S. Matiu 17

1Anun sogo seni dangu khambi Yisa fa Petri, nun Yakuba, nun a khunyana Yohani tongo, anun a siga e ra geai gbe itekhina inde ra e danna:

2Anun a a nyete makhate e ye khori: anun a ye tagi mayilenkhi alo sogona, anun a domane fikhakhi alo mayelanna.

3Anun a mato Musa nun Elaia fakhi e khon e falantima a kha.

4Anun Petri a yabikhi anun a a falakhi Yisa kha, Marigi a lankhi ne en kha lu be: kha i tin, in barikhakona sakhan tima; keden itan kha, anun keden Musa kha, anun keden Elaia kha.

5Anun a mon to yi falanatima, a mato, khonkhon fikhana godokhi e khun ma: anun a mato, khwina inde mini atan khonkhon ni, a nakha, In ma marafan Di nan ito ra, nakhan in kenenkhi ki fanyi ra; e a rame.

6Anun na kharandine na me dema, e birakhi e kwine fari, anun e ghakhukhi nyakhira.

7Anun Yisa fakhi a fa a yi din e ra anun a nakha, keli e na ma ghakhu.

8Anun e ye nate, e mi mukhu gbete to, fo Yisa gbansan.

9Anun e to godoma na geai gbe ra, Yisa e yamari, a nakha, e na ma fe tokhi ito a fe fala mukhu‐o‐mukhu kha, ha na munadabaden di khemena khulunyai.

10Anun a kharandine a makhodin, e nakha, nan fe a to kaidisebene nakha Elaia nan singe fama?

11Anun a e yabikhi anun a nakha, Elaia nyondi fama anun a fe dama rakhatemane:

12Kono in a fala e kha, Elaia bu bata fa, anun e mu yi a kolon, kono fe nakhe e kenenkhi e ne nan ligakhi a ra. Na munadabaden di khemena fan tore na ki ni e yi.

13Na kharandine fa a kolon na ni a yi Yohani Baptisi nan ma fe falakhi e kha.

14Anun e fa dema na setena khon, khemena inde fakhi a khon na, a khimbisinma a yera, anun a nakha,

15Marigi kininkinin ma di khemena ma: katugu te ibira fure nan a ma, anun a torokhi nyakhira: katugu a birama te ni de, anun a birama yige ni de.

16Anun in fakhi a khale ia kharandine khon, anun e mu a iyelan noe.

17Anun Yisa a yabikhi anun a nakha, ah etan denkeleyatare nun kurutare siyana, in luma e fema ha nan yanyi? In dinyema e kha ha nan yanyi? E fa a ra in khon be.

18Anun Yisa a mafala; anun na nyinana keli a fokhora: anun atan khemena iyelan khabi na wakati:

19Na kharandine fa fa Yisa khon na ni e danna, anun e nakha, nan fe a to unkhutan ma a kedi noe?

20Anun a a falakhi e kha, katugu e denkeleya khuri nan to a ra: katugu nyondi in a fala e kha, kha e denkeleya soto alo yambalen kese keden, e a falamane geai gbe ito kha, girindin men yire ni; anun a girindinye; anun e mi taganma fefe ma.

22Anun e to yi Galili ni, Yisa a falakhi e kha, na munadabaden di khemena radangumane mukhune ma;

23Anun e a fakhamane, anun a sogo sakhandena a rakelimane. Anun e kininkininkhi nyakhira.

24Anun e fakhi Kapania dema, nakhe duti wure makhillima fakhi Petri khon, e nakha, e kharankho duti wurena fie?

25A nakha, Onkhe. Anun a so dema na bankhi ni, Yisa falanati a kha singe, a nakha, i yengi a ma di, Simoni? Bokhona mangene, e duti makhillima mundu e khon? e gbe di khemene, ba khonyene?

26Anun a to nakha, khonyene khon, Yisa a falakhi a kha, nanara di khemene bai.

27Kono alogo unkhu na ma bira e ra, siga bha wulana khon, anun korina inde bira, anun i yekhe nakhan singe rate; a tongo, anun i na a dena ibi, i dorome keden tomane, na tongo; anun i a fi e ma en fidinna kha.

Currently Selected:

S. Matiu 17: YAL

Highlight

Copy