YouVersion Logo
Search Icon

Apositili 9

9
1-22: 22, 3-16; 26, 9-18.
1Umwene Savulu ve sali ave ifutila hela, pe ikuvafingilidza, ukuta ndivavulage avańigendwa va mutwa, neke ahelelage na kwa mutekedzi umuvina. 8, 3.
2Neke ańilikage nihâte ja kugendela najo ku-Damasiki kuluholanilo lwa kuko neke atigilage, ngana ndidzikuvavwene kuko avańa-migendele igi navagosi navadala, apo ndidzi-kuvakunga ndipilukila navo mu-Jelusaleme muno.
3Neke lino pe igenda pe ahegelidze mu-Damasiki, neke baho avonage ulumuli lwihuma kukyâńa lukumumulikila nda mulomo gula. 1. Kol. 15, 8.
4Neke baho umwene agwddzage pasi neke apulikage ilidzwi lilonga nave litigila: ve Savulu, ve Savulu, kiki lwe ukufwima?
5Neke baho umwene atigilage: juve nani, mutw’ ave? Neke umwene umutwa neke apilusage atigilage: je nene nde Jesu, je vwandye ukufwima, 5, 39.
6neke lino vwimage, uhelelage mukâja ijo, mwe valakulongela ulwa kuli-ma uveve.
7Neke lino avajagwe, ve fyali lumwi, neke vimage vakagahye, pakuva ukupulika ilidzwi, uko vapulikaga, neke vasamuvo-naga munu nda.
8Neke baho Savulu image pasi neke lino, pe abadulaga amîho, neke avonage asilola. Neke baho avajagwe neke vamwibatage ilivoko neke vamu-dedesage ukuhelela ku-Damasiki.
9Neke baho agonage ifigono fidatu kindzila-kulola neke kitalya nukuńwa.
10Neke lino ali mwali mu-Damasiki mumo umuńigendwa jumwi, ilitavwa ali je Ananija, neke je amuvonekelage umutwa muvugonelamutwe neke atigilage: ve Ananij’ave! Neke umwene atigilage: mwene mutw’ave!
11Neke baho umutwa amulongelage atigilage: vwimage uhelelage mumukūdzu gula, gwe vitigila mugolofu, ukavudzage ińumba ja Juda utigilage: mungambonela u-Savulu, je vitigila va mu Talisi, lolage lino ali mukulapangila. 20, 39.
12Neke amuvwene numunu, je vitigila Ananija ilitavwa, avwene ikwingila akumuvika namavoko, ukuta alavage kangi.
13Neke umwene Ananija neke apilusage atigilage: ve mutw’ave, vandongye avolofu idza munu uju, dze avavifidze avanu vako avîmike ava mu-Jelusaleme.
14Na mu muno namo avatekedzi avakomi vamupelye uvutavulilwe uvwa kuvakungila avilapangila kwitavwa lyako. 1. Kol. 1, 2.
15Neke umwene umutwa atigilage: uveve uhelelage, umunu uju lye ligimilo lyangu ilihagule ilya kuvańamulila ilitavwa lyangu avapivala navatwa navakina-Jisilahele, 25, 13; 27, 24; Lom. 1, 5.
16pakuva ndilamuvonesa june imumuko, dze lilamuhulila ilitavwa lyangu, ukuta apumukage. 23, 29; 2. Kol. 11, 23-28.
17Neke baho Ananija neke ahelelage neke akingilage muńumba neke amuvikage amavoko neke atigilage: ve Savulu, ve muńa-lukolo vangu, anumile umutwa, u-Jesu jula, je akakuvonekye pikasi, lye ukigenda pakwadza kuno, atigye ulolage lino, umemwage nu-Mubepo umwîmike uveve.
18Neke baho tulagalage mumîho ngita tugagala neke baho alolage.
19Neke lino baho image neke adzabikwage, neke baho alidzage nifilyo neke ihōsage.
20Neke baho Savulu agonage ifigono nde filingi mu-Damasiki pavańigendwa. Neke lino baho nakalingi amudalikage u-Jesu muńolanilo dzanavo neke atigilage: je muswamuve va Nguluvi jujo.
21Neke lino vonda, avapulikaga idzi, neke vaku-vilage neke vatigilage: uju mańi je mwene, je akíkuvatipula ava mu-Jelusaleme avakilapangilìla mwitavwa ili? Na mu muno mańi akagulwime dzidzo, akatigye ndikuvakunga vonda ndikuvakwe-gela kuvatekedzi avavina. v. 1. 14; 8, 1; 26, 10.
22Neke umwene Savulu ongeledzage ukukangala, neke avene ava-Juda, avadzengile mu-Damasiki, neke vagajangajage, pe ikuvagomedza, ukuta u-Jesu uju je Kilisiti. 18, 28.
23Neke lino baho, pe vagonile luhāvi, neke baho ava-Juda neke vidiṅanage ulwa kumuvulaga u-Savulu.
24Neke lino avangi vamupavage, dze vamugu-lwime. Na mufipata neke vamingage na pamûńi na pakilo ulwa kuta tumujadze, neke vatigiîage: pe tulamuvulagila.
25Neke baho avańige-ndwavakwe vamwinulage pakilo neke vamuhumi-hidzage palukandzi neke vamusoloṅedzage pasi mukihivi. 2. Kol. 11, 32. 33.
26Neke lino baho, avye adzifike mu-Jelusaleme, neke baho atigilage: ndiha-ndziṅane navańigendwa, neke lino avene vamogopage vonda, pakuva vasafuvwaga ukuva muńigendwa. Gal. 1, 17-19.
27Neke umwene Balanaba neke amwinulage neke akamuhelelage nave kuv-Apositili neke avago-tolelage, dze amuvonekye umutwa pikasi na dze alongile nave, na dze alongile umwene kyedzamutima inôngwa dza litavwa lya Jesu mu-Damasiki. v. 20.
28Neke baho Savulu atinadzage navo neke agonage mu-Jelusaleme neke adzilongage kyedzamutima inôngwa dza litavwa lya Jesu.
29Neke alongage navo ava-Juda avahuma-kuvu-Giliti neke akananilage navo ulukani. Neke lino avene vahodzage ulwa kumuvulaga.
30Neke avene avajagwe, pe vapulike ulu, neke vahemukilage nave mu-Kesaleja neke vamutudzihidzage mu-Talisi. 11, 25; Gal. 1, 21.
31Neke baho lino ulukombeso monda na mu-Judaja na mu-Galilaja na mu-Samalija neke baho lutengamanage hela neke lwidzengage neke lugendelage muvogofi uvwa kumogopela umutwa neke lolokage uluńamadzo lwa Mubepo umwîmike muvene.
32Neke baho u-Petele, pe igendagenda mukuli-ngula neke baho akafikage pavîmike, avadzengile mu-Lida.
33Neke kwe akamuvo-nelage numunu, je vatigilaga je Eneja ilitavwa lyakwe, neke avonage ali pavuhaga, agonile imvâka munana nilitela.
34Neke baho Petele amulongelage neke atigilage: Eneja, Jesu Kilisiti akuhosidze! Vwimage, vwitulikile ulijena uvuhaga, Neke baho umwene imilage bahobaho hela.
35Neke vamuvonage vonda, avadzengile na mu-Lida na mu-Salono, neke navo vapitukilage kwa mutwa.
36Neke lino mu-Jope ali mwali umuńigendwa umudala, ilitavwa lyakwe ali je Tabila, kwe kuta je Ńaludzi, je ali namalimo amanofu amolofu, ge alimaga, nifya kupyanila avapelaga avanu ifyolofu mbando.
37Neke baho pafigono fifyo neke atamwage neke afwidzage, neke baho vamodzage umuvili neke vakamuvikage kuńumba ija kukâno.
38Neke lino avańigendwa, vavye vapulike ukuta Petele ali mu-Lidanija Lida nija Jope dzegemine, neke baho vava-tumage avagosi vavili kwa Petele avakumudedeva avakutigila: utane ukukangadzila, vwadzage ukwańavisu.
39Neke baho Petele image neke fihelelasage. Neke lino avye adzifike, neke vinukage nave kuńumba ja kukâno, neke baho vonda navakiṅinavo avafwile neke vamuninilage, bahe ali, neke vavembage neke vamuhufyage nimya-valo nimyênda, gye avahonelaga u-Ńaludzi, ve sali ave.
40Neke baho Petele neke avahumihidzage pivala vonda neke afugamage pasi neke alapangilage. Neke lino baho asedukilage kumufimba neke atigilage: Tabita, vwimage! Neke baho umwene adindulage amîho, neke lino, avye amuvwene u-Petele, neke baho ikalage. Mal. 5, 41.
41Neke baho Petele amwibatage ilivoko neke amwimyage hela neke baho avakemelage avîmike navakiṅinavo avafwile neke amuvonesage mûmi. v. 32.
42Neke dzonda idzi neke dzipulisage ponda mu-Jope. Neke lino baho neke vamufuvwage avolofu umutwa.
43Neke baho Petele adzōvelage mu-Jope mumo, agonaga muńumba ja jumwi umuńu-ka-nguvo, ali je Simono ilitavwa. 10, 6.

Currently Selected:

Apositili 9: II

Highlight

Share

Copy

None

Want to have your highlights saved across all your devices? Sign up or sign in