Juwawu 17

Yesu ohalobelela anamamuharaye

1Yesu agamanle wonga mazu matene anne, ohoing'anaga zulu, liye roma lobela eraga: <<Babani, tempuwa ihifiya. Aoniheni atu undimuwa waga ira miyo Mwaninyu diwande aoniha atu undimuwa wenyu. 2Tchoira nyo muhudivaha utongi zela atu atene a mwilamboni ira daavahe ingumi yohomala atu atene anne mudivahedile nyo. 3Eto ingumi yohomala tchi ila: atu kauiziweni nyo Mulugu mmohive wa ibaribari eto kadiiziwe miyo Yesu Kiristu mudirumile nyo. 4Miyo dihimala aoniha atu a mwilamboni ya vati undimuwa wenyu, muwari mokwakwaneliheda mabasa matene mudivahedile nyo ira dilabe. 5Peno va Babani, nnouvepani ira mudivahe undimuwa vamentoni venyu nnga undimuwa danna miyo dagali vamohi na nyo, ilambo ya vati yahanakalewo.

6<<Miyo dihimala aoniha nzina nenyu#17:6 dihimala aoniha nzina nenyu: Kahi ira Yesu ahanaze aJudewu tchaiziwile ira Mulugu ukalawo owu aliwa tchaiziwile nzina na Mulugu. Yesu va unawonga ira uwanda aoniha makalelo a Mulugu na kopolo da Mulugu muwari mwa jowonga jaye na joira jaye. Tchoira jotikiniha jerile liye, Yesu kairana na nzina naye, airana na nzina na Mulugu na kopolo daye. Ahanarome laba mabasaye, liye arometcha lobela. Ahanadjihe anamwindji, liye aromile wonga na Babaye Mulugu. Ahananvenyihe Lazaro mokwani, liye ohoroma wonga na Babaye Mulugu. Muwari mwa jatene ejo, Yesu ohaoniha atu ibaribari zela Mulugu. Nione Juwawu 17:26. atu atene kakumile mwilamboni anno mudivahile nyo. Aliwa karomile kala enyu. Nomala nyo divaheda miyo. Eto peno aliwa kohokoya mazwinyu. 7-8Mazu matene mudivahedile nyo, dihimala awandela. Aliwa kohomala watchela. Muwari mowatchela mazwinyu, peno aliwa kohokana ibaribari ira jatene jidivahile nyo na ibaribari jikumenle wa nyo. Aliwa eto kohokana ibaribari ira miyo dikumenle wa nyo. Eto anororomela ira udirumile gu nyenne.

9<<Miyo kannaalobelela atu a mwilamboni. Mbwenye nnaalobelela atu anne mudivahedile nyo mwasiwa benyu. 10Aliwa baga eto benyu. Mwasiwa aga benyu eto enyu baga.#17:10 Aliwa baga eto benyu. Mwasiwa aga benyu eto enyu baga. Owu hehi Jatene jinna miyo jinafwanyeya jagali jenyu. Eto jenyu jinafwanyeya jagali jaga. Eto undimuwa waga unaoneya muwari mwa aliwa.

11<<Miyo kannakalave mwilamboni ya vati, nari. Nnoza uli nyo. Aliwa mbwenye anohala mwilamboni ya vati. Baba Otchena, nnauvepani ira mwaakoye na nzina nenyu, neno mudivahile nyo.#17:11 mwaakoye na nzina nenyu, neno mudivahile nyo owu hehi mwaakoye na nzina nenyu, atwinyu anno mudivahile nyo. Mwaakoye ira kakayena mirima dimohive nnga eto na hiyene nili hiyo vamohi. 12Diwendaga mwilamboni ya vati vamohi na aliwa, doakoya na nzina nenyu, neno nidivahile nyo. Dahakoya atene mwadivahile nyo. Miyo kadimudimelihile mutu ahali mulombwana wenno unafuna tolotchiwa,#17:12 mulombwana wenno unafuna tolotchiwa: Yesu va unawonga zela Judasi Iskariyoti. Tchoira Judasi Iskariyoti awenda vamohi na Yesu eto mmirimani mwaye kaali na Yesu. Yesu ohomuhiya dowaga jaye ira amugulihe Yesu ira mazu kalrembiwe wanle mMazuni kakwakwanele. Tchoira Yesu ahanaze, anamafiyiheda koholremba mazu oira: <<Mutu wenno udjile pawu na miyo, uhudinyingala.>> (Juwawu 13:18; Salmu 41:9) muwari mokwakwaneliheda jejo jilrembiwe mMazuni.

13<<Miyo tchineneva eni nnoza wa nyo. Mbwenye miyo nnavayela awandela jatene eji dagali mwilamboni ira aliwa kahala kawande kana hagalala mmirimani mwewa nnga hagalala wewo unafwanyeyana miyo.

14<<Miyo dihimala awandela mazwinyu. Sawasawa nnga miyo kadili mutu wa mwilamboni, na aliwene kahi atu a mwilamboni. Nona atu a mwilamboni aliwa aidaga. 15Vepa waga, kannauvepani ira mwaakumihemo mwilamboni muno, nari. So nnauvepani ira mwaarambelihe mmandani mwa Mutu Wabure.#17:15 Mutu Wabure unawongiwa gu Satana.

16<<Anamadiharaga kahi atu a mwilamboni sawasawa nnga miyo kadili mutu wa mwilamboni. 17Mutukule mazwinyu anno anafwanyeya kagali ibaribari, mwaatchenihena ira aliwa kakale otchena.

18<<Miyo daharuma anamadiharaga mwilamboni sawasawa nnga mudirumile nyo mwilamboni ya vati.

19<<Eto na mwasa wa aliwa, miyo nnovihiya mmandani mwenyu ira na aliwene kawande kala mmandani mwenyu mwa ibaribari.

20<<Miyo kannaalobelela anamadiharagala ve bahi. Nnavayela alobelela eto fendo imohive atu amohiwa, anno anafuna za diroromela movwa laleya wa anamadiharaga. 21Nnavepa ira atene kaze kakayena mirima dimohive nnga miyo dili miyo na nyo Baba eto nnga nyo muli nyo na miyo. Eto nnavepa ira aliwa kakale muwari mwa hiyo ira atu a mwilamboni kaona vwanana wewa, karoromele ira adirumile ali nyo.

22<<Undimuwa wenno mudivahile nyo, dihavaha eto na aliwene ira kavwananege nnga nnavwanana miyo na nyo.

23<<Nyo muli mwa miyo eto miyo dili mwa anamadiharagala ira aliwa kakayena murima mmohive ira atu a ilambo ya vati kaiziwe ira udirumile gu nyo eto muwari moiziwa eno, kakayena ibaribari ira nyo Baba munoaziveliwa anamadiharaga na makalelo amohive nnga munadiziveliwa nyo miyo.

24<<Babani miyo eto nnafuna ira atu anno mudivahile nyo kaze kakale na miyo nimburo nimohive nnafuna miyo kala ira kawande ona undimuwa wenno mudivahile nyo, na mwasa odiziveliwa wenyu ulukulu wewo unna nyo romelave wanle zulu na ilambo ya vati jahanapandutchiwe.

25<<Babani Wapama, masiki atu a mwilamboni kahauiziweni, miyo duhuiziwani eto anamadiharaga kohoiziwa ira udirumile gu nyenne. 26Miyo dahaiziwiha anamadiharaga nzina nenyu eto nneregeve aiziwiha ira zivela wenyu wewo munna nyo zela miyo, ukale na aliwa. Eto ira na miyene dikale mwa aliwa.>>

Currently Selected:

Juwawu 17: iLolo

Highlight

Copy