Juão 14
14
Umusuuri umbuewaita
1Asui Jesus unyee, umbuewaita supe:
—Tepexari sasiyara pepia, pexari pepia Deus rese pexari pepia serese yuiri.
2Siya uka sepaya retama upe. Tirame maa yawe hambeu maa penye arama, hasu hamukaturu peiku aramawaa.
3Asui hasu rame kuri hamukaturu peiku aramawaa hayuiri yuiri mukuĩsawa harasu arama kuri penye seirumu peiku arama kuri haikuwaa upe.
4Asui pekuawate kua pee hasuwaa akiti.
5Asui Tume unyee ixupe:
—Seruixawa, tiyakuawa maa kititaa resu, maitaa maa yapuderi yakuawa kua pee?
6Asui Jesus unyee ixupe:
—Ixete kua pee, ixete kua supiwa, ixete kua sikuesawa, tiawa umaa sepaya piri tirame maa harasu ae.
7Pekunyeseri rame ixe pekunyeseri yuiri sepaya. Kuiri kuri pekunyeseri ae nyãse pemaawana ae.
8Asui Filipe unyee:
—Seruixawa, remukame yamaa nepaya asui usika yande arama.
9Asui Jesus unyee ixupe:
—Filipe, maitaa tire rekunyeseri ixe haiku pukusawa peirumu uikupuku? Awa umaa ixe umaa yuiri sepaya, marantaa renyee:
—Remukame yamaa nepaya?
10Maitaa tireruyari haiku sepaya ipia upe asui sepaya uiku sepia upe? Tiserimutara kua hambeuwaa, maa sepaya uiku sepia upe umunya panye kua umunyawaita.
11Peruyari ixe haiku sepaya ipia upe asui sepaya uiku sepia upe u pexari pepia serese sesewara kuaita hamunyawaita.
12Supiwa hambeu penye arama:
—Awa uxari ipia serese umunya kuri kua hamunyawaa, umunya kuri turusu piri isui nyãse hasu sepaya ipiri.
13Hamunya kuri penye arama panye kua pepuranduwaa serera rupi aintaumbeu arama purangawaa sepaya supe taira resewara.
14Pepurandu rame maantu serera rupi hamunya kuri penye arama ae.
15Pegustari rame ixe pemunya kuri kua hambeuwaa.
Umundu kuri yepe umusuurisawa
16Hapurandu kuri sepaya irumu asui uxari kuri penye arama yepe umusuuri aramawaa uiku arama kuri peirumu yawewarawate.
17Aete kua Espiritu supiwa kua tiwa aintaupuderi aintaureseberi kuaita mundu puraita nyãse tiaintaumaa ae tiyuiri aintaukunyeseri ae, pekunyeseri ae nyãse uiku peirumu asui uiku kuri pepia upe.
18Tikuri haxari ipayaima penye, asui hayuiri yuiri pepiri.
19Kutarantuana aintaumaa ixe kuaita mundu puraita, maa penye pemaa kuri ixe nyãse hapakate ixe penye pepakate yuiri kuri.
20Nyã ara upe kuri pekuawa haiku sepaya ipia upe asui penye peiku sepia upe asui ixe haiku pepia upe.
21Awa uriku kua hambeuwaa uruyari kuri ae, aete ugustari ixe, asui sepaya ugustari kuri kua ugustariwaa ixe, asui ixe yuiri hagustari kuri ae asui haxari kuri ukunyeseri ixe.
22Asui kua Juda tiwa Iskariute unyee ixupe:
—Seruixawa, mayetaa rexari yakunyeseri inde maa tirexari aintaukunyeseri inde kuaita mundu puraita?
23Asui Jesus usuaxara ae, unyee:
—Awa ugustari ixe umunya yuiri kua hambeuwaa asui sepaya kuri ugustari ae, asui yayuiri kuri ipiri asui yamunya kuri yaiku aramawaa irumu.
24Awa tiugustari ixe tikuri umunya kua hambeuwaa, asui kua nyenga hasenduwaa timaa senyenga ae maa sepaya nyenga ae kua umunduwaa ixe.
25Hambeuwana penye arama ae haiku pukusaware peirumu.
26Maa aete umusuuriwaa kua Espiritu Santu sepaya umunduwaa kuri serera rupi umbue kuri penye asui uxari kuri pemanduari panye kua hambeuwaa penye arama.
27Haxari timaarese penye haxari penye arama timaaresesawa, tihaxari timaarese penye aintayawe kuaita mundu puraita. Tepexari sasiyara pepia tepesikie.
28Pesenduana hambeu penye arama:
—Hasu pesui asui hayuiri pepiri. Pegustari rame maa ixe suuri maa penye nyãse hasu sepaya ipiri, nyãse seara kiti piri kua sepaya.
29Hambeu penye arama kuiri senundere usasawa kua pexari arama pepia serese usasawa irumu kuri.
30Tiana kuri hapurungita peirumu turusu nyãse usikana kua mundu ruixawa. Timaa nungara uriku seirumu.
31Maa hamunya kuaye sepaya umunduwaa yawe ixe, aintaukuawa arama kuaita mundu puraita hagustari sepaya. Kuiri pepuamu yasuana kua sui.
Currently Selected:
Juão 14: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
