Yaɓooda 5
5
Ngaka Adam teen ngaka Noet
1'Nten la i maktub girr ngaka Adam ye: Ndɔt'n Luwah ndah de ye, ɗaa ɓakumta Luwah. 2Ndah kɨdɨngã kɨ kɨdẽ, njang dɔd na ndah tɔd de, ndɔ ndahdt.
3Adam ɗa ɓal ɓukɨɗa kɨdɔmɨta, na ooj ngon kɨdɨngã kɨ ɓakumtan kɨ taan na sen, na ndah tɔa Set. 4Go kooj Set't, Adam ɗa ɓal ɓujijoo, na ooj ngan kɨdɨngã kɨ kɨdẽ. 5Ndɔg'n Adam ndɨn kɨ dɔn dõ tube i ɓal ɓujikɨɗa kɨdɔmɨta, kamla oi.
6Set ɗa ɓal ɓukɨɗa gidaimi, na ooj Enos 7Go kooj Enost Set ɗa ɓal ɓujijoo gidaitanaimɨta, na ooj ngan kɨdɨngã kɨ kɨdẽ. 8Ndɔg'n Set ndɨn kɨ dɔn dõ tube i ɓal ɓujikɨɗa kɨkɨlah gidaijoo, kamla oi.
9Enos ɗa ɓal dɔjikɨɗa, na ooj Kenan. 10Ɓal Enos, go kooj Kenant Enos ɗa ɓal ɓujijoo kɨkɨlah gidaimi, na ooj ngan kɨdɨngã kɨ kɨdẽ. 11Ndɔg'n Enos ndɨn kɨ dɔn dõ tube i ɓal ɓujikɨɗa gidaimi, kamla oi.
12Kena ɗa ɓal dɔtanãimɨta, na ooj Mahalalel. 13Go kooj Mahalalel Kena ɗa ɓal ɓujijoo kɨ dɔsɔɔ, na ooj ngan kɨdɨngã kɨ kɨdẽ. 14Ndɔg'n Kenan ndɨn kɨ dɔn dõ tube i ɓal ɓujikɨɗa kɨkɨlah, kamla oi.
15Mahalalel ɗa ɓal dɔkɨbojidet gidaimi, na ooj Yered. 16Go kooj Yeredt Mahalalel ɗa ɓal ɓujijoo kɨdɔmɨta, na ooj ngan kɨdɨngã kɨ kɨdẽ. 17Ndɔg'n Mahalalel ndɨn kɨ dɔn dõ tube i ɓal ɓujijoo kɨ dɔjikɨɗa gidaimi, kamla oi.
18Yered ɗa ɓal ɓukɨɗa kɨ dɔkɨbojidet gidaijoo, na ooj Henok. 19Go kooj Henokt Yered ɗa ɓal ɓujijoo, na ooj ngan kɨdɨngã kɨ kɨdẽ. 20Ndɔg'n Yered ndɨn kɨ dɔn dõ tube i ɓal ɓujikɨɗa kɨ dɔkɨbojidet gidaijoo, kamla oi.
21Henok ɗa ɓal dɔkɨbojidet gidaimi, na ooj Metusela. 22Go kooj Metuselat, Henok ndulo go ɗob lo Luwah ɓal ɓumɨta, na ooj ngan kɨdɨngã kɨ kɨdẽ. 23Ndɔg'n Henok ndɨn kɨ dɔn dõ tube i ɓal ɓumɨta kɨ dɔkɨbojidet gidaimi. 24Henok ndulo go ɗobg lo Luwah, kamla yimɨr kɨtɔ Luwah una.
25Metusela ɗa ɓal ɓukɨɗa kɨ dɔjijoo gidaitanaimɨta, na ooj Lemek. 26Go kooj Lemekt, Metusela ɗa ɓal ɓutanãimɨta kɨ dɔjijoo gidaijoo, na ooj ngan kɨdɨngã kɨ kɨdẽ. 27Ndɔg'n Metusela ndɨn kɨ dɔn dõ tube i ɓal ɓujikɨɗa kɨ dɔkɨbojidet gidaijikɨɗa, kamla oi.
28Lemek ɗa ɓal ɓukɨɗa kɨ dɔjijoo gidaijoo, na ooj ngon kɨdɨngã, 29ndah tɔa Noe, an: Ngon 'nten a sɔl kamj dɔ kɔrjrɔkɨt, kɨ kɨlaɗag kɨ ton dɔningt kɨ Bɨraɓe ndɔla, ndadɔ jijt. 30Go kooj Noet, Lemek ɗa ɓal ɓumi kɨ dɔjikɨɗa gidaimi, na ooj ngan kɨdɨngã kɨ kɨdẽ. 31Ndɔg'n Lemek ndɨn kɨ dɔn dõ tube i ɓal ɓutanãimɨta kɨ dɔtanãimɨta gidaitanaimɨta, kamla oi.
32Noe ɗa ɓal ɓumi, na ooj Sem kɨ Kam kɨ Japet.
Currently Selected:
Yaɓooda 5: MlL
Highlight
Share
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.