Apositili 8

1Neke umwene Savulu neke alukelage, lwe vamuvulige. Neke lino baho pa kigono kikyo neke vwamulwage uvufwimo uvukomi uvwa kulufwima ulukombeso lwa mu-Jelusaleme. Neke lino baho vapalaṅanage neke vatagalilage mu-ńi jonda na mu-Judaja na mu-Samalija. Va v-Apositili vene avo ve vasakimbye. 7, 67; 11, 19.

2Neke umwene Setefana neke vamusilage avanu, avisugililaga kwa Nguluvi, neke vamuvembelage nikivembo mbando. Mat. 14, 12.

3Neke umwene Savulu neke alutunguvikage ulukombeso neke ingilage na muńumba dzanavo neke avakuluvulage navagosi navakiṅinavo neke avasindikage kumińololo. 9, 1; 22, 4.

4Neke lino avene, avapalaṅine, neke vagenda-gendage neke validalikage ilidzwi lya lyevangeli.

5Neke umwene Filipi neke akafikage na mukâja ja mu-Samalija neke kwe akavadalikilage avanu idza Kilisiti. 6, 6.

6Neke avene avanu avamumo neke vambage mbando amasikidza ngita mutima gumwinga, pakuva vapulikaga nukulola vafilolaga ifilŏle, fye avonesaga Filipi.

7Pakuva avali nimibepo imilamafuvavonage gikuta mbando, pe giloka, navańa-matela navalemafu, neke vavonage vihōka volofu. Mal. 16, 17.

8Neke baho vakelage mbando ava mukâja jijo.

9Neke lino ali mwali ji dâha mukâja jijo umugosi, ilitavwa lyakwe ali je Simono, ahilyusaga neke avakagahikage mbêpali ava mu-Samalija atigilaga june kyal’umwene. Joh. 4, 40-42.

10Neke avene vonda ukukunga pamudebe ukwapula pamuvina vamuletelage uluhala neke vatigilage: je Ngufu dza Nguluvi, dze vitigila ngomi.

11Neke lino umwene lwe vamuletelaga uluhala, pakuva andile akuvaka-gahika nimihilu gyakwe.

12Neke lino vavye vafuvilwe kwa Filipi, pe avadalikilaga ilyevangeli lya vutwa vwa Nguluvi nilya litavwa lya Jesu Kilisiti neke baho vadza-bikwage navagosi nava-dala. Mat. 28, 19.

13Neke baho na ju Simono nave neke afuvwage. Neke lino avye adza-bikwe, neke amumililage nu-Filipi neke baho adzumangage, pe ilola nimitu imińangufu nifilŏle ifikomi, fye avonesaga umwene.

14Neke av-Apositili, pe vapulike mu-Jelusaleme, ukuta ija mu-Samalija jilyanukye ilidzwi lya Nguluvi, neke baho vavatumage ava Petele na Johana neke vatigilage: muhelelage mukavalole.

15Neke baho avene, vavye vadzifike, neke baho vavalapangililage, ukuta navo vanukilage u-Mubepo umwîmike.

16Pakuva asana asulu-nukila kwa jungi ndeve vali, vadzabikilwe hela mwitavwa lya Jesu umutwa.

17Neke baho vavavikage namavoko neke lino baho avadzilage u-Mubepo umwîmike.

18Neke lino baho umwene Simono, avye amuvwene u-Mubepo umwîmike akuvadzila avanu, pe vavavikile amavoko av-Apositili, neke baho avaletelage imâle

19neke atigilage: najune mumelage uvutavulilwe uvu, ukuta najune, je ndi-kumuvika amavoko, nave anukilage u-Mubepo umwîmike.

20Neke baho u-Petele atigilage: jipemeswage imâle jako najuve uhange najo, je vwihambula, amapwela ga Nguluvi gigulwa nimâle kwa munu.

21Nambe kalagala nambe kagavo uveve munôngwa idzi, pakuva inumbula jako sijigolokye kwa Nguluvi.

22Upelage uvuvîfu vwako uvu, udedevage kwa Nguluvi, mańi ene vuli alakuvodza amahodzo ga munumbula jako aga.

23Ndivwene unene ndikuvwene uveve, ukuta udzukile eńongo iṅali, udadilińine mumupingo ugwa vudzila-vugolofu.

24Neke umwene Simono neke apilusage neke atigilage: mundapangililage juńe kwa mutwa, dzitane ukūfika, dze mulongile uńeńe idzi.

25Neke avene vavye volike ilidzwi lya mutwa, vavye valilongile, neke baho vagomokelage kangi ku-Jelusaleme neke validalikage ilidzwi lya lyevangeli mukâja indzolofu idza va mu-Samalija.

26Neke baho umuńa-mwandza va mutwa neke amulongelage u-Filipi neke atigilage ulamukage ulungamage kulubafu lwa kusini, ukafikage pibalabala, ilihumile ku-Jelusaleme ilisulunukye ku-Gasa; apene pe likungu.

27Neke baho umwene image neke ahelelage. Neke baho akamuvonage umunu umw-Etyopi, umusavule umundzagila va Kandadze, va mutwa umudala uva mw-Etyopi, jeimililaga ińumbajamâle ja mutwa vakwe jonda. Ahelye mu-Jelusaleme mukulapangila.

28Neke lino pe apilukilaga ukwavo, ikalile pigeleta lyakwe neke imbage ihâte ja Jisaja umuvidzi.

29Neke baho umubepo amulongelage u-Filipi neke atigilage: uhegēleiage kwigelete ili, ulininilage.

30Neke baho Filipi neke angupililage neke akavonage ikwimba pamuvidzi Jisaja, neke amuvudzage atigilage: ukulufika lwe vwikwimbu pahâte?

31Neke umwene atigilage: ndi ka ndikulumańila kwi, kuno sipwali umuńa-kunganulila? Neke baho amukemelage u-Filipi neke atigilage: vwinuke, twikalanile baha.

32Neke idzene inôngwa, dze imbaga pahâte, dze idzi idzitigila: „vahelye nave pavuhindzilo ngita ṅolo; ndeve akâna-ṅolo, akidzika, pe akibite umukegeta-lwâge, agite vo nave umwene, asidindwe umulomo pakulonga.

33Lwe ahigwaga, lumalikye pavwilevedze vwakwe. Je nani, j’alakivalila ikipelela kyakwe? Pakuva uvûmi vwakwe vuńagilwe kwen’ivala kuno.“

34Neke baho umusavule neke avudzage kwa Filipi atigilage: sivo, ve lyâne, akumulonga ani umuvidzi uju apene apa? Vona akwilonga jumwene, ene vuli kwali umwene ujungi, je akumulonga?

35Neke baho Filipi adindulage umulomo gwakwe neke akungage baho panôngwa ja hâte jijo neke baho amulongelage lyonda ilyevangeli lya Jesu.

36Neke lino, pe vigenda ndesi pibalabala, neke vakafikage palulenga. Neke baho umusavule neke atigilage: nga hulu ululenga! Pali kiki ikińa-kunanidza unene kulu-dzabiko?

[37Neke baho Filipi atigilage: ngana vwifuvwa luhuma-munumbula jako jonda, apo swe. Neke baho umwene apilusage atigilage: ndikumufuvwa Jesu Kilisiti, ukuta je muswamuve va Nguluvi.] Mat. 16, 16.

38Neke baho atigilage: lime iligeleta! Neke lino baho vikage ve vavili na ju Filipi na ju musavule neke vingilage mululenga neke amudzabikage.

39Neke lino baho, pe vidzabuka mululenga, neke baho u-Mubepo va mutwa neke amuńagulage u-Filipi. Neke lino umusavule neke atanage nukumuvona ponu, pakuva umwene agendaga hela iṅasi jakwe, ve akelye.

40Neke umwene Filipi neke vavonage ali mw-Asotono neke adzungutilage neke alidalikage ilyevangeli ikâja dzonda neke akafikage na mu-Kesaleja. 21, 8. 9.

Currently Selected:

Apositili 8: II

Highlight

Copy