཛམ་བུ་གླིང་ནང་དཀོན་མཆོག་ལས་ག་ཅི་ཞུ་ནི་ཨིན་ན་ ཁྱེད་ཀྱི་གྲལ་ཁ་ལས་གཉིས་ཁ་འཆམ་པ་ཅིན་ ཞིང་ཁམས་ལུ་བཞུགས་ཡོད་མིའི་ ངེ་གི་ཡབ་ཀྱིས་གནང་ནི་ཨིན། 20དེ་ལས་ག་ཏེ་རང་འབད་རུང་ མི་གཉིས་དང་གསུམ་ངེ་གི་མིང་ནང་འཛོམ་པ་ཅིན་ ང་ཁོང་གི་སྦུག་ལུ་འོངས་ཏེ་སྡོད་ནི་ཨིན་ཟེར་གསུངས་ནུག།

སྐྱིད་སྡུག་མ་བྱིན་མི་ཕྱག་སྒརཔ་གི་དཔེ་གཏམ།

21དེ་ལས་ པེ་ཏྲོ་ ཡེ་ཤུ་བཞུགས་སར་བཅར་ཏེ་ གཙོ་བོ་ལགས་ངེ་གི་སྤུན་ཆ་གིས་ ང་ལུ་ལཱ་ཟོགཔོ་འབད་བ་ཅིན་ ང་གིས་ཁོ་ལུ་ཚར་ག་དེམ་ཅིག་བཀའ་དྲིན་བསྐྱང་ནི་སྨོ་ ཚར་བདུན་གྱིས་བཏུབ་ག་ཟེར་ཞུཝ་ད། 22དེའི་ལན་ཡེ་ཤུ་གིས་ ང་གིས་ཁྱོད་ལུ་ཚར་བདུན་བཀའ་དྲིན་བསྐྱང་ཟེར་སླབ་མེན་ དེ་འབདཝ་ད་ བདུན་བཅུ་སྦེ་མི་ཚར་བདུན་ཚུན་ཚོད་ བཀའ་དྲིན་བསྐྱང་དགོ་ཟེར་གསུངས་ནུག 23དེ་འབདཝ་ལས་བརྟེན་ཏེ་ ད་རུང་ཨ་ནི་དཔེ་གཏམ་འདི་གསུངས་ནུག་ ཞིང་ཁམས་ཀྱི་རྒྱལ་སྲིད་འདི་ རྒྱལཔོ་གིས་ཁོ་རང་གི་གཡོགཔོ་ཚུ་ལས་བུ་ལོན་ལོག་ལེན་དོཝ་བཟུམ་སྦེ་ཨིན། 24བུ་ལོན་སྤྲོད་ནི་ཡོད་མི་ཚུ་ རྒྱལཔོ་གི་སྐུ་མདུན་ལུ་འཁྱིད་འོངས་ཏེ་ ཁོ་གིས་བུ་ལོན་རྩིས་རྐྱབ་ད་ འདི་ཚུ་གི་གྲལ་ཁ་ལས་ ཏཱ་ལེན་ཟེར་མི་དུང་ཕྱུར་བཅུ་ཐམ་ལས་ལྷགཔ་སྦེ་སྤྲོད་དགོཔ་ཨིན་མས།#༡༨:༢༤། ཏཱ་ལེན་གཅིག་གིས་ལོ་བཅུ་དྲུག་གི་གླ་ཆ་ལང་ནི་ཨིན་མས།། 25མི་དེ་གིས་བུ་ལོན་སྤྲོད་མ་ཚུགསཔ་ལས་བརྟེན་ཏེ་ རྒྱལཔོ་གིས་ཁོ་རང་དང་ཁོ་རའི་ཨམ་སྲུ་ཨ་ལོ་ དེ་ལས་ཁོ་ནང་ག་ཡོདཔ་ཚུ་ག་ར་བཙོང་སྟེ་ བུ་ལོན་སྤྲོད་དགོཔ་སྦེ་བཀའ་གནང་ནུག 26དེ་འབདཝ་ད་ མི་དེ་གིས་ རྒྱལཔོ་གི་སྐུ་མདུན་ལུ་པུས་མོ་ས་ཁར་བཙུགས་ཏེ་ མངའ་བདག་རྒྱལཔོ་ལགས་ ང་ལུ་ཐུགས་ཀྱིས་བཟོད་པ་བཞེས་གནང་ ང་གིས་བུ་ལོན་ག་ར་ལོག་སྟེ་ཕུལ་འོང་ལགས་ཟེར་ཞུ་ནུག 27དེ་ལས་རྒྱལཔོ་གིས་བུ་ལོན་འབག་མིའི་ཕྱག་སྒརཔ་དེ་ལུ་ སྐྱིད་སྡུག་གཟིགས་ཏེ་ ཁོ་གི་བུ་ལོན་ག་ར་དགོངས་ཡངས་གནང་སྟེ་ལོག་བཏང་ནུག 28དེ་འབདཝ་ད་ ཕྱག་སྒརཔ་འདི་ དེ་ནང་ལས་ཐོན་སོངམ་ད་ ཁོ་རང་གི་ཆ་རོགས་ཕྱག་སྒརཔ་གཅིག་གིས་ ཁོ་ལུ་ཏི་རུ་ དེ་ན་རི་#༡༨:༢༨། དེའི་སྐབས་ལུ་ཏི་རུ་ དེ་ན་རི་གཅིག་འདི་ ཉིནམ་རེ་གི་གླ་ཆ་ཨིན་མས། གཅིག་བརྒྱ་སྤྲོད་ནི་ཡོད་མི་དེ་དང་འཕྱད་དེ་ ཁོ་གིས་ཆ་རོགས་དེ་གི་ཨོལ་ལྐོག་གུ་བཤེད་དེ་ ངེ་གི་ཏི་རུ་ལོག་འབག་ཤོག་ཟེར་སླབ་སྟེ་བང་བཙོངས་ནུག 29ཆ་རོགས་དེ་གིས་ཁོ་གི་གདོང་ཁར་ལུ་ པུས་མོ་ས་ཁར་བཙུགས་ཏེ་ དེ་སྦེ་འབད་མ་ད་ ང་ལུ་དུས་ཚོད་ཨ་ཙི་གནང་ ང་གིས་མགྱོགས་པར་སྤྲོད་འོང་ཟེར་གསོལཝ་བཏབ་ནུག 30དེ་འབདཝ་ད་ ཁོ་གིས་དུས་ཚོད་ཨ་ཙི་གཅིག་ཡང་བྱིན་མ་བཏུབ་པར་ མི་དེ་བཟུང་སྟེ་ བུ་ལོན་ག་ར་མ་སྤྲོད་ཚུན་ཚོད་ བཙོན་ཁང་ནང་བཙུགས་ཏེ་བཞག་ནུག 31ཁོ་གིས་དེ་སྦེ་འབད་ས་ ཕྱག་སྒརཔ་གཞན་ཚུ་གིས་མཐོངམ་ད་ ཁོང་གནམ་མེད་ས་མེད་སེམས་ཕམ་ནུག་ དེ་ལས་ཁོང་གིས་འདི་གི་སྐོར་ལས་ག་ར་རྒྱལཔོ་ལུ་ཞུ་ནུག 32དེ་ལས་རྒྱལཔོ་གིས་ཕྱག་སྒརཔ་དེ་ལུ་འབོ་ཞིནམ་ད་ ཨ་ཁའི་ མི་ངན་པ་ཁྱོད་ ཁྱོད་ཀྱིས་ང་ལུ་གསོལཝ་བཏབ་ད་ ང་གིས་ཁྱོད་ཀྱི་བུ་ལོན་ག་ར་དགོངས་ཡངས་བཏང་བྱིན་ཡི། 33དེ་འབདཝ་ད་ ང་གིས་ཁྱོད་ལུ་སྙིང་རྗེ་བསྐྱེད་དོཝ་བཟུམ་སྦེ་ ཁྱོད་ཀྱིས་ག་ཅི་འབད་ཁྱོད་རང་གི་ཆ་རོགས་ལུ་སྙིང་རྗེ་མ་སྐྱེདཔ་སྨོ་ཟེར་གསུངས་ནུག 34དེ་ལས་རྒྱལཔོ་དགོངསམ་ཁྲེལ་ཏེ་ བུ་ལོན་ག་ར་ཚངམ་སྦེ་མ་འབྱོར་ཚུན་ཚོད་ ཕྱག་སྒརཔ་དེ་བཙོན་སྲུང་པ་གི་ལག་པར་སྤྲོད་དེ་དྲངས་བཅུག་སྟེ་ བཙོན་ཁང་ནང་བཙུགས་བཞག་ནུག 35དཔེ་གཏམ་དེ་བཟུམ་སྦེ་ ཁྱེད་ཀྱིས་རང་གི་སྤུན་ཆ་གི་འཛོལ་བ་ སེམས་ཀྱི་གཏིང་ལས་རང་བཀའ་དྲིན་མ་བསྐྱང་པ་ཅིན་ ཞིང་ཁམས་ལུ་བཞུགས་མིའི་ ངེ་གི་ཡབ་ཀྱིས་ཡང་ ཁྱེད་ལུ་དེ་བཟུམ་སྦེ་མཛད་འོང་ཟེར་གསུངས་ནུག།

Currently Selected:

མེ་ཐིའུ་ལེའུ་ 18: dzoD

Highlight

Copy