Juão 17
17
Kristu upurandu imiraita rese
1Asui Jesus umbeu rire kua inyenga asui umaa iwate kiti unyee:
—Inde sepaya, usikana serangawa, kuiri remee purangawaa neraira rese, umee arama purangawaa nerese kua neraira.
2Nyãse rexariana ixupe umundusara umundu arama panye mundu puraita uxari arama ainta supe mundu nunkawaa upawa panye kuaita remeewaita ixupe.
3Aintauriku arama mundu tiwa upawa kuaita ukunyeseriwaita inde Deus yepenyuwaa supiwa aintaukunyeseri arama yuiri kua Jesus Kristu kua remunduwaa.
4Hamee inde arama purangawaa hamunya resewara kua rexariwaa hamunya.
5Kuiri inde sepaya rembeu purangawaa serese neirumu maye remunyawaa yawe ixe arama haiku pukusawa neirumu kua mundu rundere.
6Haxari aintaukuawa nerera kuaita apigawaita rexariwaita ixe arama kua mundu upe. Neyaraita ainta asui rexari ixe arama ainta, aintauruyariana nenyenga.
7Kuiri aintaukuawana nesuiwaraita panye kuaita rexariwaita ixe arama.
8Nyãse hambeuwana ainta supe kua nenyenga rembeuwaa ixe arama asui aintaureseberi ae asui aintaukuawa supiwa hayuiri nesui, aintaukuawate remunduwaa ixe.
9Hapurandu aintarese, tihapurandu aintarese kuaita mundu puraita, maa aintarese kuaita rexariwaita ixe arama nyãse neyaraita ainta.
10Neyaraita panye kuaita seyaraita, asui seyaraita panye kuaita neyaraita, asui hambeu purangawaa aintarese.
11Tiana mundu upewara ixe kuiri, maa aintauikure kua mundu upe, asui hasu kuri nepiri. Inde sepaya purangawaa, resaru ainta nerera rese kuaita rexariwaita ixe arama yepenyu aramate kuri ainta kuaye yepenyuwaa yawe yande.
12Hasaruana ainta nerera rese haiku pukusaware aintairumu, hamukaturuana ainta asui nẽ yepe uyusupari aintasuiwara anyunte kua puxuwerawa umunya arama kuaye Deus nyenga umbeuwaa yawe.
13Maa kuiri hasuana nepiri, asui hambeu panye kua nyenga kua mundu upe suuri arama kuri aintapia seresewara.
14Haxariana ainta supe arama nenyenga, asui kuaita mundu puraita puxi aintaumaa ainta nyãse tikua mundu iyaraita ainta maye tiwa yawe mundu iyara ixe.
15Tihapurandu inde reyuka arama ainta kua mundu sui maa hapurandu inde remukaturu arama ainta isui kua puxuwerawa.
16Timaa kua mundu iyaraita ainta kuaye tiwa yawe mundu iyara ixe.
17Rexari ikiaimawaita ainta ipupe kua supiwa, nyãse supiwa kua nenyenga.
18Maye remunduwaa yawe ixe kua mundu upe yawete yuiri hamundu ainta kua mundu kiti.
19Aintaresewara haxari ikiaimawaa ixepawate ikiaima arama kuri aintayuiri irumu kua supiwa.
20Tihapurandu aintaresenyu maa hapurandu aintarese yuiri kuaita uxariwaita kuri aintapia serese aintanyenga resewara.
21Yepenyu aramate kuri ainta panye, kuaye reikuwaa yawe sepia upe inde sepaya haiku yuiri nepia upe yawete yuiri kuri aintauiku yanepia upe aintaukuawa arama remunduwaa ixe kuaita mundu puraita.
22Haxariana ainta supe arama kua purangawaa rexariwaa ixe arama yepenyu aramate kuri ainta kuaye yepenyuwaa yawe yande.
23Haiku arama aintapia upe reiku yuiri sepia upe yepenyu arama kuri ainta puranga, aintaukuawa arama remunduwaa ixe aintaukuawa arama yuiri regustari ainta kuaye regustariwaa yawe ixe.
24Inde sepaya, haputari aintauiku seirumu haikuwaa akiti kuaita rexariwaita ixe arama, aintaumaa arama kuri kua purangawaa remeewaa ixe arama regustari resewara ixe kua mundu uyupiru rundere.
25Inde sepaya purangawaa, tiaintaukunyeseri inde kuaita mundu puraita maa ixe hakunyeseri inde, kuaita yuiri remeewaita ixe arama aintaukuawate remunduwaa ixe.
26Haxari aintaukunyeseri nerera, asui haxari yuiri aintaukunyeseri ae aintauyugustari arama kuaye regustariwaa yawe ixe.
Currently Selected:
Juão 17: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
