Panagnaan 7
7
Tuhan ngandunukan junyaꞌ
1Lupus jaꞌ siꞌ si Nū bay buwat bahitlaꞌ, magpalman na baw Tuhan niiya, yuk na, “Dutai na ko taꞌ bahitlaꞌ ka ga jama lumaꞌ nu. Bong ni angkat-angkatan batnaa, kau du bay taindan ku intong. 2Madutai na ko mimon jinisan hayop ma halal, pituꞌ-pitum pasangan jawom danjinis, danda ka lalla. Kuwan ni sagannap hayop ma yaꞌ halal, dampasang-dampasangan jaꞌ jawom danjinis, danda ka lalla. 3Damikiyan, moo du ko mimon jinisan manuk-manuk, pituꞌ-pitum pasangan jawom danjinis, danda ka lalla. Meꞌ looy ilay, yaꞌ na pin kuhi katis jinisan sattuwa ka manuk-manuk taꞌ babaw junyaꞌ. 4Labba man batnaa, pituꞌ ngallaw sa situ pauwan ku na junyaꞌ mpatpūꞌ ngallaw-mpatpūꞌ bahangi man ku ngatisan sikamimon balnyawa ma bay papayak ku taꞌ babaw junyaꞌ.” 5Dari siꞌ sagannap ma bay sohoꞌ Tuhan ni si Nū, lay na jaꞌ pabuwat na.
6-7Na jaman si Nū bay mag-umu nnom hatus taun, lay na ya dutai taꞌ bahitlaꞌ looy ka ga anak-nda na sampay ga iwan na batan song takka na dunuk looy. 8-9Maka mimon jinisan kahayop-hayopan looy siꞌ, halal saꞌ halal, ga manuk-manuk, sampay sagannap balnyawa ma palele taꞌ gumi, luu na du pōꞌ pa mman si Nū pasang-pasang, danda ka lalla. Pag-anu siꞌ, lay na sila binoo dutai meꞌ si Nū meꞌ ndang bay sohoꞌ Tuhan niiya.
10-16Na pag lay jaꞌ siꞌ dutai ga si Nū ka nda na sampay ga anak da si Sem, si Ham, ka si Japet ka ga nda da ddas ka mimon jinisan balnyawa looy siꞌ, lay na tambo Tuhan lawang bahitlaꞌ looy.
Pag taabut jaꞌ siꞌ sakayi pituꞌ, ni sapu-pituꞌ hali ni buwan duwa, sasang nnom hatus taun umu si Nū, bukaꞌ na gumi sampay lataꞌ na junyaꞌ man boheꞌ numpit. Maka nagnaꞌ na uwan landos hudhud man taꞌ langit. Boꞌ yaꞌ na bay luu hantiꞌ na njawom mpatpūꞌ ngallaw-mpatpūꞌ bahangi. Dari lay na ndunukan junyaꞌ.
17Na halloman siꞌ boheꞌ nulig njawom mpatpūꞌ ngallaw, lay na paangkat bahitlaꞌ looy pa jataꞌ man gumi. 18Boheꞌ siꞌ tu pasulig boꞌ pasulig na pin sampay mag-atungan na ga bahitlaꞌ looy. 19Song hallom, limun na ga kapunu-punuhan labbasakayi ni kalawom boheꞌ. 20Boheꞌ siꞌ tu, lay gi umangkat duwampūꞌ kaki palabi man taꞌ punsak kapunu-punuhan. 21-22Dari siꞌ, mimon ma magnapas taꞌ junyaꞌ, ga manuk-manuk, kahayop-hayopan, siga sattuwa tawun ka ga balnyawa ma palele taꞌ gumi sampay na manusiyaꞌ, lay na katis matoy. 23Mimon ma llum taꞌ babaw junyaꞌ meꞌ bay pinuusan. Ilooy sa bay tamban yana ga si Nū ka ga ilooy ma bay boo na pa taꞌ bahitlaꞌ. 24Halloman junyaꞌ siꞌ dunuk, luu na dahatus limampūꞌ ngallaw.
Currently Selected:
Panagnaan 7: sjm
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
