Бути 2

Свэнто Фано сджял пэ апостолонэн

1Авиля Пандэшахкоро#2.1 Праздник Недель, иудейский праздник сбора урожая, праздновался на 50-й день после праздника Пасхи. диво, и всавэрэ вонэ сле їтханэ. 2Екхатар болыбнастар шундапэ фоно, саво сджялпэ, сар пхурдэл фартэ бари балвал, и саво пхэрдиля всаворо цэр, тев вонэ бэшле. 3Сиклярнэ дыкхле сось, со поджило пэ ягунэ чиба, савэ розджилепэ и ачиле по екхэ пэ кожно лэндар. 4Всавэрэ вонэ пхэрдиле Свэнтонэ Фаноґа и ачиле тэ дэдумэ аврэ чибэнца, сар дэлас лэнди Фано.

5Дэ кадыя вряма дэ Ерусалимо сле дэвликунэ иудея всавэрэ тханэндар, савэ исин дэ люмля. 6Пэ кадэва фоно стидэнепэ бут манушэн, тай на полэнас, со катэ терэлпэ, колэсти со кожно лэндар шунда, сар кодэла дэдумане пав лэхкири чячи чиб. 7Вонэ фартэ дэнас дыво тай пхученас:

— Чи всавэрэ кадэла мануша, савэ дэдумэн, на галилеянуря? 8Сар же када кожно амэндар шунэл, сар вонэ дэдумэн пав амари чячи чиб? 9Машкар амэн исин кацавэ иудея: парфянуря, мидянуря, еламитуря, кодэла, ко джювэн дэ Месопотамия, Иудея тай Каппадокия, дэ Понто и дэ Цыкни Азия, 10дэ Фригия тай Памфилия, дэ Египто, дэ котор Ливийско пхув, саво паша Кирена, и кодэла, ко джювэн дэ Римо, 11иудея и кодэла, савэ прылиле иудееенгоро сикляримо, критянуря тай арабуря. И всавэрэ амэ шунах, сар вонэ дэдумэн пала барэ рындуря Дэвлэхкэрэ пэ амарэн чибэн!

12Вонэ дэнас дыво, на джянгле, сар кода тэ полэ, тай пхученас екх екхэстар:

— Со када исин?

13А койсавэ подасанаспэ:

— Вонэ пиле тэрно мол тай матиле!

Петрохкири дума

14Пётро вщиля їтханэ аврэнца дэшуекхэнца, ачиля тэ дэдумэ манушэндэ, ваздэня пэхкоро ґласо тай пхэнда:

— Мурша иудея и всавэрэ, ко джювэн дэ Ерусалимо! Соб тумэ тэ полэн вса, шунэн тай чувэн сама, со мэ пхэнав. 15Кадэла мануша на матэ, сар тумэ думисарэн: екхатар енякоро чясо дэ дэнзор. 16Нэ када терэлпэ пав лавэн, савэ пхэнда англунари Иоили:

17«Дэ кодэлэн дивэн, — пхэнэл Дэвэл, —

Мэ чувава Фано пэ всавэрэн манушэн.

Тумарэ чявэ и чея авэна тэ дэдумэ сар англунаря,

тумарэ тэрнэ чявэ дыкхэна сунэ англунарехкэрэ дивэсэґа,

А тумарэ пуранэ — рятяґа.

18Пэ Мурэн копылен, муршэн тай джювлен,

Мэ дэ кодэлэн дивэн чувава Фано

тай авэна тэ дэдумэ сар англунаря.

19Мэ сикавава дывуря упрэ дэ болыбэн

и барэ рындуря тэлэ пэ пхув:

рат, яг и тхува.

20Кхам калёла,

а чён лолёла, сар рат

англа кода, сар авэла баро и чудно диво Дэвлэхкоро.

21Тай кожно, ко прыакхарэла Раехкоро Лав,

авэла фирисардо».

22Мурша израильтянуря, вышунэн, со мэ пхэнава! Бари бути, зоралэ рындуря и допхэнимо Дэвэл стерда чэрэз Исусо англа амарэн якхэн, и тумэ джянэн пала кода. Кадэлэґа Дэвэл сикавда, со Мурш Исусо Назаретостар авиля Лэстар. 23Пав воля Дэвлэхкири и пав кода, со Лэстэ сля пэ годя майанглал, тумэ умардэ Лэ, кала отдэне дэ вастэн кодэлэнди, ко на джювэн пав Упхэнима, соб вонэ тэ прымарэн Лэ пэ трушул карфинэнца. 24Нэ Дэвэл отджювдярда Лэ, фирисарда мэримахкиря грыжатар, и мэримастэ на сля зор Лэ тэ урицарэ.

25Давидо дэдумэл пала Лэ:

«Всавири вряма мэ дыкхлём Рае англа пэ:

Вов пав чячё васт мандар —

тэ на зджяв дромэстар.

26Колэсти цэлэл їло муро, тай лошавэл чиб,

и трупо муро авэла тэ джювэ дэ надия.

27Ту ж на ачявэґа муро води дэ адо

тай на дэґа, соб свэнто Тиро тэ лэлпэ прахоґа.

28Ту сикавдан манди дрома джювимахкэрэ,

Ту дэґа манди лош англа муй Тиро».

29Пхралалэ, дэн манди тэ пхэнэ тумэнди ворта, со пропапо Давидо муля и сля загаравдо. Тай лэхкоро склепо ачел амэндэ и авдивэ. 30Вов сля англунари и джянгля, со Дэвэл дэня лэсти солах тэ тховэ пэ лэхкоро троно манушэ, лэхкэрэ родостар. 31Вов дыкхля англуни вряма и дэдумэлас пала Христохкоро отджюндивимо, со Вов на авэла ачявдо дэ адо, и со Лэхкоро трупо на лэлапэ прахоґа. 32Тай акэ, Дэвэл отджювдярда Кадэлэ Исусо, и амэ всавэрэ допхэнимаря кадэлэсти! 33Исусо сля ваздэно чяче Дэвлэхкэрэ вастэґа, прылиля Дадэстар, кода, со сля пхэндо — Свэнто Фано, тай чута Лэ пэ амэн, сар тумэ екхатар и дыкхэн и шунэн. 34Давидо на ваздэласпэ пэ болыбэн, нэ дэдуманя:

«Пхэнда Рай Дэвэл мурэ Раести:

Бэш пав чяче вастэ Мандар,

35Ды коя вряма, сар Мэ чувава Тирэ врыжымашэн

Тути тала пурэн».

36Колэсти, мэк всаворо цэр Израилёхкоро джянэл, со Кадэлэ Исусо, Савэ тумэ прымардэ пэ трушул, Дэвэл терда и Раеґа и Христоґа!

37Кала мануша шундэ када, вонэ вса прылиле пашэ їлэстэ, и лэнди ачиля ладжяво. Вонэ пхученас Петро тай аврэн апостолонэн:

— Пхралалэ, со амэнди тэ терэ?

38Пётро пхэнда:

— Ачявэн тумаро бэзимо, и мэк кожно тумэндар авэла болдо пала лав Исусо Христохкоро, соб тэ отмукэнпэ тумарэ бэзима, тай тумэ прылэна бициминакоро даро — Свэнто Фано. 39Колэсти со кади сля пхэндо тумэнди, тумарэ чяворэнди и всавэрэнди, ко дурал тумэндар: всавэрэнди, ко авэла прыакхардо Раеґа, амарэ Дэвлэґа.

40Тай бутэ аврэ лавэнца Пётро прыакхарэлас лэн, тай дэдумэлас:

— Фирисарэнпэ кадэлэ хасютнэ родостар.

41Кодэла, савэ прылиле лэхкири дума, болдэнепэ. Дэ кодэва диво прыачиля лэндэ пашэ трин пхангля мануш.

Джювимо патякунэн манушэн

42Вонэ рицарэнаспэ апостолонэнгэрэ сикляримастэ, всавири вряма сле їтханэ, прэпхагэнас мандро и мангэнаспэ. 43Всавэрэ даранас Дэвлэстар и апостолуря терэнас баро допхэнимо тай барэ дывуря.

44Всавэрэ патякунэ мануша сле їтханэ, и вса лэндэ сля екх. 45Вонэ битинэнас вса, со лэндэ сля, и всаворо пэхкоро хулаимо, и роздэнас всавэрэнди, касти скаци трэбуни. 46Кожно диво вонэ стидэнаспэ дэ храмо, тай пав цэрэн прэпхагэнас мандро и ханас лошаґа и жужэ їлэґа, 47ашарэнас Дэвлэ и сле дэ лачима всавэрэ манушэндэ. И кожно диво Рай прытховэлас лэндэ фирисардэн.

Currently Selected:

Бути 2: СРБ

Highlight

Copy

Want to have your highlights saved across all your devices? Sign up or sign in

This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/

Learn More About Библия пы сэрвицко ромско чиб