MIPUM SIARHNAK 6
6
Nazir Mite Ca Dan
1 Bawipa in Moses hnenah, 2“a hnia lamai dante tu Israel mite caah pe i. Pasal ituseh, nupang ituseh, a tumce pumpe dun in Nazir cang tuhin thukhamhnak bawn ai Bawipa hnenah pe dun in a tumce in a um songah, 3cabitti le zu dai maseh. Cabit thai ai bawnhnak cabitti ituseh, cabit zu ituseh, zaikhai ding maseh; cabit thai khiah a hing in ituseh, a ro inkhai ituseh, ai tuh lo i.#Luk 1:15 4Nazir a cang song hmuahhmuah ah cabit kung ai ngahhnak hmuahhmuah, a mu le a thai le a pil tianin ai maseh.
5Nazir thukhamhnak hniaah a um song hmuahhmuah a sam met tuh lo ai a hmurhmul ituseh, a khahmul ituseh, met maseh. Bawipa hnenah a pumpe thukhamhnak in a awk song hmuahhmuah a sam le a khahmul zuah tuseh. 6Mithi luang hiangah feh maseh. 7A nu a pa, a u a nau luang ita inkhai a nong ah um maseh. Mithi luang hiangah feh in ningdulkul cang maseh. Bawipa hnenai a pumpe hnikhnaihhnak tu a sam le a khahmul i. 8Nazir a cang song hmuahhmuah Bawipa hnenah cianghlim i.
9Mi pakhat mangrinlo in Nazir hiang ah thi manin Nazir ai a sam ningrimtiar lekhaw ni sarih song a iang hnuaah a sam le a khahmul met tuseh; ciatihin a ningrimhnak in cianghlim leh tuh i. 10Ni riat nia ah khurote pahnih, ihlahle lailengte pahnih, suangbawi hnenah Bawipa umhnak Ponhlam dawngkham ah koih tuseh. 11Suangbawi in khuro pakhat sualhlat hibawlhnak sel tu selai a khatta heh maitai hibawlhnak sel tuseh. Ciatihin mithi luang a dai ngah pang man ai a sualhlathnak heh suangbawi in bawn tuseh. Cia nia ah a lu heh cianghlimruai leh tuhai, 12Nazir cang leh tuhin a pumpui heh Bawipa hnenah pe leh tuseh. A cianghlimruaihnak a sam heh ningrimtiar manin cia hlanai a can hmuahhmuah khiah a lovang cang sio i. Cen kuan leh hibawlhnak ah kum khat khim tuucang niu pakhat koih tuseh.
13Nazir cang tuhai thutiamhnak can a bo fangin a hnia lamai hibawlhnak bawn tuseh. Ponhlam dawngkham ah feh tu selai, #Nal 21:23-24 14a hnahpha sumhnamte pathum Bawipa hnenah pe tuseh: maitai hibawlhnak hrang kum khat khim tuucang niu lu khat, sualhlat hibawlhnak hrang kum khat khim tuula lu khat le rualrem hibawlhnak hrang tuucang lu khat sel tuseh. 15Ciahlaiah col tello sang bawm khat; olive siti roih ai bawnhnak sang sah pawl, a paniu ai olive siti mathnak sangte le a kulhnak rong hibawlhnak le dinti hibawlhnakte sel tuseh.
16Ciamite suangbawi in Bawipa hnenah koih tuhai sualhlat hibawlhnak le maitai hibawlhnakte sel tuseh. 17Bawipa hnenah rualrem hibawlhnak hrang tuucang lu khat le sang bawm khat khai sel tuhai rong hibawlhnak le dinti hibawlhnak khai sel tuseh. 18Nazir in ponhlam dawngkham ah a sam met tu selai rualrem hibawlhnak tai hmunah a sam heh tih tuseh.
19Cen suangbawi in a suanghnak tuucang ai sadar lang tu selai col tello sang sah pawl le bawm songai sang paniu pawl thawn Nazir kut songah dah tuseh. 20Cia hnuaah suangbawi in Bawipa hnenah sel tuseh; he pehnakte tu suangbawi ca lehsawng cianghlim i ai, tuucang ai kawng le a so thawn suangbawi covo tuh hrimhrim i. Cia hnuaah Nazir khiah cabitti ding thil tuh i.
21A vumai dante tu Nazir mite ca i; ikhalselai Nazir pakhatkhat in a kulhnak tahin tamsawn pe tuhin thukham lekhaw a thukhamhnak bangin hlun tu fekfek seh.
Suangbawi Hmuifuhnak
22 Bawipa in Moses hnenah thupe ai, 23“Aaron le a fapate in Israel mite hmuifu a pe fangin a hnia lamai bangin:
24‘Bawipa in hmuifu ning pe in ning kilkhawl tu hram seh.
25 Bawipa tu ning vumah ninghiohnak le ngaihharhnak nai tu hram seh.
26 Bawipa in mithmai pha ning pe in daphnak ning pe tuseh,’ ti tuh i si.
27 Bawipa hnenah Israel mite ca saw ning ngen fangin he hmuifu pehnak heh hmang le i sikhaw Bawipa in hmuifu pe tuh i,” tiin ti i.
Currently Selected:
MIPUM SIARHNAK 6: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.
