YouVersion Logo
Search Icon

Apositili 10

10
1Neke lino ali mwali jumwi umunu mu-Ke-saleja mumo, ilitavwa lyakwe ali je Kolonele. Ali muńa-kipuga pavańigana, kye vatigilaga kitaliki. Mat. 8, 5.
2Je ijēvulidzaga kwa Nguluvi na va muńumba jakwe vonda; avakina-Jisilahele mbêpali avapelaga ifya lupyanilo, alapangilaga kwa Nguluvi mbêpali.
3Neke uju pasala ja igôndza neke muvugonelamutwe neke mwe amuvonelage umuńa-mwandza va Nguluvi ikwingila mu mwe ali, itigila: ve Kolonele!
4Neke baho umwene amuṅanukilage neke baho vumugwilage uvogofi neke atigilage: kiki mutw’ave? Neke umwene atigilage: indapangilo dzako nifya lupyanilo fyako fifikile kukyâńa, fidzidzukile fya lukumbuso kwa Nguluvi.
5Neke lino utumage avagosi mu-Jope, vakamwi-nule u-Simono, je vakumutigila Petele ilipelwa.
6Umwene igona kwa Simono umuńu-ka-nguvo, umuńa-ńumba ijili palubali pańandza. 9, 43.
7Neke lino baho, avye ahelye umuńa-mwandza, je fyalonganaga, neke baho avakemelage avavanda vakwe vavili va muńumba numusilikale jumwinga umuńa-vwijevulidzo kwa Nguluvi; amuhalile kuva-lutye ukumulimila.
8Neke ve avalongelage dzonda, dze adzivwene, neke baho avatumage mu-Jope.
9Neke lino pamilavo, pe avanu ava vali pikasi, vavye vahegelye mu-Jope, neke baho Petele inukage pikiṅa mukulapangila pasala ja mutanda.
10Neke lino baho ada-ganage indzala neke ala-gilage ifya kulya. Neke lino, pe vali mukumutele-kela, neke baho avonage uvugonelamutwe
11neke avonage kukyâńa kudindwike neke avonage ikihava kikwika kili ngita mwênda umukomi, pe vibite imibeto gye gitaji, visolońehedza pańi. 11, 5-17.
12Neke avonage mofili ifiṅoko fyonda ifya mu-ńi, nifińa-magulu gataji nifi-fyokońa fyonda ifya pa-ńi nindege dza kukyâńa.
13Neke baho avonage ilidzwi likumulongela litigila: vwimage, ve Petele, uhindzage ulidzage.
14Neke umwene Petele akanage atigilage: ndilema, mutw’ave, pakuva unene si ndina ndilya ponu umudzilo nifisilivwa.
15Neke baho livwilage ilidzwi neke litigilage: fye adzilwe Nguluvi, ifyo uveve utane ukutigila: mudzilo. Mat. 16, 11.
16Neke lino idzi dzivwilwage kadatu. Neke lino baho neke kinukage nakalingi kukyâńa ikihava.
17Neke lino u-Petele, pe asina aluvona vunofu na kwe vulungamye uvugonelamutwe uvu, vwe vwamuvonekye, pe ihodza itigila ino kye kiki, neke avonage hava avanu avatumilwe kwa Kolonele vavavwene avańa-kuvalo-ngola ińumba ja Simono, vimile mufińa-mulyango,
18neke vakemelage vavudzage vatigilage: mwali umugendzi muno, u-Simono, je vitigila Petele?
19Neke umwene Petele, ve sali ave ikwiganisa uvugonelamutwe, neke baho u-Mubepo amulongelage neke atigilage: nga hava avagosi, vikukusakula,
20neke lino vwimage, usulunuke, uhelelage navo utane ukwiganisa, pakuva ndivatumile junene.
21Neke baho u-Petele ikage neke ahelelage kuvagosi vavo neke atigilage: je nene, je muku-musakula, mugulwime nôngwa jiki?
22Neke avene vatigilage: Kolonele, umuńa-kipuga, umunu umugolofu, umuńa-kyoga kwa Nguluvi, je itambulwa uyunofu kufipelela fyonda fya va-Juda, je avwene umuńa-mwandza va Nguluvi amuletye amapelela ga Nguluvi agakutigila: ukamwinule u-Petele, adze muńumba jako muno, je akuvulanidzage amadzwi.
23Neke baho u-Petele neke ingilage navo muńumba neke vagonedzage. Neke lino baho pamilavo neke ahegage neke ahelelage navo; navańa-ṅolo avajagwe ava mu-Jope navo neke vagendage nave.
24Neke pakilavo ikingi neke vakafikage mu-Kesaleja. Neke umwene Kolonele avalolelaga kindolela, aholise navańa-ṅolo vakwe navajagwa, ve fyadzeline.
25Neke lino u-Petele, avye ikwingila muńumba, neke Kolonele amutaṅanidzage neke agwilage mumagulu neke alapangilage ukwakwe.
26Neke umwene u-Petele neke amwimyage neke atigilage: vwimage, najune ndili munu hela. 14, 15; Luv. 19, 10.
27Neke baho vingilage, pele vadzovana, neke avonage vaholanye mumo va volofu.
28Neke baho avalongelage atigilage: najuńe muludzelye ukuta twe va-Juda tuli mwîko pakuti-mbuliṅana na vafipelela ifingi nukuhegēlela ukwanavo, neke lino unene Nguluvi andongye atigye: utane ukumulonga munu nambe jumwi ukuta ali mwîko nukuta mumbwa.
29Kye ndesile ndadze kitakana, pe muṅemelye. Neke lino ndivudza ukweńo nditigila: muṅemelelye nôngwa jiki?
30Neke baho Kolonele neke amulongelage neke atigilage: lino ndigonile fitaji ukuhuma pe ndahwedzaga kitalya nda lino nde, neke ndilapangilage ululapangilo ulwa pasala ja igôndza muńumba jangu muno. Neke baho ndivonage umunu, je afwete umwênda ugwiṅalita, imile baha apa, twilolana hela.
31Neke je andongelage atigilage: ve Kolonele, nululapangilo lwako apulike Nguluvi nifya lupyanilo fyako Nguluvi akumbwike.
32Utumage lino umulomo mu-Jope, vakamukemele u-Simono, je vitigila Peteleilipeìwa. Igonamu-ńumba ja Simono umuńu-ka-nguvo palubali lwa ńandza.
33Neke baho ndivatu-mage avanu ukwako bahobaho. Neke lino uveve ugahile ukwadza, neke lino unefwe tulundanye kumîho ga Nguluvi baha, tutigye tupulihidzage dzonda, dze akulagye umutwa.
34Neke baho u-Petele neke inulage umulomo neke alongage atigilage: lino lungomile ndakyene unene ulwa kuta Nguluvi asi na mutambule; Lom. 2, 11.
35nda hamu, ifipelela fyonda, je ikogopa kwa jujo, je ilima ulwa vugolofu, je mwene je ikwidikwa. Joh. 10, 16.
36Najuńe mulidzelye ilidzwi ili, lye avatumye avakina-Jisilahele, ilidalika ulutengamano vugenda mwa Jesu Kilisiti. Umwene je mutwa va vonda. Mat. 28, 18.
37Mańi najuńe mudzi-dzelye inôngwa, idzikwilye pa-ńi jonda ija mu-Judaja, idzamulilwe mu-Galilaja ukuhuma pala, pe adalikaga u-Johana uludzabiko. Mat. 4, 12-17.
38Ndilonga inôngwa dza Jesu uva mu-Nasalete dzila, dze amubakile Nguluvi nu-Mubepo umwîmike ningufu, neke umwene adzungutilage neke avalimilage inofu avanu neke avahosage vonda, ve avalefidze Setano, pakuva Nguluvi fyavedzasaga. Mat. 3, 16.
39Neke unefwe twe vańa-kolela dzonda, dze alimaga mu-ńi ja va-Juda na mu-Jelusaleme. Neke kangi avene vamuvulige, pala pe vamutovelelaga pakibiki.
40Je mwene je adzulubwiswe kwa Nguluvi pakigono kya vudatu neke amupelage nukuta ivo-nesage pavuvalafu hela. 1. Kol. 15, 4-7.
41Neke lino umwene asivonesaga kijagi kuvanu vonda, nda hamu, ivonesidze ku kwetu jut’we, je atuhagulye ṅani ju Nguluvi, ukuta twali tuvedze volesi, je twalilanilaga, je twańwelanilaga, avye ahumile mukudzulubuka kuvafwe, 15, 27; Joh. 14, 22.
42neke atulagye unefwe atigye mukavadalildlage avanu molelage mutigilage: je mwene, je imikilwe kwa Nguluvi ukuvedza muńa-kuvakĕlela navûmi navafwe. 17, 31; Lom. 14, 10.
43Je mwene, je vaku-molela vonda navavidzi, pe vitigila vonda avańa-kumufuvwa valavuvonela mwitavwa lyakwe uvuvodzwa-ndzanangifu.
44Neke lino baho, pe sali ave u-Petele ukudzova amadzwi aga neke baho u-Mubepo umwîmike neke avagwilage vonda hela, avapulikaga inôngwa idzi.
45Neke baho avańa-kufuvwa avasinge, avadzile na Petele, neke vakuvilage mbando, pe valivwene ilipwela lya Mubepo umwîmike pakusukulilwa na pavâ-pivala,
46pakuva vapulikaga, pe vilongela indimi imya, vi-kumuginya ju Nguluvi. 2, 4; Mal. 16, 17.
47Neke baho u-Petele neke ahigage atigilage: apo je nani alugomolage ululenga umuńa-kutigila mutane ukuvadzabika avene ava, avategine nde
48Neke baho atigilage: muvadzabikilage mwitavwa lya Jesu Kilisiti. Neke baho avene vagongolage ukwakwe neke vatigilage: ungagona tândi ifigono fimwi. Joh. 4, 40.

Currently Selected:

Apositili 10: II

Highlight

Share

Copy

None

Want to have your highlights saved across all your devices? Sign up or sign in