Lucas 13

Yëktikkatstë ntsoj mjaa'yëtë mjükyëtë

1Najyä' xëëw ojts ni'ey jaa'y Jesús tmumatya'aktë ku Pilato tëj y'ijjty tnakyëk'ookyë nimay Galileatjaa'y, jäts tnakmyuttëjjkëkyexyë jaa'y nyë'ëjpy mëët tanë'ëk nyë'ëjpy mati' y'ijjty tëj Yës Teety ttawintsë'ëkëtë.

2Nits Jesús nyëë'mxëtë: «¿Mwinmaytyë'p miits jakëjx jä' jaa'y najj jyajt'të ku tëj pyöky tyëknippät'të naa'xkë'n pën kyappökytyüny jäjp kyajjpjötypy? 3Ixyam ëjts nnikkäjpxy jäts kä'ä jä' nyajjë; pën kä'ä miits Yës Teety x'awimpittëtë, m'ooktë'p ninyajj. 4¿Ok mwinmaytyë'p miits nits mati' nimajktuktujjk oo'ktë ku mëjjne'ey tyakitaapäjjtëtë jäm Siloé nyë'am, jä' y'ijjty jawäänë may tyakkoo'ny, naa'xk pën tyakkoo'ny kya'ity nii'xyë'n kyukkajjpëtë Jerusalén? 5Ixyam ëjts nnikkäjpxy nits kä'ä jä' nyajjë; pën kä'ä kë'm Yës Teety x'awimpittëtë m'ooktë'p miits ninyajj.»

Kattëëm'eepyë kepy y'ijxpäjjt

6Nits Jesús myatyaajkxëtë ya'at ijxpäjjt: «Jäm tu'uk jaa'y y'ijjty tyëkyöny kyamjotm tu'uk tsawäjkx, jäts t'a'ijxy tuwëëkjumëjjt nits jyeexyë tyëëmë, kä'äts tyëëm'ajjty. 7Nits tnëëjmjäänyë kyam'ijxy'ijtpë: “Tëj ëjts tuwëëk jumëjjt nja'a'ijxy ya'at kepytyëëm, kä'äts yë' tyëëmë. Poo'jtjë'knë yë', nikoj yë' kyam'attänë.” 8Nits kam'ijxy'ijtpë y'atsoowimpijjty: Wintsën, yëk'a'ijx jatu'kjumëjjt; wä'n ëjts naajx ttaj yuu'nkë niwittity nits ëjts npu'utyë't. 9Ntsoj ku najj tyëëmë't, pën kä'äts tyëëmë, nits wyä'në xpooty.»

Jesús tyëktso'oky tu'uk to'oxytyëjjk poo'kxë'nxëëw'it

10Tu'kpoo'kxë'nxëëw'it, tëj y'ijjty Jesús yyëk'ixpëjk'axajjy majjäjp jaa'y xëmë yo'ymyuktë.

11Jäjpts y'ijjty tu'uk to'oxytyëjjk mati' majktuktujjk jumëjjt tëj pya'amtsënäänyë. Tu'uk mëjjku'ujy tyumpë tëj y'ijjty kyäjjxnyë jë'kux, kä'ä jä' jyëxk y'oktëënë. 12Ku Jesús t'ijxpaajty jä' to'oxytyëjjk, nits tyaajxjaay jäts tnëëjmjaay:

—To'oxytyëjjk, ixyam mpa'am mniwa'atsyë.

13Nits tkë'nixajjy, jätyë jä' to'oxytyëjjk jyëxk tyëëy, nits Yës Teety ttaxontak'axajjy najjts tmëjj'ijxy tmëjjkejjxy.

14Jä'äts tëjkniwintsën y'ampëjjk, ku Jesús yëktsoojky poo'kxë'nxëëw'it, nits jaa'y tnëëjmjaay:

—¡Jäj tutujjk xëëw nits ntuu'në'n; mintë akkujjkxëëw jäts mtso'oktë't, kä'ä poo'kxë'nxëëw'it!.

15Nits Jesús y'atsoowimpijjty: —¡Miits ëë'mpë jaa'y! ¿Kä'ä miits nitu'ukën xmukkäjjëtë mkaaj ok mwurrë nits x'as'yëk'uuktë't poo'kxë'nxëëw'it?

16Jäts ya'at to'oxytyëjjk, Abraham nyaskä'äxë, ixyam majktuktujjk jumëjjt mayë' mëjjku'ujy pya'am mo'oyë ¿kä'ä yë' nyëktsoojkë'n oyë'm jyappoo'kxë'nxëëw'ittë? 17Ku Jesús najj wyaany, kutso'oy jä' myutsip'eepyëttëjjk tyankëjxtë; jäts nitukkë'yë jaa'y ttaxontaktë Yës Teety ku t'ijxtë tij y'ijjty Jesús mëjjkäjäj tyümpy.

Naanëx pajjk y'ijxpäjjt

18Nits Jesús wyaany: «¿Tu'ktii'n kye'exy Yës Teety kyuttujjk? ¿Tits ëjts jä' yi'it ntamu'ijxë'p?

19»Najj'ämpy jä' naa'xkë'n tu'uk naanëx pajjk mati' jaa'y tëj tni'ipy kyamjötypy, kuts jä' mëjj yeeky jämts joon tu'k'akëjjxkëjjx nyapye'enyë.»

Tsapmokway tsyooy y'ijxpäjjt

20Jatu'kyaajjë Jesús wyankojmë: ¿Tits ëjts jä' njaktamu'ijxë'p Yës Teety kyuttujjk?

21Najj'ämpy jä' naa'xkë'n tsooy mati' to'oxytyëjjk tyamujaa'jx'eetyë'p tuwëëk kijpxy tsapmokway jäts tsapkääky tyattukt.

Winmutsk tëjk'akkaj

22Ku Jesús nyijkxy Jerusalén, nitukkë'yë y'ijjty jaa'y tyëk'ixpeky pënmaj tpaaty mëjjkajjp ok mutskkajjp. 23Jäts tu'uk jaa'y yyëktëëjjë:

—Wintsën, ¿Ni'ey jä' mati' nitso'oktë'p?

Nits Jesús y'atsooy:

24Ttajottakkoytyë nits winmutsk akkaj'aajy mtëkkëtë't, ixyam ëjts nnikkäjpxy, jäts nimay wyä'në jaa'y jya'oktëkkëwyanëtë kä'äts pën y'oktëjjk'eenyë't. 25Jä'yë ku kuttëjjk tyenkyukkë't nits tyëjjk tyëk'attukt, jäts miits, pënjäty tëj wyä'në mtantë tëjkwimpy, nits xja'okkajpxtäänyëtë't, jäts xja'oknëëjmjäänyëtë't: "Wintsën, yëk'awa'ats tëjjk. "Nits kuttëjjk jä'yë m'atsoowimpittëtë't. "Kä'ä ëjts nijawë puppën miits, jäts pumaj mtsoontë. 26Nits miits xja'oknëëjmjäänyëtë't: "Tëj ëëts mijts tu'ukyë nmëëtkay nmëët'uuky, jäts mijts ëëts y'ijjty xyëk'ixpëjkp nkajjpjotm." 27Nits jä'yë m'atsoowimpittëtë't: "Kä'ä ëjts nnijawë pumaj miits mtsoony. Winwa'kwatstë'k ëjts, miits ka'oytyumpë jaa'y." 28Nits miits mjë'ëytyë't mya'axtë't jäts mtsatsywyinma'ytyë't ku x'ijxtë't Abraham, Isaac, Jacob maj jäm Yës Teety yëkkuttüky mëët nitukkë'yë yëk'ayuujknajxpëttëjjk, jäts miits kä'ä wyä'në jäm tëj mja'at'të. 29Jä'ku minwantë'p yuk'amë'tjaa'y, apa'ajtë'tjaa'y, xëëwpitsempyë'tjaa'y, xëëwkitäkypyë'tjaa'y nits kyaywya'antë maj jäm Yës Teety yëkkuttüky. 30Jäts nitu'ukën pën ixyam oojk ja'atë'p jä'äts jawyiin'eenyëtë'p, nits pën ixyam jawyiin ja'atë'p jä'äts ix'oojk ta'ntë'p.

Jesús tniya'axy Jerusalénkë'tkajjp

31Najyä' xëëw Jesús nyija'ajtë ni'ey fariseostëjjk jäts nyëë'mxë: —¡Kä'äk, nëjkx jakkäm, Herodes myëk'ookwaajnë'p!.

32Jäts Jesús t'atsoowimpijjty:

—Nëjkxtë, nits xnëëjmëtë't jä' waajx: "Jäts ixyam nits jawom ëjts mëjjku'ujy tyumpë nyëkpitsëmwa'any, pa'amjaa'y nyëktso'okwa'any, wixtëjkmnë'm ëjts wyä'në tëj ntunk y'awaatë. 33Jaktuu'yo'oywyampnë'm ëjts ixyam, jawom nits wixtëjkm, kä'ä jä' y'oyë't nits tu'uk yëk'ayuujknajxpë jakkäm y'ookt, Jerusalén jä' xëmë tyëk'ooktë.

34«¡Jerusalén, Jerusalén, myëk'oo'ktë'p miits yëk'ayuujknajxpëttëjjk, mnaska'tstë'p pën Yës Teety jyakkejxypy kukkexy'eepyë! Tëj ëjts mayyaajjë m'uu'nk njawaamukwa'any naa'xkë'n tu'uk tsajptaak y'uu'nk tyaxmüky nits tmu'uxt, kä'äts miits xtsojktë. 35Nnijawëtë ixyam, appak mjëën mtëjjk tyanwa'any; ixyam ëjts nnikkäjpxy jäts kä'ä ëjts miits x'ok'ijxnëtë't, kunë'm jä' xëëw tpaatt maj miits mwa'antë't: "Mëjj'ijxy mëjjkexy jä' pën Yës Teety pakkäjjxë'p kuttänääpyë!"»

Currently Selected:

Lucas 13: LUKMya

Highlight

Copy