Ruka 19

Kmpriyux ka Sakay

1Mremux Yerixo ka Yesu ma moda alang hiya ciida. 2Niqan 1 seediq Sakay kesun ka ngayan na. Heya we pusu ba maangal pila nqbsuran ma mbleyaq bale. 3Heya we kmkela so mmaanu seediq ka Yesu. Ado hbaro ka seediq ma llebu ka heyi na uri, kiya de ini dehuk qmita ka heya. 4Kiya de mosa tmalang tgberah ka heya ma mkaro qhuni tgdiyuc qqita na Yesu, ado mooda hiya ka Yesu. 5Dehuk hiya ka Yesu de mita baro ma rmengo heya: “Sakay, tgaaguh mtuting! Ali saya we maha ku meniq sapah su.” 6Maanu so kiya de mtgaaguh mtuting ka heya ma tqqaras bale smterung Yesu. 7Mita so nii ka hbaro seediq de smnetur mprengo ka dheya: “Ma mosa mtaqi sapah seediq niqan qnquwan noda ka heya!” 8Mheyu rmengo Bukung ka Sakay: “Bukung, tai, bege mu seediq qrinuc ka dmeka kana dnoi mu. Nasi ku wada kmraki mangal ani ima we prihun mu msn4 da.” 9Rmengo ka Yesu: “Ali saya we nii meyah sapah nii ka huwe pkuudus. Ado lutuc lqlaqi Abraham ka heya uri. 10Seeyah Laqi seediq we meyah migin ma pkuudus seediq ga mgedang.”

Pnungalan Kari 10 Pila King

(Mat 25:14-30)

11Mbahang so kari nii ka hbaro seediq ciida, ado uxe beyo mpdehuk Yerusalem ka Yesu, ye mesa uxe beyo meeyah ptuura ka qnlhangan Utux Baro, kiya ka paangal 1 pnungalan kari ka Yesu. 12Rmengo: “Niqan 1 seediq paru ba ngayan, mmaha alang theya ma maha mangal so tnluungan qbsuran paru knlangan de meeyah dungal. 13Kiya de splawa na ka 10 tnqliyan na ma biqan na pn1 ging ka dheya de rmengo: ‘Betaq ku meyah ciida we osa mbbaruy.’ 14Kiya de seediq ida tnualang hiya we qmnaqah heya ma skgulan daha bukuy na ka snkgulan daha ma mosa rmengo: ‘Mpqbsuran paru menan ka seediq nii we uxe miyan kuxul.’ 15Bobo mnangal tluungan qlhangan paru ka heya de meyah di, kiya de splawa na ka dtnqliyan bniqan na pila ma kkela na wada knhenu ka nangal daha smbbaruy. 16Meyah ka tgplaale na ma rmengo: ‘Tnpusu sapah, wada mrana 10 pila ging ka 1 pila king su.’ 17Rmengo heya ka tnpusu sapah: ‘Malu ba! Malu ba tnqliyan. Ani biciq qpahun we wada su mtduwa stmaan de tduwa su mpdoi paru beyax kglahang 10 alang.’ 18Meyah ka tg2 na ma rmengo: ‘Tnpusu sapah, wada mrana 5 pila ging ka 1 pila ging su.’ 19Rmengo heya ka tnpusu sapah: ‘Isu we tduwa su qmlahang 5 alang.’ 20Kiya de meyah ka 1 dungal ma rmengo: ‘Tnpusu sapah, nii hini ka 1 pila ging su. Lnabu mu galiq ma sneku mu. 21Miicu ku sunan. Ado isu we uka su ba smhmetan: Ngalun su ka uxe su pnosa ma qbrungun su ka uxe su rnehak.’ 22Rmengo heya ka tnpusu sapah: ‘Naqah su tnqliyan nii! Spooda mu quwaq su nanak mege qnnaqah su. Klaun sa ku uka mhmetan ka yaku, ngalun mu ka uxe pnosa ma qbrungun mu ka uxe rnehak. 23So kiya de ma su ini psai skuwan pila ka pila mu ma meyah ku ciida de naka mrana hari ngalun mu ho?’ 24Kiya de rngagan na ka seediq ga mheyu ssiyo: ‘Gleki hiya ka 1 pila ging ma bqani ga dmoi 10 pila ging kiya.’ 25Rngagan ka dheya: ‘Tnpusu sapah, ga dmoi 10 pila ging ka heya da.’ 26Rmengo ka tnpusu sapah: ‘Rngage maku, ga dmoi ka seediq we krnahun mege. Ini doi ka seediq we ani ga na dooyun we krnahun hiya gmeeluk mangal. 27So ka pais mu ini skuxul kenan mmaha ku qbsuran paru dheya we tlusi hini ka dheya ma phuqil berah mu!’”

Tqqaras Mremux Yerusalem ka Yesu

(Mat 21:1-11. Mrk 11:1-11. Yoh 12:12-19)

28Rmnengo so nii ka Yesu de plaale mosa mquri Yerusalem. 29Smdaling Betpage ma Betania deriq Dgiyaq curung ciida, skgulan na ka 2 tnugsaan na ma rngagan na, 30“Osa alang biciq sipo nii ma mremux namu hiya de mpqita namu ga seegul ka wawa dapa roba uxe pnpaan. Lhelah ma adis. 31Nasi smiling ma namu lhlahun ka roba de rengo so nii ka yamu: ‘Ddooyun Bukung.’” 32Kiya de mosa ka snkgulan ma qtaan daha ka ida so rnengo Yesu. 33Lmhelah wawa dapa roba ka dheya ciida we rmengo dheya ka tndapa roba: “Hmuwa, ma namu lhlahun ka roba?” 34Rmengo ka dheya: “Ddooyun Bukung.” 35Desun daha Yesu hiya ka wawa dapa roba ma psaan daha lukus daha nanak ka bukuy na ma spaapa daha hiya ka Yesu. 36Paapa ka Yesu ciida, hbaro seediq we ssapo daha elu ka lukus daha.

37Smdaling Yerusalem dehuk elu Dgiyaq curung ciida, ado qntaan daha ka kana mbeyax qneepah de knhbaro tnugsaan we prading mqaras ma paru ba quwaq tmdahu Utux Baro.

38Rmengo: “Tai, mooda ngayan Bukung meyah ka qbsuran paru we qrasun.

Niqi mtbale ka karac baro.

Ga meniq baro niqan ledax.”

39Duma seediq Parisay ckceka daha hbaro seediq we rmengo Yesu: “Mptgesa, kseengi ka tnugsaan su!” 40Rmengo ka Yesu: “Rngage maku. Nasi mgmelux ini rengo ka quwaq daha de mpdiras ka btunux nii da.”

41Smdaling Yerusalem ka Yesu ma taan na ka alang de lngisan na. 42Rmengo: “Tai su so meniq ali saya we klaun su ka quri msbleyaq su. Kiya de, ga liingun saya ka ooda nii ma uxe taan doriq su. 43Ado mmeyah ka ali, ciida we mpsmalu qbrangan mtqqiri sunan ka pais su ma mptlibu sunan ma speeyah su daha ssiyo kmremux. 44Meeyah pkuuka isu ma lqlaqi su ga truma hiya, ani 1 btunux uxe meeniq bobo 1 btunux hiya, ado ini su klai ka ali qmnlahang sunan.”

Pkbgurah Sapah Thmkuwan

(Mat 21:12-17. Mrk 11:15-19. Yoh 2:13-22)

45Kiya de mremux Sapah Thmkuwan ka Yesu ma pqduriq kana seediq dmpsbaruy hiya, 46rmengo dheya: “Mesa ka ga spatis Patis:

‘Sapah mu we mmaha sapah drunan. Yamu de gisu namu

ngalan rudu mpgeeluk gmeeguy!’”

47Knkingal ali Yesu we meniq Sapah Thmkuwan tmgesa seediq. Migin phqilan heya ka dpusu msapuh, dmptpatis ma prparu mdudul ckceka seediq. 48Kiya de ini daha slai ka kmdaun daha meepah. Ado kana seediq we nii qmlahang ba mbahang heya ka birac daha.

Currently Selected:

Ruka 19: Stgdaya

Highlight

Copy