Ester (Griego) 6
6
Mardoqueo mi' ich'äm ichobejtäbal
1Ti jiñi jachbä ak'älel jiñi yumäl ma'añik woli iyochel iwäyel, jiñ cha'añ tsi' icha'le xik'oñel cha'añ mi' ich'äjmel tilel juñ baki ts'ijbubil iñusak'iñ itejklum, cha'añ mi pejkañob chuki tsa' ujti ti' iyumäñtel ambä ik'äjñibal. 2Che'bä tsi' tajayob ti k'elol baki ts'ijbubil bajche' Mardoqueo tsi' isu'bu ti itojlel yumäl bajche' jiñi xkañtayaj otot Bigtán yik'ot Teres tsa' iña'tayob itsäñsañob yumäl Asuero, 3jiñi yumäl tsi' k'ajti:
—¿Chuki ichobejtäbal tsa' ak'eñti Mardoqueo ti ikaj iliyi? ¿Chuki iñuklel tsa' ak'eñti?
Jiñi ya'bä añob yik'ot yumäl tsi' jak'äyob:
—Ma'añik chuki tsa' mejli.
4Che' jiñi Amán tsa' ochi ti ipat iyotot yumäl, woli isajkañ yumäl cha'añ mi' ich'ujbiñ ijich' Mardoqueo ya' ti jich'oñibäl tsa'bä iwäñ chajpa. Che' jiñi, jiñi yumäl tsi' ik'ajti:
—¿Majki ya'añ ya'i?
5Jiñi x-e'telob tsi' isu'beyob cha'añ jiñäch Amán ya'añ. Jiñi yumäl tsi' icha'le xik'oñel:
—Ak'äla ti ochel.
6Che' tsa' ochi Amán, jiñi yumäl tsi' k'ajtibe:
—¿Chuki mejl jkäk'beñ juñtikil wiñik cha'añ mik ñuk'esañ?
Amán tsi' ña'ta cha'añ jiñi yumäl woli iña'tañ iñuk'esäñtel iliyi, jiñ cha'añ 7 tsi' ijak'ä:
—Jiñi kyum mi' mejlel imel chuki mi kaj ksu'beñ: 8La' icha'leñ xik'ojel cha'añ mi' ich'äjmel tilel ibujk jiñi yumäl yik'ot junkojt ikawayu', yik'ot ich'äjlib t'o'olbä ti' ijol. 9 La' ichok majlel ti wi'il juñtikil iyaj e'tel cha'añ mi' ixojbeñ ipislel yumäl yik'ot mi' ixäñtesañ ti ikawayu ti' ixiñil tejklum. Jiñi yaj e'tel mi' ikajel isu'b majlel ti k'ambä t'añ: «¡Che'äch mi' melbeñtel jiñi wiñik yombä ik'el ti ñuk jiñi yumäl!»
10Che' jiñi, jiñi yumäl tsi' su'be Amán:
—¡Se'eñuñ abä, kukuñuñ yik'ot melbeñ ti' itojlel Mardoqueo judiobä pejtelel chuki tsa'bä awälä! ¡Ch'ämä jiñi kpislel yik'ot junkojt kawayu', kuku päyä tilel! Mach wis ñajayik acha'añ chuki tsa'bä awälä.
11 Amán tsi' ch'ämä ipislel yumäl, tsi' xojbe Mardoqueo, ti wi'il tsi' k'ächchoko ti kawayu', ya'i tsi' ipäyä majlel ixäñtesañ ya' ti tejklum. Amán woli su'b imajlel ti k'ambä t'añ: «¡Che'äch mi' melbeñtel jiñi wiñik yombä ik'el ti ñuk jiñi yumäl!»
12 Ti wi'il, Mardoqueo tsa' cha' majli ya' ti iti' yotot yumäl; Amán, weñ ch'ijiyem ipusik'al, tsa' sujti majlel ti iyotot. Käläxix ikisiñ, jiñ cha'añ tsi' moso iñi' iwut. 13 Che' tsa' k'oti ti iyotot jiñi Amán tsi' laj su'be Zeres iyijñam yik'ot pejtelel ipi'älob chuki tsa'bä ujti. Iyijñam yik'ot ipi'älob ñumeñ año'bä iña'täbal tsi' su'beyob: «Mi Mardoqueo judiojäch, mach aña'tañ cha'añ mi' ikajel amälbeñ. Iliyi, jiñi jaxto itejchibal ajisäñtel».
14 Che' ya' to woliyob ti t'añ yik'otob, tsa' k'otiyob xkäñtaya icha'añbä yumäl, ya'i tsi' päyäyob majlel Amán ti k'iñijel melbilbä icha'añ Ester.
Currently Selected:
Ester (Griego) 6: CholDc
Highlight
Share
Copy
Want to have your highlights saved across all your devices? Sign up or sign in
© Biblia Chol de estudio con DC- Derechos reservados por SBM