मरकुस 11

ईसु जीत सुं यरूसलेम म उळबो

(मत्ती 21:1–11; लूका 19:28–40; यूहन्‍ना 12:12–19)

1फेर जद्‍या वे यरूसलेम क सांकड्अ जैतून डुंगर की ढ़ाळ म बैतफगे अर बैतनिय्याह क सांकड्अ पुच्या तो ईसु चेला मंसुं दो न्अ 2या खेर सामला गांव म खन्दायो, “जावो जस्यानई थें गांव म घुस्अला थान्अ एक गद्‍दी को बछेरो बंधयो मललो जीक्अ उपरअ हालताणी कोई कोन चढ़यो। बिन्अ उण्डअ सुं खोलर लियाओ। 3अर थांन्अ कोई बुजे क ‘थें यो कांई करर्या छो?’ तो थें खिज्यो, ‘परबु न्अ इसुं काम छ। अर फेर वो बेगोसोक ईन्अ पाछो#11:3 एकात पराणी पोथ्या म अस्यान लखरी छ क परबु ईसु थन्अ ईन्अ बेगोसोक पाछो दे देव्अलो दे देलो।’”

4जद्‍या वे उण्डअ सुं चलग्या अर वान गळी म एक बाण्णा कन्अ गद्‍दी को बछेरो बंध्यो मल्यो। अर जद्‍या वे बिन्अ खोलर्या छा। 5तो एकात मनख ज्यो उण्डअ उबा छा, वान बुज्या, “थें कांई करर्या छो अर ई गद्‍दी का बछेरा न्अ क्युं खोलर्या छो?” 6वे वान वाई खिया ज्यो ईसु वान बतायो छो। जिसुं वे वान जाबा दिया। 7वे गद्‍दी का बछेरा न्अ ईसु क सांकड्अ लीयाया। वे उंक्अ उपरअ वांका लत्ता पटक दिया। अर फेर ईसु उंक्अ उपरअ बेठग्यो। 8घणासारा मनख वांका लत्ता अर घणा मनख खेता मंसुं खजूरां की डाळ्यां काटर ईसु को सुवागत करबा बेई गेल्‍ला म बछा दिया। 9वे मनख ज्यो आग्अ छा अर वे मनख ज्यो पाछ्अ छा, जैकारा लगारया छा, “हौसन्‍ना! परबु परमेसर की जै हो! वो धनै छ ज्यो परबु परमेसर का नांऊ सुं आर्यो छ! 10आपणा बाप-दादा दाऊद को राज ज्यो आर्यो छ उन्अ परमेसर आसीर्वाद दे। सरग म परबु की जै हो!” 11फेर वो यरूसलेम म पूछ्‍यो अर मन्दर म गियो। वो च्यारूमेर सबळी चीजान्अ देख्यो, अर दन आथबा की बजेसुं चेला की लार बैतनिय्याह की ओड़ी चलग्यो।

ईसु गूलर का रूंखड़ा न्अ सराप दियो

(मत्ती 21:18,19)

12आग्लअ दन जद्‍या वे बैतनिय्याह मंसुं नखळर जार्या छा, तो ईसु न्अ भूख लागी। 13थोड़ोसोक आंतरअ बिन्अ गूलर को हर्यो सकन एक रूंखड़ो दिख्यो। या देखबा बेई वो रूंखड़ा कन्अ गियो क उम्अ कोई फळ मल जाव। पण जद्‍या वो उण्डअ गियो तो बिन्अ पत्ता न्अ छोड़र कांई बी कोन मलयो क्युं क वा गूलरां की रूत कोन छी। 14जद्‍या वो रूंखड़ा न्अ खियो, “आज पाछ्अ थारा फळ न्अ कोई बी कोन खावला।” उंका चेला बी या सुण्या।

ईसु मन्दर म गियो

(मत्ती 21:12–17; लूका 19:45–48; यूहन्‍ना 2:13–22)

15जद्‍या वे यरूसलेम पुछया। अर ईसु मन्दर म घुस्यो तो वा मनखा न्अ ज्यो मन्दर म बोपार करर्या छा, बाण्अ नखाळबो सरू कर दियो। वो पिसा को लेण-देण करबाळा की छोकट्‍या उल्ट-पुल्ट कर दियो। कबुतर बेचबाळा का तखता उलाळ दियो। 16अर वान्अ मन्दर का आंगणा मंसुं कांई कोन ले जाबा दियो। 17फेर सक्ष्या देर ईसु वान्अ खियो, “परमेसर का बचन म या कोन मण्ढरी कांई, ‘म्हारो घर सबळा देसा का मनखा बेई परातना करबा को घर खुवावलो?’ पण थें बिन्अ चोरा को ठकाणो बणा दिया।” 18जद्‍या प्रधान याजक अर मूसा का निमा न्अ सखाबाळा या सुण्या तो वे बिन्अ मारबा को गेल्‍लो हेरबा लागग्या पण वे उसुं ड़रप छा। क्युं क सबळी जळा उंका उपदेसा सुं अचम्बो करअ छी। 19फेर जद्‍या दनात्यो तो ईसु अर उंका चेला नगर क बारे नखळग्या।

गूलर का रूंखड़ा सुं सक्ष्या

(मत्ती 21:20–22)

20आग्लअ दन दनुग्या की ईसु चेला की लार जार्यो छो तो वे उं गूलर का रूंखड़ा न्अ जड़ ताणी सूको देख्या। 21जद्‍या पतरस याद कर ईसु न्अ खियो, “गरूजी, देख! जि गूलर का रूंखड़ा न्अ तु सराप दियो छो, वो सुखग्यो!” 22ईसु वान्अ खियो, “परमेसर प बस्वास रांखो। 23#मत्ती 17:20; 1 कुरि 13:2मं थान्अ सांची खेऊ छु क कोई ई डुंगर न्अ या खेव्अ, ‘क तु उपड़र समदर म पड़ जा’ अर उंका मन म कस्यान को बी बेम कोन पण बस्वास हेवे क जस्यान वो खियो छ वस्यान ही हे जावलो तो उंक्अ बेई हे जावलो। 24ई बजेसुं म थान्अ बताऊ छु क थें परातना म ज्योबी मांग्अला, बस्वास करो वो थान्अ मलग्यो, जद्‍या थें ज्योबी मांग्अला वो थान्अ मल जावलो। 25#मत्ती 6:14,15अर जद्‍या थें परातना करो तो पेली वान्अ माफ करद्‍यो ज्यो थांको बरो कर्या छ तो सरग मं बेठ्‍यो थांको परमेसर थांका पापा न्अ माफ कर देलो। 26पण थें माफ कोन कर्या तो थांको परमेसर बाप ज्यो सरग म बेठ्‍यो छ थांका पाप माफ कोन करअलो।”#11:26 कोई पराणी यूनानी पोथ्या म या आयत कोन्अ।

ईसु का अधिकारा क उपरअ सुवाल

(मत्ती 21:23–27; लूका 20:1–8)

27फेर वे पाछा यरूसलेम आग्या। ईसु जद्‍या मन्दर म फरर्यो छो तो परमुख याजक, मूसा का निमा न्अ सखाबाळा अर बड़ा-बुढ़ा यहूदी नेता उकन्अ आया। 28अर खिया, “तु या कामा न्अ कांई अधिकार सुं करअ छ? वान्अ करबा को अधिकार तन्अ कुण दियो छो?” 29ईसु वान्अ खियो, “म थान्अ एक सुवाल बुजु छु, अर ज्यो मन्अ जुवाब देद्‍यो तो म थान्अ बता द्‍युलो क म यो काम कस्या अधिकार सुं करू छु। 30ज्यो बतिस्मो यूहन्‍ना देव्अ छो, वो अधिकार उन्अ परमेसर सुं मलयो छो या मनखा सुं? मन्अ जुवाब द्‍यो!” 31जद्‍या वे आमा-सामा बतळाबा लागग्या क, “अर ज्यो आपा या खेवां छा क, ‘यो उन्अ परमेसर सुं मलयो छो, तो यो खेवलो, फेर थें उंको बस्वास क्युं कोन करो?’ 32अर आपा या खेव्अ छा, ‘वो मनखा सुं मल्यो छो,’ तो लोगबाग आपण्अ उपरअ रोष करअला।” वे वा मनखा सुं ड़रप छा क्युं क सबळा मनख या मान्अ छा क यूहन्‍ना सांच्याई एक परमेसर की ओड़ी सुं बोलबाळो छ। 33ई बजेसुं वे ईसु न्अ जुवाब दिया, “मे कोन जाणा।” या बात सुणर ईसु वान खियो, “तो फेर म बी थांन्अ कोन बताऊ क म यो काम कस्या अधिकार सुं करू छु।”

Currently Selected:

मरकुस 11: डि एच डि

Highlight

Copy