Amos 7

1Fel hyn y dangosodd fy Arglwydd Iafe imi —

Yr oedd ef yn llunio locustiaid

Yn nechreu tarddiad yr adlodd,

Sef adlodd ar ol cynhaeaf y brenin;

2A phan orffenasant fwyta

Glaswellt y ddaear, yna y dywedais,

“Fy Arglwydd Iafe, maddeu, atolwg;

Pa fodd y saif Iacob?

Canys bychan yw.”

3Edifarhaodd Iafe am hyn,

“Ni bydd,” medd Iafe.

4Fel hyn y dangosodd fy Arglwydd Iafe imi —

Yr oedd fy Arglwydd Iafe yn galw

I braw drwy dân,

A difaodd y dyfnder mawr;

5A phan oedd ar ddifa’r rhandir, yna y dywedais,

“Fy Arglwydd Iafe, paid, atolwg;

Pa fodd y saif Iacob?

Canys bychan yw.”

6Edifarhaodd Iafe am hyn,

“Ni bydd hyn chwaith,”

Medd fy Arglwydd Iafe.

7Fel hyn y dangosodd imi —

Yr oedd fy Arglwydd yn sefyll

Wrth fur unionsyth,

A llinyn plwm yn ei law;

8A dywedodd Iafe wrthyf,

“Beth a weli di, Amos?”

Dywedais innau “Llinyn plwm”;

A dywedodd fy Arglwydd,

“Wele fi’n gosod llinyn plwm

Ynghanol fy mhobl Israel,

Nid af heibio iddynt byth mwy.

9Ac anghyfaneddir uchelfeydd Isaac;

A diffeithir cysegrfeydd Israel,

A chodaf yn erbyn tŷ Ieroboam â chleddyf.”

10Ac anfonodd Amasia, offeiriad Bethel, at Ieroboam, brenin Israel, i ddywedyd, “Cynghreiriodd Amos i’th erbyn ynghanol Tŷ Israel; ni all y wlad ddal ei holl eiriau ef. 11Canys fel hyn y dywed. Amos,

Bydd Ieroboam farw drwy gleddyf,

Ac â Israel yn ddiau yn gaethglud o’i dir.”

12A dywedodd Amasia wrth Amos, “Dos, weledydd, ymgilia i wlad Iwda, ac ennill dy fara yno, a phroffwyda yno; 13ond na phroffwyda byth mwy ym Methel, canys cysegrfa frenhinol yw, a thŷ’r frenhiniaeth.” 14Ac atebodd Amos, a dywedodd, wrth Amasïa,

Nid proffwyd mohonof,

Ac nid un o urdd broffwydol mohonof,

Eithr bugail ydwyf,

A chasglydd ffigys sycamorwydd;

15A chymerodd Iafe fi oddi ar ol y praidd,

A dywedodd Iafe wrthyf,

“Dos, proffwyda i’m pobl Israel.”

16Ac yn awr clyw air Iafe,

Tydi, y sy’n dywedyd “Na phroffwyda yn erbyn Israel,

Ac na pharabla yn erbyn Tŷ Isaac.”

17Am hynny fel hyn y dywed Iafe,

“Bydd dy wraig yn butain yn y ddinas,