थरपेड़ा का काम 17

थिस्सलुनीके नगर मं पौलुस अर सिलास

1फेर अम्फिपुलिस अर अपुल्‍लोनिया नगरा मं होता होया वे थिस्सलुनीके आपुच्या। उण्डअ यहूदया को एक परातना करबा को घर छो। 2खुदकी आदत की जस्यान पौलुस बासुं मलबा गियो अर तीन आरामहाळा दन बाकी लेरअ बचना सुं वाद-विवाद करतो रियो। 3अर सास्तरा मंसुं बान्अ समझार या सिद्ध करतो रियो क मसी न्अ दुख झेलणो जरूरी छो अर फेर बीन्अ मरया मंसुं जीवतो होबो जरूरी छो। वो खेतो, “जी ईसु को म थांक्अ गाब्अ परचार करू छु, बोई छूटवाड़ो देबाळो राजो छ।” 4बाम्अ सुं एकात मनख बस्वास कर्या अर पौलुस अर सिलास की लारा जा मल्या। अस्यान'ई परमेसर सुं डरपबाळा अणगणती का यूनानी मनख अर जानी-मानी बेरबान्या बी करी।

5पण यहूदी बळ्या मरता एकात बजार का बदमासा न्अ भेळा कर्या अर एक टोळी बणार नगर मं दंगा करवा दिया। अर कस्यान बी पौलुस अर सिलास न्अ जळा क साम्अ ल्याबा बेई यासोन का घर मं हमलो कर दिया। 6पण वे बान्अ कोन्अ पाया तो वे यासोन न्अ अर दूसरा बस्वास्या न्अ नगर का अधिकारी क साम्अ घिसताई लियाया। वे बळाया, “ये मनख ज्यो सबळी धरती प उथल-पुथल मचा मेल्या छ अब अण्डअ बी आग्या। 7अर यासोन बान्अ खुदका घर मं रखाण मेल्यो छो। अर ये सबळा रोम का राजा कैसर की हुकम न्अ कोन्अ मान्अ अर खेव छ एक राजो ओर छ जिको नांऊ ईसु छ।” 8जद्‍या जळा अर नगर का अधिकारी या सुण्या तो वे हाका-हूक करबा लागग्या। 9जद्‍या अधिकारी, यासोन अर दूसरा बस्वासी मनखा न्अ जमानत का पिसा लेर छोड़ दिया।

पौलुस अर सिलास बिरीया नगर मं

10फेर पौलुस अर सिलास न्अ बस्वासी भाई रयातु रयात'ई बिरीया खन्दा दिया। उण्डअ पूंचर वे यहूदी परातना करबा का घर मं गिया। 11ये मनख थिस्सलुनीके का मनखा सुं सावटा चोखा छा। ये मनख पूरो मन लगार बचन न्अ सुणता अर रोजिना सास्तरा न्अ पढ़ता अर या जांच करता क पौलुस ज्यो बाता बतायो छ वे सांची छ। 12जिसुं घणा मनख बस्वास कर्या अर बाम्अ घणा यूनानी मोट्‍यार अर चोखी बोलती लुगाया छी। 13अर जद्‍या थिस्सलुनीके का यहूदी मनखा न्अ यो तोल पड़यो क पौलुस बिरीया मं बी परमेसर का बचन को परचार करर्यो छ तो वे उण्डअ बी आपुच्या। अर उण्डअ बी जळा न्अ भड़काबो अर दंगा कराबो सरू कर दिया। 14जिसुं बस्वासी भाई पौलुस न्अ जाबा बेई झटदाणी सागर की तीर प खन्दा दिया। पण सिलास अर तीमुथियुस बिरीया मं ई रुकग्या। 15पौलुस की लार हाळा बीन्अ एथेंस नगर ताणी पुंचाया अर बीको यो संदेसो लेर पाछा आया क बेगासाक सिलास अर तीमुथियुस म्हारअ कन्अ आजाव्अ।

पौलुस एथेंस मं

16जद्‍या पौलुस एथेंस मं तीमुथियुस अर सिलास की बाठनाळर्यो छो। तोबी नगर न्अ मूरत्या सुं भर्यो देखर मन ई मन मं कळसर्यो छो। 17जिसुं वो रोजीना यहूदी परातना करबा का घर मं यहूदी अर गेर यहूदी भगता सुं सुवाल-जुवाब करतो रेव्अ छो। उण्डअ चोक मं ज्यो कोई बी होतो वो बीसुं बी रोजीना सुवाल-जुवाब करतो। 18ऐकात इपीकुरी अर स्तोइकी ज्ञानी मनख बी बीसुं सुवाल-जुवाब करबा लागग्या। बाम्अ सुं एकात उंकी हांसी कर खिया, “यो मुरख कांई खेबो छाव छ?”

दूसरा खिया, “यो तो कोई पराया देवता को परचार करर्यो छ।” वे अस्यान जिसुं खेव छा क्युं क वो ईसु का बारा मं उपदेस देव्अ छो अर बीका फेरू जीवतो हेबा को परचार करअ छो। 19वे बीन्अ अरियुपगुस#17:19 अरियुपगुस एथेंस का ज्ञानी मनखा की एक टोळी। ये न्याऊ करबाळा अधिकारयां की जस्यानका होव छा। की सभा मं लेग्या अर बुज्या, “बा नुई सक्ष्या कांई छ? जिन्अ तु लोगा क साम्अ बतार्यो छ। 20तु ज्यो नुई बाता म्हाका कान मं पटकर्यो छ, बाको मतबल कांई छ?” 21एथेंस का रेबाळा सबळा मनख अर परदेसी नुई बाता सुणबा मं अर बतळाबा मं सबळो टेम लगाव छा।

22जद्‍या पौलुस अरियुपगुस क साम्अ उबो होर खियो, “ह एथेंस का मनखवो! म देखर्यो छु क थें सब तरा सुं धारमी छो।” 23ज्दया म घूमता-फरता थांकी पूजबा की चीजान्अ देखर्यो छो जद्‍या मन्अ एक अस्यान की वेदी बी मली जिप्अ मण्ढर्यो छो, अण्जाण परमेसर बेई तो थें बना जाण्याई जिकी परातना करो छो, म थान्अ बी कोई बचन सुणाऊ छु। 24#थरपेड़ा 7:48“वो परमेसर, ज्यो ई संसार न्अ अर ज्योबी इम्अ छ बीन्अ बणायो छ बोई सरग अर धरती को परबु छ। वो हाथा सुं बणाया मन्दरा मं कोन्अ रेवे।” 25बीन्अ कोई चीज की कमी कोन्अ क मनखा का हाथा सुं उंकी सेवा होव्अ। बोई सबळा न्अ जन्दगी, सांसा अर सब कुछ देव्अ छ। 26एक'ई मनख सुं वो धरती का सबळा मनखा न्अ बणायो क वे सबळी धरती मं बस जाव्अ अर बोई मनखा को टेम अर बी ठार की मेर बान्ध दियो। 27उंकी मरजी या छी क लोग परमेसर न्अ हेरअ। ह सक्अ छ वे बीन्अ टटोळर पाले। फेरबी वो आपा मं कोई सुं आंतरअ कोन्अ। 28क्युं क कोई खेव्अ छ, “बीम्अ आपा जीवता रेंवा छा बीम्अ'ई चाला-फरा छा अर बण्या रेंवा छा।” अस्यान'ई थांका एकात कवी बी खिया छ, “क्युं क आपा बीकाई बाळक छा।”

29“क्युं क आपा परमेसर का बाळक छा जिसुं आपान्अ कद्‍या बी कोन्अ बच्यारणी चायजे क वो सोना, चांदी या कारीगर क हाथा भाटा की बणाई कोई मूरती जस्यान को छ। 30परमेसर बी बगत का सबळा मनखा को लेखो कोन्अ लियो ज्यो बीन्अ कोन्अ जाण्अ छा अर अब सब ठार का मनखा न्अ वो पापा सुं मन फराबा की आज्ञा देर्यो छ। 31वो एक दन धाम मेल्यो छ जद्‍या वो खुदका थरपेड़ा एक मनख#17:31 थरपेड़ा एक मनख ईसु की लेरअ जगत का सबळा मनखा को न्याई सुं न्याऊ करअ लो। जिन्अ परमेसर मरेड़ा मंसुं जीवतो करर हरेक न्अ ई बात को परमाण दियो छ।”

32जद्‍या वे मरया मंसुं जीवतो होबा की बात सुण्या तो बा मनखा मंसुं एकात उंकी हांसी करबा लागग्या अर एकात खिया, “ईका बारा मं मे फेर सुणबो छावा छा।” 33जद्‍या पौलुस उण्डअ सुं चलग्यो 34एकात बस्वास कर्या अर उंकी लेरअ होग्या। ज्यांम्अ अरियुपगुस सभा का सदस्य दियुनुसियुस नांऊ को एक मनख अर दमरिस नांऊ की एक बेरबानी छी अर उंकी लेरअ ओर मनख बी छा।

Currently Selected:

थरपेड़ा का काम 17: डि एच डि

Highlight

Copy