MIPUM SIARHNAK 7
7
Hotute Ai Pehnak
1Moses in Bawipa umhnak ponhlam a sa ben nia ah, Ponhlam le a thilthuamte, puleng le a thilthuamte heh thau pawh ai Bawipa hnenah aphnak bawn i. 2Cia hnuaah Israel miphun songah amahte hin ṭen in hotute, mipum siar ṭuanvo pe mite in, 3Bawipa hnenah aphnak bawn tlang i. Amahte pehnak tu a khuh nai kawlpawlengte paruk le kawlpawcangte lu hlaihnih, hotute pahnih in kawlpawleng pakhat le hotu pakhat in kawlpawcang lu khat ṭen pe i. 4Bawipa in Moses hnenah, 5“Ponhlam ca naperhnak ah he lehsawngte heh sang tu; cen naper a naihnak ṭen bangin Levi mite hnenah pe tu,” tiin ti i. 6Bawipa ai ruaihnak bangin Moses in kawlpawleng le kawlpawcangte heh Levi mite hnenah pe i. 7Kawlpawlengte pahnih le kawlpawcangte lu li heh Gershon hinte hnenah pe ai, 8Kawlpawlengte pali le kawlpawcangte lu riat heh Merari hinte hnenah pe i. Amahte naperhnak hmuahhmuah Aaron ai fapa Ithamar ho in per tlang tuh i. 9Ikhalselai Moses in Kohath hinte hnenah kawlpawleng ituseh, kawlpawcang ituseh pe lo i; zaimantifangin anite tu thilri thianghlim pawl ṭuanvo langtu i ai amahte kodar in a zawngtu tuh i.
10Cen puleng heh thaupawh ai Pathian hnenah aphnak a bawn nia ah hotute in lehsawng pe tlang i. A lehsawngte heh puleng ah a koih tlang fangin, 11Bawipa in Moses hnenah, “Rel tulai, puleng aphnak hrang lehsawng heh ni khat ah hotu pakhat, ni siar in ni hlaihnih song pe tlang tuseh,” tiin ti i.
12-83Ciamanin amahte lehsawng heh a hnia lamai bangin a sangsang in pe tlang i:
Ni khathnak ah Judah hin Amminadab ai fapa Nashon in pe i.
Ni hnihhnak ah Issakhar hin Zuar ai fapa Nathanael in pe i.
Ni thumhnak ah Zebulun hin Helon ai fapa Eliab in pe i.
Ni lihnak ah Reuben hin Shedeur ai fapa Elizur in pe i.
Ni ngahnak ah Simeon hin Zurishaddai ai fapa Shelumiel in pe i.
Ni rukhnak ah Gad hin Deuel ai fapa Eliasaph in pe i.
Ni sarihhnak ah Epharaim hin Ammihud ai fapa Eliashama in pe i.
Ni riathnak ah Manasseh hin Pedahzur ai fapa Gamaliel in pe i.
Ni kuahnak ah Benjamin hin Gideon ai fapa Abidan in pe i.
Ni hrahnak ah Dan hin Ammishaddai ai fapa Ahiezer in pe i.
Ni hlaikhathnak ah Asher hin Okhran ai fapa Pagiel in pe i.
Ni hlaihnihhnak ah Naphtali hin Enan ai fapa Ahira in pe i.
Hemi hotu pakhat ṭen ai pehnak lehsawng tu a bangvek ṭen i: upa ai relcathnak cuai in khai ai cuai khat le ṭikal sawm thum rit ngun hleng pakhat, ṭikal sawmsarih rit ngun maihum pakhat, a pahnih in rong hibawlhnak hrang a kulhnak siti roihhnak sangvut a dim veve; cen ṭikal pahra rit ai rimhmui a dim ai dahhnak sui pakan pakhat, maitai hibawlhnak hrang kawlpawcang niu lu khat, tuucang lu khat le kum khat khim tuucang niu lu khat, sualhlat hibawlhnak hrang me lu khat, rualrem hibawlhnak hrang kawlpawcangte lu hnih, tuucang niute lu nga, mecangte lu nga, le kum khat khim tuucangte lu nga ṭen pe tlang i.
84-88Hotu hlaihnih in puleng aphnak hrang lehsawng pehnak a veksen tu a hnia lamai bangin i:
Ngun hlengte hlaihnih le ngun maihumte hlaihnih, a veksen in cuai kul hluanli rit i.
Sui pakante hlaihnih i ai cuai khat le ṭikal kul rit i; amahte veksen in rimhmui in dim sio i.
Maitai hibawlhnak hrang kawlpawcangte lu hlaihnih, tuucangte lu hlaihnih, kum khat khim tuucang niute lu hlaihnih le ciami thawn pe tlang tuhhnak rong hibawlhnak.
Sualhlat hibawlhnak hrang mete lu hlaihnih.
Remhnak hibawlhnak hrang kawlpawcangte lu kul hluanli, tuucangte lu sawmruk, mete lu sawmruk le kum khat khim tuucang niute lu sawmruk i.
89Moses tu Bawipa thawn pon dun tuhin ponhlam song a lut cang fangin Thutiam Kuang vumai ummi Cherubimte#7:89 Cherubimtetihnak tu ko nai ramsa zuk, Thutiam Kuang vumai dahhnak i ai Pathian songlawihnak larruaihnak i, tiin sang i. pahnih karlak in Bawipa ai aw za de i.
Currently Selected:
MIPUM SIARHNAK 7: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
