यूहन्‍ना 18

ईसु न्अ पकड़बो

(मत्ती 26:47–56; मरकुस 14:43–50; लूका 22:47–53)

1ये बाता खिया पाछ्अ ईसु बीका चेला की लार किद्रिन नाळा न्अ पार करर एक बाग मं चलग्यो।

2अर बीन्अ धोखा सुं पकड़ाबाळो यहूदो बी बी ठार जाण्अ छो। क्युं क ईसु खुदका चेला की लार बी बड़्अ जाव्अ छो। 3फेर यहूदो रोमी सपायां की टोळी न्अ अर परमुख याजक अर फरीस्या की ओड़ी सुं खन्दायेड़ा मन्दर का रुखाळा की लार पलिता, लालटेण अर हथियार लेर उण्डअ आग्यो।

4फेर ईसु ज्यो बीक्अ माळ्अ आबाळी सबळी बाता न्अ जाण्अ छो आग्अ आर बान्अ खियो, “थे कुण न्अ हेररया छो?”

5वे बीसुं बोल्या, “ईसु नासरी न्अ।”

तो ईसु बोल्यो, “वो मं ई छु।”

बीन्अ धोखा सुं पकड़ाबाळो यहूदो बी वांकी लार उण्डअ उबो छो। 6ईसु क अस्यान खेताई क, “वो मं ई छु” वे चमकर जमी माळ्अ पड़गा।

7फेर ईसु बान्अ दुबारा पुछ्‍यो क, “थे कुण न्अ हेररया छो।”

वे बोल्या, “ईसु नासरी न्अ।”

8ईसु बोल्यो, “म थान्अ खियो तो छु, क वो मं ई छु। ज्यो थे मन्अ हेररया छो तो यान्अ जाबाद्‍यो।” 9यो ई बजेसुं होयो क बीको यो बचन पूरो हो जाव्अ क, “ज्यांन्अ तु मन्अ दियो छ बाम्अ सुं म एक न्अ बी कोन्अ गुमायो।”

10समौन पतरस कन्अ तलवार छी, वो तलवार बार महायाजक का दास को जीवणो कान काट नाख्यो। बी दास को नांऊ मलखुस छो।

11 # मत्ती 26:39; मर 14:36; लूक 22:42 फेर ईसु पतरस न्अ खियो, “तलवार न्अ पाछी मेल द। म्हारो बाप ज्यो दुखा को कटोरो मन्अ दियो छ म बीन्अ कोन्अ पीऊ कांई?”

हन्‍ना क साम्अ ईसु की पेसी

12फेर रोमी सपाई, सुबेदार अर यहूद्‍या का मन्दर का रुखाळा ईसु न्अ पकड़ लिया। 13अर वे बीन्अ हन्‍ना कन्अ लेगा, क्युं क वो बी बरस का महायाजक काइफा को सुसरो छो। 14#यूहन्‍ना 11:49,50यो बोई काइफा छो ज्यो यहूदी नेता न्अ या सलाह दियो छो क, “आपणा सबळा मनखा की बेई एक मनख को मरबो चोखो छ।”

पतरस को ईसु बेई नटबो

(मत्ती 26:69,70; मरकुस 14:66–68; लूका 22:55–57)

15समौन पतरस अर एक ओर चेलो ईसु क पाछ्अ होग्या। यो दूसरो चेलो महायाजक की जाणपेछाण हाळो छो, जिसुं वो ईसु की लार महायाजक का आंगणा ताणी चलग्यो। 16पण पतरस बाण्णा मं ई उबो रियो। फेर वो दूसरो चेलो ज्यो महायाजक की जाणपेछाण हाळो छो, वो पाछो आर पेरादारणी न्अ खेर पतरस न्अ मायन्अ लेगो। 17बा पेरादारणी पतरस न्अ बोली, “मन्अ तो तु बी ईसु को चेलो लाग्अ छ। या सांची छ कांई?”

वो खियो, “नही, म कोन्अ।”

18ये स्याळा का दन छा, जिसुं दास अर रुखाळा आग बाळर तपर्या छा अर पतरस बी बाकी लार तपर्यो छो।

ईसु सुं सुवाल-जुवाब

(मत्ती 26:59–66; मरकुस 14:55–64; लूका 22:66–71)

19फेर महायाजक ईसु सुं बीका चेला अर बीकी सक्षा का बारा मं पूछ्‍यो।

20ईसु बीन्अ बोल्यो, “म सबळा सुं चोड़्अ-धाड़्अ बतळायो छो। म मन्दर अर परातना करबा की ठार मं जण्ढ्अ सबळा मलर भेळा होव्अ छ, सक्षा दियो छु। अर छान्असीक कांई बी कोन्अ खियो। 21फेर तु म्हारसुं क्युं पूछ्अ छ? म्हारी सुणबाळा सुं पूंछ क म बान्अ कांई खियो छु। वे जाण्अ छ क म कांई खियो छु।”

22जद वो या खियो तो बड्अ उबा पेरादारा मं सुं एक ईसु क्अ लप्पड़ देर खियो, “तु महायाजक न्अ अस्यान कस्यान जुवाब देर्यो छ!”

23ईसु बीन्अ बोल्यो, “ज्यो म बरो खेर्यो छु तो साबित कर बता क उम्अ बरो कांई छो, पण ज्यो ठीक खेर्यो छु तो म्हारअ क्युं देव्अ छ?”

24फेर हन्‍ना बीन्अ बन्धेड़ो ई काइफा महायाजक कन्अ खन्दा दियो।

पतरस को ईसु बेई दुबारा नटबो

(मत्ती 26:71–75; मरकुस 14:69–72; लूका 22:58–62)

25पतरस उण्डअई ऊबो होर तपर्यो छो। तो वे बीसुं बोल्या, “तु बी तो बीका चेला मं सुं एक छ?”

पण पतरस या खेर नटग्यो क, “नही, म कोन्अ।”

26महायाजक को एक दास ज्योबी मनख को सगो छो जिको कान पतरस काट नाख्यो छो बोल्यो, “कांई म तन्अ बीकी लार बाग कोन्अ देख्यो छो?”

27पतरस फेर एकबार बोल्यो, “नही, म कोन्अ।” अर उंई बगत मुर्गो बोलगो।

ईसु न्अ पिलातुस क साम्अ ल्याबो

(मत्ती 27:1,2,11–14; मरकुस 15:1–5; लूका 23:1–5)

28फेर वे सुवारे की बगत ईसु न्अ काइफा कन्अ सुं रोमी गढ़ मं लेगा। पण वे फसह को भोज खाबा सुं अपवितर होबा का ड़र सुं गढ़ मं कोन्अ गिया। 29फेर पिलातुस बा कन्अ बारे आर खियो, “थे ई मनख माळ्अ कांई बात को दोष लगारया छो?”

30वे बीन्अ बोल्या, “यो अपराधी कोन्अ होतो तो म्हे ईन्अ थारअ कन्अ कोन्अ ल्याता।”

31पिलातुस बान्अ बोल्यो, “थे ईन्अ अण्डअ सुं लेजार थांकी बेवस्था की जस्यान ईको न्याऊ करो।”

यहूदी बीन्अ बोल्या, “म्हान्अ कोई न्अ ज्यान सुं मारबा की आज्ञा कोन्अ।” 32#यूहन्‍ना 3:14; 12:32यो ई बजेसुं होयो क ईसु को वो बचन पूरो हो जाव्अ ज्यो वो बीका मरबा क ताणी खियो छो, क बीको मरबो कस्यान होव्अलो।

33फेर पिलातुस गढ़ क मायन्अ गियो अर ईसु न्अ बलार पूछ्‍यो, “तु यहूद्‍या को राजो छ कांई?”

34ईसु बोल्यो, “तु म्हारा बारा मं जाणबो छाव्अ छ या फेर ओर का खेबासुं यो सुवाल बुज्यो छ?”

35पिलातुस बोल्यो, “कांई म यहूदी छु? थाराई लोग अर प्रधान याजक थन्अ म्हारा हाथ मं सुंप्या छ। तु कांई कर्यो छ?”

36ईसु बोल्यो, “म्हारो राज ई संसार को कोन्अ। म्हारो राज ई संसार को होतो तो मन्अ मानबाळा मन्अ यहूद्‍या का हाथा सुं बचाबा बेई लड़ता। पण हकीकत मं म्हारो राज अण्डअ को कोन्अ।”

37ई बजेसुं पिलातुस बीसुं पूछ्‍यो, “फेर कांई तु को राजो छ?”

ईसु बोल्यो, “तु खेर्यो छ क म राजो छु। ई काम क ताणी ई म ई संसार मं आर जनम लियो छु, क सांच का बारा मं बोलु। ज्यो सांच की ओड़ी को छ वो म्हारी सुण्अ छ।”

38पिलातुस बोल्यो, “सांच कांई छ?”

(मत्ती 27:15–31; मरकुस 15:6–20; लूका 23:13–25)

फेर पिलातुस बारे आर यहूदी लोगबागा सुं बोल्यो, “मन्अ बीक्अ माळ्अ दोष लगाबा की कोई बजे कोन्अ मली। 39पण थांको रुवाज छ क फसह का तुंवार माळ्अ एक मनख न्अ छोड़ द्‍यु। तो कांई थे चावो छो क म यहूद्‍या का राजा न्अ छोड़ द्‍यु?” 40वे बळार बीन्अ जुवाब दिया, “बीन्अ मत छोड़! पण म्हाक्अ ताणी बरअब्बा न्अ छोड़दे।” अर बरअब्बो एक डाकु छो।

Currently Selected:

यूहन्‍ना 18: डि एच डि

Highlight

Copy