Smnlean 5
5
Lqlaqi Adam
(1 No 1:1-4)
1Nii we ltlutuc lqlaqi Adam. Smnalu seediq ciida ka Utux Baro we, spntena na so hnyegan na nanak smalu ka seediq. 2Smnalu rseno ma mqedil. Smnalu dheya ciida, sbleqan na ka dheya, seediq kesun na tmngayan.
3Muudus betaq 1'30 knkawas ka Adam de tmlaqi 1 laqi rseno, mntena ba hnyegan na. Kiya de Set kesun na tmngayan. 4Bobo tmnlaqi Set ka Adam de, muudus 8'00 knkawas kndesan na dungal ma dmanga laqi rseno ma mqedil. 5Muudus betaq 9'30 knkawas ka Adam de mhuqil da.
6Muudus betaq 1'05 knkawas ka Set de tmlaqi Enos. 7Bobo tmnlaqi Enos ka Set, muudus 8'07 knkawas dungal ma dmanga laqi rseno ma mqedil. 8Muudus betaq 9'12 knkawas ka Set de mhuqil da.
9Muudus betaq 90 knkawas ka Enos de tmlaqi Qeynan. 10Bobo tmnlaqi Qeynan ka Enos de, muudus 8'15 knkawas dungal ma dmanga laqi rseno ma mqedil. 11Betaq 9'05 knkawas na ka Enos de mhuqil da.
12Muudus betaq 70 knkawas ka Qeynan de tmlaqi Mahalalel. 13Bobo tmnlaqi Mahalalel ka Qeynan de, muudus 8'40 knkawas dungal dmanga laqi rseno ma mqedil. 14Betaq 9'10 knkawas na ka Qeynan de mhuqil da.
15Muudus betaq 65 knkawas ka Mahalalel de tmlaqi Yered. 16Bobo tmnlaqi Yered ka Mahalalel de, muudus 8'30 knkawas dungal ma dmanga laqi rseno ma mqedil. 17Betaq 8'95 knkawas na ka Mahalalel de mhuqil da.
18Muudus betaq 1'62 knkawas ka Yered de tmlaqi Xanok. 19Bobo tmnlaqi Xanok ka Yered de, muudus 8'00 knkawas dungal ma dmanga laqi rseno ma mqedil. 20Betaq 9'62 knkawas na ka Yered de mhuqil da.
21Muudus betaq 65 knkawas na ka Xanok de tmlaqi Metuselax. 22Bobo tmnlaqi Metuselax ka Xanok de, msuupu theyaq mkkesa Utux Baro 3'00 knkawas ma dmanga laqi rseno ma mqedil. 23Betaq 3'65 knkawas na ka Xanok. 24Msuupu theyaq mkkesa Utux Baro ka Xanok de, wada desun Utux Baro ka heya de uka ka heya da.
25Muudus betaq 1'87 knkawas ka Metuselax de tmlaqi Lemek. 26Bobo tmnlaqi Lemek ka Metuselax de, muudus 7'82 knkawas dungal ma dmanga laqi rseno ma mqedil. 27Betaq 9'69 knkawas na ka Metuselax de mhuqil da.
28Muudus betaq 1'82 knkawas ka Lemek de tmlaqi 1 laqi rseno. 29Noax kesun na tmngayan. Rmengo: “Meniq dxeral wada syusan Utux Tmninun we, spooda laqi nii we mpaangal ta smbeyax peeyah qneepah ta ma bnqresan baga ta.” 30Bobo tmnlaqi Noax ka Lemek de, muudus 5'95 knkawas dungal ma dmanga laqi rseno ma mqedil. 31Betaq 7'77 knkawas na ka Lemek de mhuqil da.
32Muudus betaq 5'00 knkawas ka Noax de tmlaqi Sem, Xam ma Yepet.
Currently Selected:
Smnlean 5: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
