1 Timuteu 2
2
Yapurandu panye mira rese
1Ape panye sui haputari pepurandu kirimbawa panye apigawa rese, pemee yuiri purangawaa aintarese,
2Pepurandu aintarese kuaita tuixawaita, aintarese yuiri kuaita umunduwaita penye, peiku arama puranga, timaarese penye, pemanduari arama puranga kua Deus peiku arama supiwa.
3Nyãse puranga yamunya yawe, nyãse umusuuri kua Deus, kua umukaturuwaa yande.
4Uputari umukaturu panye apigawaita, uputari aintaukuawa panye kua nyenga supiwa.
5Nyãse anyunte yepenyu Deus, anyunte yepenyu umusasawa nyenga Deus supe, miraita supe yuiri, aete kua apigawa Kristu Jesus.
6Kua uyuxari simutara aintaresewara panye, yarikute yambeu sesewara sangawa usikana.
7Sesewara uparawaka ixe umbuesara arama ixe, umundu arama ixe yuiri, hambue arama aintauruyari arama supiwa kuaita tiwaita judewita, hambeu nyenga supiwa, timaa haganani.
Maitaa yaiku puranga
8Ape haputari aintaupurandu Deus irumu kuaita apigawaita panye, aintarendawa yaweyawe, aintausupiri aintaipu timaa ipiaiwasawa irumu, timaa uyakawasawa irumu.
9Yawete yuiri kuaita kunyaita aintaurikute aintaumundeu aintarupa aintarese puranga, kuaye ukuawaita yawe, tiarama aintauyupe aintaawa, tiarama aintauyumuse uru irumu, perula irumu yuiri, tiyuiri aintausikari aintarupa sipiwasuwaita.
10Maa aintaumundeu aintarese aintaumunyawaita puranga, kuaye aintayawe kuaita kunyaita umanduariwaita Deus.
11Kua kunya, pexari usaru arama usendu ukiririntu uruyari arama puranga.
12Timaa haxari umbue kua kunya, tiyuiri umundu imena, urikute ukiririntu uiku.
13Nyãse Deus uyupiru umunya Adão, asui umunya Eva.
14Timaa Yurupari uganani Adão, maa uganani rire kua kunya, anyunte uwari ipuxuwerasawa upe.
15Maa kua kunya umukaturu kuri ae uriku resewara imembira, uiku rame santa uruyarisawa rese yuiri, gustarisawa rese yuiri, purangasawa rese yuiri, ukuawawaa yawe.
Currently Selected:
1 Timuteu 2: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
