Marko Otugbaɛbui
Otugbaɛbui
Kpaya kibui ansɛ gɛ Marko aŋlɔmɛ nɛ kpɛ kesi sɛ, “Kpaya kibui denɔ Yesu Kristo, Kpaya yɛ Eyi nɛ shu. ” Yesu nɛ awɛ̃ ansɛ anɔ gɛ alɛ kɛxwɛwɛwa mɛ anɛ kabhaŋɛŋa mɛ. Yɛ kabhaŋɛŋa nɛ kawɛ̃ nɛ yɛ kɛdɔkɛkasɛ nɛ mɛ, yɛ kemi nɛ ɛfufɔɛkpã nɛa bha, anɛ yɛ buzizi tɛyɛyɛkɔtsye banɔ mɛ. Yesu aɖɔ kaɖɔ edenɔ yɛnahwɛ ishu ansɛ Anɔdzyrame yɛ Eyi ana, gɛ aba sɛ tɛ aba yɛkɔ yɛ ɛkpã nɛ etsye tɛ ebu banɔ edenɔ balɛ buzizi nɛ mɛ.
Marko ebu Yesu shu kibui nɛ akasɛ nɛ kɛlɛ tɛdzyudzyɔ vɛ otugba mɛ, ganɔ bugɛganɛ kidzoa bha, ɔyɛkɔ plɛnɔ tɛɖuɖɔtrɔ yɛ ebui nɛ gɛ abhɛtɛ nɛa bha, ɔyɛkɔdɛ kaɖɔɖuɖɔ anɛ yɛ kɛdɔkɛkasɛ. Gɛ enyi sɛ badɔkla gelee gɛ ba baa kla yɛ kɛdɔŋuŋlɔmɛ nɛ be di nu Yuɖanɛ so nɛ, nɛ Marko keplukpa nɛ mɛ, ba yɛkɔ atrɔ ishu, klɛ be bu Yuɖanɛ begu nɛ balɛ kesukpa nɛ tɛzɛza mɛ anɛ ebui bhɛbhɛtɛ nɛ kesi mɔɔmɔ. Nɛ kaɖɔɖuɖɔ bhli denɔ Yohanɛsɛ Enikpɛ nɛ shu, anɛ yɛ bunikpɛkpɛ kɔ Yesu anɛ yɛ tɛfifekedi nɛede, adɔŋlɔmɛ nɛ edi zi kibe flogo pɛ atasɔlɛ Yesu banɔ banya bibeke anɛ yɛ kɛdɔkɛkasɛ nɛ shu ebui ɖuɖɔ. Nɛ otugba, bagɛ baza Yesue de nɛɛ, bee nu yɛ kesi adɛ kana, pɔ yɛ maɖɔmaɖɔ anɛ kititilulɔ nɛ yɛ shu nɛ xũ kabha ko kɛɛ vɛ. Nɛ keplukpa nɛ atɔkpu gɔgɔɛ nɛ mɛ, baɖɔ Yesu kanɔ nɛ mɛ ɔgɔnɛ gɔgɔɛ nɛ ɛkpã zɛza nɛ shu kibui, gɛganɛɛ ɔyɛkɔ dɛ nɛ yɛ tɛkpɛkplasɔ nɛ butsiosi nɛ shu, anɛ yɛ tɛlɔlɔ denɔ bekpu mɛ shu.
Bukplo gɔgɔɛ nɛ yɛ kɛdɔŋuŋlɔmɛ nɛ obekekɔ nɛ gɛ kpasɛ ketsuka nɛ mɛ, ganɛ Marko yɛ aŋlɔmɛ klɛ xũ, adɔŋlɔmɛ bhlatɔ yɛ aŋlɔmɛ kɛlɛ.
Kalɛmɛ Ebuilulu
Kpaya Kibui nɛ kesikpɛkpɛ 1:1-13
Yesu Kpaya Kibui nɛ tɛkɛkasɛ nɛ Galelia 1:14—9:50
Denɔ Galelia ɔdɔ nanɔ Yerusalɛm 10:1-52
Ɔgɔnɛ gɔgɔɛ nɛ Yerusalɛm tɛbubunɔ anɛ yɛ mɛ tɛtsutsoku 11:1—15:47
Yesu tɛnyɛnyɛmɛ denɔ butsi mɛ 16:1-8
Apalete nɛ tɛwɛ̃wɛ̃ anɛ yɛ tɛshɛshɛ ganɔ ɔmunɔ mɛ 16:9-20
Currently Selected:
Marko Otugbaɛbui: tcd
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation