मर्कूस 12
12
दुष्ट अध्यरोन्हक बारेम आहान
मत्ती २१:३३-४६; लूका २०:९-१९
1येशू आहानम हुँकन कहलग्ल, “एकठो जग्गाधनी आपन जग्गम अध्यरोन अङ्गूर लगाइ कल, ओ गिन्यौरसे बेन्ह्वा बेँह्रैल। अङ्गूर पेर्ना कोल ओ अङ्गूरिक अख्वारी कर्ना अँट्वा बनाइ लगैल। तब अङ्गूरिक खेती हुँकन जिम्मा लगाक अप्नजुन परदेश लग्ल।#यशै ५:१-२ 2अङ्गूर सहेर्ना समयम जग्गाधनी आपन एकठो नोकरह आपन बठा अङ्गूर लिह पठैल। 3तर अध्यरोन उ नोकरह पकर्क पिट्ल ओ छुच्छ हाँठ घुमादेल। 4जग्गाधनी द्वासर नोकरह पठैल। अध्यरोन ओहीह फे कपार फोर्क पिट्ल ओ बेइजत कैक घुमादेल। 5तबदोस्र ऊ तीसर नोकरह पठैल। ओहीह त झन् अध्यरोन मार्क मुवादेल। ऊ अस्तक और धेर जहन पठैल। हुँक्र कौनोजहन पिट्ल, कौनोजहन मुवैल।
6“जग्गाधनीक एक्कठो प्रिय छावा रलहन। ‘म्वार छावह त हुँक्र पक्कहेँ आदर करहीँ,’ कैक ऊ आखिरम हुँकहीन अध्यरोन्हकठे पठैल।
7“तर उ अध्यरोन अप्न-अप्न कल, ‘यी त हकवाला हो। लेओ यहीह मुवाई, त यी सम्पत्ति हमार होजाई।’ 8तब हुँक्र ओहीह मार्क मुवादेल ओ अङ्गूरबारीक बाहर फाँकदेल।
9“आब उ जग्गाधनी का करहीँ? ऊ अपन्हे जाक सक्कु अध्यरोन मुवैहीँ ओ अङ्गूर खेती औरजन्हक जिम्मा लगैहीँ। 10का टुह्र धर्मशास्त्र पहर्क फे नैबुझ्टो?
‘घर बनुइयन रद्दी ठह्राक फाँकल पत्थ्रा त,
कोनोक मुख्य पत्थ्रा बनल।#भज ११८:२२-२३
11यी काम परमप्रभुसे हुइल् हो,
ओ यी हमार नजरम अचम्मक बा।’”
12यी आहान येशू “हमारऽ विरोधम कल” कना बात यहूदी अगुवाहुँक्र बुझ्ल। उहओर्से हुँक्र येशूह नैपकर्क नैछोर्ना दाउम रलह। तर भीडक मनैन्हक डरले, उहाँह छोर्क चलगैल।
कर तिर्ना बातम येशूह फँसाइ खोज्लक
मत्ती २२:१५-२२; लूका २०:२०-२६
13तबदोस्र यहूदी अगुवाहुँक्र येशूह बातम फँसाइक लाग, हेरोदक मनैन ओ फरिसीहुँकन येशूकठे पठैल। 14हुँक्र येशूकठे जाक कल, “गुरुजी, अप्न इमान्दार बाटी कना हमन थाहाँ बा। अप्न केक्रो पक्षपात नैकर्टी, मनै का कहहीँ कना मतलब फे नैकर्टी, ओ परमेश्वरक सत्य बात ठीकसे सिखैठी। आब हमन कही, रोमी सरकारह कर तिर्ना ठीक हो कि नाही? 15हम्र कर तिरी कि नैतिरी?”
येशू हुँकन्हक कपटी चाल थाहाँ पाक कल, “टुह्र छल कैक काकर महीह फँसाइ ख्वाजटो? महीह एकठो चाँदीक पैँसा देखाओ।” 16हुँक्र एकठो चाँदीक पैँसा आन्क उहाँह देल। येशू हुँकन पुछ्ल, “यी छाप ओ नाउँ क्याकर हो?”
हुँक्र येशूह कल, “रोमी सरकारक।”
17तब येशू हुँकन जवाफ देल, “ओसिन हो कलसे, रोमी सरकारक चिज रोमी सरकारह, ओ परमेश्वरक चिज परमेश्वरह देओ।”
हुँक्र उहाँक जवाफ सुन्क छक्क पर्ल।
मुवलमसे फेदोस्र जिना बारेम
मत्ती २२:२३-३३; लूका २०:२७-४०
18मनै मुलसे फेदोस्र नैजिट कहुइया सदुकी समूहक कौनो-कौनो मनै येशूकठे आक कल,#प्रे २३:८ 19#व्य २५:५“गुरुजी, मोशा हमन परमेश्वरक असिन व्यवस्था देरख्ल: यदि कौनो मनैया सन्तान बिना जन्मैल मुवल कलसे, वाकर भैया भौजाइ जन्नी लिह ओ आपन दादुक लाग सन्तान जन्माए।#१२:१९ यहूदी समाजम आपन पिह्री बचाइक लाग छावा पैना एकठो महत्वपूर्ण बात रह। यदि कौनो मनैया सन्तान बिना जन्मैल मुवल कलसे, वाकर भैया भौजाइ जन्नी लिह। हुँकन्हकमसे जन्मल पैल्ह छावा मुवल दादुक लाग, ओ वाकर नाउँ फे दादुकऽ नाउँ ढैजाए। दादुक श्रीसम्पत्ति उह छावा खाए। 20आब मान लि, एकठो परिवारम सात भाइ रलह। बर्का भ्वाज करल, तर सन्तान बिना जन्मैल मुगैल्। 21तब मन्ह्ला आपन भौजीह लिहेल्, ऊ फे सन्तान बिना जन्मैल मुगैल्। सन्ह्ला फे आपन भौजीह लिहेल्। असहेँक ऊ फे मुगैल्। 22असहेँक सक्कु भाइ उ जन्नीसे भ्वाज कर्ल, तर सन्तान बिना जन्मैल मुगैल। अन्तिमम ऊ जन्नी फे मुगैल्। 23आब कही, मुवलमसे हुँक्र फेदोस्र जिहीँ ओ स्वर्ग जैहीँ कलसे, ऊ क्याकर जन्नी हुई? काकरकि सक्कु भैयनसे वाकर भ्वाज होरलहस।”
24येशू हुँकन कल, “टुह्र धर्मशास्त्र ओ परमेश्वरक शक्तिह नैबुझ्क गल्ती कैरख्लो। 25काकरकि मुवलमसे फेदोस्र जिक स्वर्ग गैल् अवस्थम भ्वाजकाज नैहुइट्। स्वर्गम मनै स्वर्गदूतअस होजैठ। 26#प्रस ३:६मुवलमसे फेदोस्र जिक स्वर्ग जैना विषयम मोशक किताबम#१२:२६ मोशक किताब: मोशक व्यवस्थम पाँचठो किताब रह। यी बात पाँचठो किताबमध्ये प्रस्थान कना एकठो किताबक बात हो। प्रस्थान ३:६, हेरी। लिखल बा, जे। उ बात त टुह्र जन्लरहपर्ना हो। उ विषयम जर्टिरहल छुटिमुटी रूख्वक झोङ्लीमसे परमेश्वर मोशह कल, ‘टुन्हक पितापुर्खा अब्राहाम, इसहाक ओ याकूबक परमेश्वर हुइटुँ।’#१२:२६ अब्राहाम, इसहाक, ओ याकूब यहूदीन्हक पुर्खाओँ हुइट। अब्राहाम इसहाकक् बाबा रलह। इसहाक याकूबक बाबा रलह। 27उहाँ मुवल मनैन्हक नाहीँ, तर जिटीह रहुइयन्हक परमेश्वर हुइट। टुह्र यी बात नैबुझ्क भारी गल्ती कैरख्लो।”
सबसे बरा आज्ञा
मत्ती २२:३४-४०; लूका १०:२५-२८
28एक जन शास्त्री अइल ओ हुँकन बहस करँट् देख्ल। येशू हुँकन ठीक जवाफ देहल सुन्क ऊ पुछ्ल, “परमेश्वरक आज्ञामसे सबसे बरा आज्ञा कौन हो?”#लूक १०:२५-२८
29येशू जवाफ देल, “सबसे बरा आज्ञा यी हो ‘ऐ इस्राएलक सन्तान, सुनो, परमप्रभु परमेश्वर एक्कठो बाट।#व्य ६:४-५ 30परमप्रभु परमेश्वरह आपन सारा हृदयले, आपन सारा प्राणले, आपन सारा समझले ओ आपन सारा शक्तिले प्रेम करो।’ 31द्वासर जुन यी हो, ‘आपन छिमेकीह अपन्हेहअस प्रेम करो।’ यी दुइठोसे बरा आज्ञा कौनो फे नैहो।”#लेवी १९:१८
32यी बात सुन्क उ शास्त्री येशूह कल, “गुरुजी, अप्न ठीक कली, अप्नक कहलअस परमप्रभु परमेश्वर एक्कठो बाट, उहाँ बाहेक और कौनो नैहुइट।#व्य ४:३५ 33ओ परमप्रभु परमेश्वरह आपन सारा हृदयले, आपन सारा प्राणले, आपन सारा समझले ओ आपन सारा शक्तिले प्रेम करो। ओ आपन छिमेकीह अपन्हेहअस प्रेम करो। यी दुइठो बात मन्ना त व्यवस्थम कहल अनुसार सक्कु मेह्रिक बलिदान#१२:३३ सक्कु मेह्रिक बलिदान यी पदम ग्रीक भाषम दुइ मेह्रिक बलिदान लिखल बा। एकठो सामान्य बलिदान रह, ओ औरजुन बलि चह्राइल पशह मन्दिरम परमेश्वरक आघ जराइँट्। ओहीह “होमबलि” कहँट्। चह्रैनासे फे बरा हो।”#होशे ६:६
34हुँकहार समझशक्ति देख्क येशू कल, “टुँ परमेश्वरक राज्यसे दूर नैहुइटो।” तबसे येशूह प्रश्न पुछ्ना हिम्मत कुई फे नैकर्ल।
ख्रीष्ट क्याकर सन्तान हुइट?
मत्ती २२:४१-४६; २३:१-३६; लूका २०:४१-४७
35मनैन मन्दिरक अङ्नम सिखाइबेर, येशू कल, “ख्रीष्टह दाऊदक सन्तान हुइट कैक शास्त्रीहुँक्र कठ। हुँकन्हक आशय का हुइटन? 36काकरकि दाऊद अपन्हे पवित्र आत्मक अगुवाइम कैरख्ल,
‘परमप्रभु म्वार प्रभुह कल,
“जबसम मै टुँहार शत्रुन हराक
टुँहार पौलीक टर नैपारटसम,
टुँ म्वार दाहिन पाञ्जर बैठ्लरहो।”’ #भज ११०:१
37दाऊद अपन्हे ख्रीष्टह ‘प्रभु’ कठ कलसे, ख्रीष्ट कसिक दाऊदक सन्तान केल हुइल?”
येशूक वचन सुनबेर, उ बरा भीडम रहल मनै आउर खुशी हुइल।
38सिखैना क्रमम येशू कल, “शास्त्रीनसे होसियार रहो। हुँक्र धर्मकर्म कर्ना झुहार पहिरण#१२:३८ झुहार पहिरण: उ ब्याला धर्मक हिसाबले बरा मनै झुहार पहिरण पहिरँट्। पहिरक यिहँरउहँर घुम्ठ, ओ बजारम मानसम्मान पाइ चहठ।#१२:३८ शास्त्रीहुँकन जाइट् देख्लसे, मनै उठ्क आदर करँट् ओ “गुरु” कैक अभिवादन करँट्। 39सभाघरम आघ बैठ खोज्ठ, भ्वाजभत्यारम मानमर्जाट् खोज्ठ। 40हुँक्र विधवन्हक घरद्वार लुट्ठ ओ मनैन देखाइक लाग परमेश्वरसे नम्मा-नम्मा प्रार्थना कर्ठ। असिन मनै झन् धेर दण्ड पैहीँ।”
गरीब विधवक भेटी
लूका २१:१-४
41तबदोस्र येशू मन्दिरम भेटी चह्रैना बाकसक सामुन्ने बैठ्क मनैन भेटी चह्राइट् हेर्ल। धनी-धनी मनै धेर-धेर रकम चह्रैल। 42एकठो गरीब विधवा आक तामक दुइठो पैँसा चह्रैली। याकर मूल्य एक रूप्यसे#१२:४२ रूप्यसे वास्तवम विधवक चह्राइल तामक पैँसह रोमी भाषम “लेप्टोन” कहँट्। लेप्टोन यहूदीन्हक बनाइल तामक पैँसा रह। हुँकन्हक और मेह्रिक पैँसा फे रलहन, तर सबसे कम मूल्य लेप्टोनक रह। कम रह।
43तब येशू चेलन आपनठे बलाक कल, “मै जाट्टीसे कहटुँ, भेटी चह्रुइयामध्येम सबसे धेर यी गरीब विधवा चह्रैली। 44काकरकि सबजन आपन-आपन धेर-धेर सम्पत्तिमसे चह्रैल, तर यी विधवा गरीब रलसे फे, आपन सर्वस्व चह्रैली।”
Currently Selected:
मर्कूस 12: thl
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
