रोमियों कताब को परिचय
कताब को परिचय
पौलुस ई कागद न्अ अन्दाजन 55-56 ईसवी सन् म माण्ढ्यो छो। ई कागद म पौलुस ईसु मसी का चोखा समचार न्अ घणा बढ़ा रूप म बतायो छ। पण रोमियों एक कागद सुं घणु साऊटो छ। यो एक चोखो जमेड़ो कागद छ। सरूवात का बस्वास्या की टोळी म यहूदी बस्वास्या अर बना यहूदी मसीया क गाब्अ ई बात का बारा म सेमती कोन छी क कसी बाता एक मनख न्अ परमेसर क साम्अ मानबाळी बंणाव्अ छ। अर मसी क पाछ्अ चालबाळा न्अ कस्यान की जन्दगी जीणी चायजे। रोमियों म पौलुस हिम्मत सुं या बताव्अ छ क यो चोखो समचार “हरेक बस्वास करबाळा बेई पेली तो यहूदी, पेर यूनानी बेई, उद्धार बेई परमेसर की तागत छ” (1:16)।
रोमियों एक कागद छ ज्यो ईसवी सन् की सरूवाती यूनानी परम्परा की कागद माण्ढबा की सैली म माण्ढ्यो गियो छो। पौलुस की बगत म कागद माण्ढबाळा ई बात न्अ पेली बताव्अ छा क कागद कुण माण्ढ़र्यो छ (1:1–6), उंक्अ पाछ्अ वे वां मनखा का नांऊ माण्ढ्अ छा ज्यांन्अ यो कागद माण्ढ्यो गियो छो (1:8), ईक्अ पाछ्अ सरूवात माण्ढी जाव्अ छी जस्यान पौलुस का घणा कागदा म आयो छ क धन्यवाद की परातना क पाछ्अ सरूवात आव्अ छ (1:8–15), अर कागद एक आखरी का नमस्कार अर आसीर्वाद की लारा खतम हो जाव्अ छ 16:1–27। सबळा कागद की रुप रेखा न्अ अस्यान बता सका छा।
कताब की रुप रेखा
पौलुस खुदको अर चोखा समचार को परिचय देव्अ छ 1:1–17
परमेसर क साम्अ सबळा मनख दोषी छ 1:18—3:20
परमेसर कस्यान मनखा न्अ मान्अ छ 3:21—4:25
बस्वास की एक नुई जन्दगी जीबो 5:1—8:39
परमेसर को इजरायल का मनखा ताणी पुचबो 9:1—11:36
मसी की काया म जन्दगी 12:1—15:13
पौलुस की योजना अर खुदकी ओड़ी सुं सुवागत 15:14—16:27
Currently Selected:
रोमियों कताब को परिचय: डि एच डि
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved