लूका 6:27-49

औ सुणबाळाओ! मं थान्अ खेऊ छु खुदका बेरया सुं बी परेम करो। अर ज्यो थासुं बराई करअ छ वाकी लार बी भलाई करो। वान्अ बी आसीर्वाद द्‍यो ज्यो थान्अ सराप देव्अ छ। वाक्अ बेई बी परातना करो ज्यो थांकी लार चोखो बुवार कोन करअ। अर ज्यो कोई थांका गाल प लप्पड़ देव्अ तो दूसरो गाल बी उंक्अ आग्अ करद्‍यो। अर ज्यो कोई थांको कोट ले ले तो उन्अ कुड़तो बी ले ल्याबा द्‍यो। ज्योबी थासुं मांग्अ, उन्अ द्‍यो अर ज्यो कोई थांको कोई-कांई मेल ले तो उन्अ पाछो मत मांगो। थे खुद बेई जस्यो बुवार दूसरा सुं छाव्अ छ थान्अ वस्योई बुवार दूसरा की लार करणी चायजे। अर ज्यो थे बस वान्अई परेम करअ छ ज्यो थासुं परेम करअ छ तो इम्अ थांकी कांई बढ़ाई छ? क्युं क खुदसुं परेम करबाळा सुं तो पापी बी परेम करअ छ। अर ज्यो थे बस वाकोई भलो करो ज्यो थांको भलो करअ छ तो इम्अ थांकी कांई बढ़ाई छ? अस्यान तो पापी बी करअ छ। अर ज्यो थे खाली बान्अ ई उदार देव्अ छो ज्यांसुं थान्अ पाछा मलबा की आस छ, तो इम्अ थांकी कांई बढ़ाई छ? अस्यान तो पापी बी पाप्या न्अ देव्अ छ क उन्अ उंकी पूरी रकम पाछी मल जावे। पण थे खुदका बेरया सुं बी परेम करो, वाकी लार भलाई करो। कांई बी पाछो मलबा की आस छोड़र उदार द्‍यो। अस्यान थांको फळ महान होवलो अर थे परम परमेसर की ओलाद बण जावला। क्युं क परमेसर ज्यो धन्यवाद कोन करअ वाप्अ अर बरा मनखा को बी भलो करअ छ। जस्यान थांको परम-पिता दीयालु छ वस्यान ई थे बी दीयालु बणो। “कोई न्अ बी दोषी मत खेवो तो थान्अ बी दोषी कोन खियो जावलो। कोई की काट मत करो तो थांकी बी काट कोन करी जाव्अली। छमा करो तो थान्अ बी छमा मल्अली। दूसरा न्अ द्‍यो तो थान्अ बी दियो जावलो। दबा-दबार, हला-हलार झळकतो थारी झोळी म पाछो घाल दियो जावलो, क्युं क जी नपाणा सुं थे नापो छो उसुं'ई थान्अ बी दियो जावलो।” ईसु वान्अ एक कस्सो खियो, “कोई आन्धो दूसरा आन्धा न्अ गेल्‍लो बता सक्अ छ कांई? वे दोनी उण्डा खाढ़ा म जार कोन पड़ेला कांई? कोई बी चेलो गरूजी सुं बढ़ो कोन्अ हो सक्अ, पण जद्‍या कोई मनख पूरो ज्ञ्यान लेले तो वो खुदका गरूजी जस्यान को बण जाव छ। जद्‍या थान्अ खुदकी आंख का लखड़ा कोई तोल कोन्अ। तो थे खुदका भाई की आंख का तुण्कल्या न्अ क्युं देखो छो? तो तु खुदका भाई न्अ कस्यान खे सक्अ छ क भाया ल्या थारी आंख को तुण्कल्यो म नखाळ द्‍यु। जद्‍या तु खुदकी आंख का लखड़ा न्अ ई कोन्अ देख सक्अ! अरअ दोगला, पेली खुदकी आंख का लखड़ा न्अ नखाळ जद्‍या थन्अ थारा भाई की आंख को तुण्कल्यो बारे नखाळबा बेई नीका दिख्अलो।” कोई बी अस्यो चोखो रुखड़ो कोन्अ जीक्अ बरा फळ आव्अ छ। अर न्अ ई कोई अस्यो बरो रुखड़ो जीक्अ चोखो फळ आव्अ छ। सबळा रूंखड़ा खुदका फळा सुंई पेचाण मं आव्अ छ। लोग कांटाळा झाड़ा सुं अंजीर कोन तोड़्अ। अर न्अ झड़बेरी सुं लोग अंगूर तोड़्अ छ। एक चोखो मनख उंका मन मं ज्यो भलाई को खजानो छ उम्अ सुं चोकी बाता पैदा करअ छ। अर एक बरो मनख ज्यो उंका मन म बराया छ वासूंई बराई पैदा करअ छ। क्युं क एक मनख मुण्ढा सुं वोई बोल्अ छ ज्यो उंका हीया मंसुं उफणर बाण्अ आव्अ छ। थे मन्अ परबु-परबु क्युं खेवो छो? पण मं ज्यो खेऊ छु उंप्अ कोन चालो। हरेक ज्यो म्हारअ कन्अ आव्अ छ म्हारी बाता अर उपदेस सुण्अ छ अर वस्यान को बुवार करअ छ अर उंकी न्याई चाल्अ छ, वो कस्यान को होव्अ छ, मं थान्अ बताऊलो। वो उं मनख की न्याई को छ ज्यो मकान बणार्यो छ वो उण्डो खोदर भाटा प निम भर्यो। फेर जद्‍या बाढ़ आई तो नन्दी को पाणी उं मकान सुं टकरायो पण वो उन्अ हला बी कोन सक्यो, क्युं क वो घणु चोखो बणेड़ो छो। पण ज्यो म्हारा परबचन सुण्अ छ अर वस्यान कोन चाल्अ, वो उं मनख की न्याई छ ज्यो बना निम भरयाई जमी प मकान बणायो छ। नन्दी को पाणी उसुं टकरायो अर वो मकान ढ़सग्यो अर एकधम बरयाबर हेग्यो।