Shitatiko 13

Abulama na Lote bakulitapa

1Abulama na mukazendi hamo na byuma nimwabyo ahetele bafumine ku Engepita, bayile ku Nengembu, ku mbalila yaku mabukubuku. Pe Lote wayile hamo nabo. 2Abulama wengile muntu wakuheta shikuma. Wahetele bimuna bya bambelele na bampongo na zingombe, ngolinde na shiliva. 3Niho afumine kuyo, watuntozokele kufuma kumbalila yimo kuya ku mbalila yamina na kukuma ku Mbetele. Wakumine ku munkungwa wendi azikilenga mwaka mukati ka Mbetele na Ayi, 4kuyo ku mwanya akazikile kaala ka mamanya. Niko Abulama alemeshele Nyambi ya Ngula.

5Lote ou wayile hamo na Abulama naniye kami wekalile na matanga a bambelele na bampongo na zingombe hamo na ba lupashi lwendi na bakamilimo bendi. 6Kwabulile mwanya wakubuyishila ngayi bekale hamo, ndaba wubili wabo bekalile na bimuna byabingi shikuma. 7Nohobene kwekalile nkani mukati ka balishani ba Abulama na balishani ba Lote. Ha shikati shiyo Bakenaani na Bapelizi hinga bekala mu liyo litunga. 8Abulama wambile kuli Lote ngayi, “Etu, mu wushinda wetu, pe balishani bobe na balishani bami kaliha banafwanini kulifutulukila. 9Tuye tu li tape, hata mbalila ya litunga eye nimwayo ukushinga. Ndi ukuya kumina pe nami kami nikaya kwamina.”

10 # Shit 2:10. Nohobene Lote washengezelele na ku mona ngayi tungulungwa nimwato twa mushinzi wa Yondana na kukuma naku Zowa twekalile na mema amengi, ngonehe mfuba ya Nyambi ya Ngula#13:10Mfuba ya Nyambi ya Ngula: Mazu awa akwamba bya mfuba ya Endeni. hinge litunga lya Engepita. (Oho shilolokale Nyambi ya Ngula alobeshe zinkena za Shondoma na Ngomola.) 11Lote walihatilile mikulo nimwayo ya Yondana, kami wayile kupenza ku mushamuko. Eshe nisho balitapile aba bantu babili. 12Abulama wazikile mu litunga lya Kenaani, ngoboni Lote wakazikile mukati ka minzi yamu mbuwa. Pe wahenyenene na kuzika munkungwa wendi hahepi na Shondoma. 13Bantu bamu munzi uyo bengile bakuluwa, kami babipishilile Nyambi ya Ngula.

Abulama ukutuntukila ku Hembuloni

14Lote oho ayile, Nyambi ya Ngula wambile kuli Abulama ngayi, Upenzesheshe shiwahe ku ncelele naku mabukubuku naku mushamuko naku mponci. 15#Mil 7:5. Nikapanika kukwobe naku bazukulyobe litunga nimwalyo liya ukumona, pe likenga lyobe lya mwaya myaka. 16Nikakupanika bazukulu babengi, kami kowa muntu ukatwesha kubalaba nimwabo, ou ukutwesha kulaba lihekelela lya hanci niye ukutwesha kubalaba. 17Haya katuka yanga na ku mona litunga nimwalyo ndaba na ku kupanikalyo. 18Nohobene Abulama, watuntwile munkungwa wendi pe wazikile kwakwipi na mitondo ya ku tulila ya Oka yaku Mamele ku Hembuloni, kuyo niko azikilile Nyambi ya Ngula kaala ka mamanya.

Currently Selected:

Shitatiko 13: LLK

Highlight

Copy