1 Kurintuwaraita 5
5
Kurintuwaraita aintaumunya puxuwerawa
1Kuxima hasendu sesewara yepe pesuiwara umunya puxuwerawa ipira irumu. Umunya puxuwera piri tiwaita judeu sui; tiawa upuderi uiku ipaya rimiriku irumu aintasuiwara kuaita tiwaita judeu.
2Asui pemanduari puranga penye amuita sui. Marantaa tisasiyara penye? Marantaa tipetiari pesui kua umunyawaa ipuxuwerasawa turusu?
3Timaa haiku pepiterupi sepira irumu maa hamanduari penye sepia upe, ape hambeu penye kuaye hambeuwaa yawe haiku rame maa peirumu, hambeu maitaa kuri pemunya arama ixupe kua umunyawaa puxuwerawa.
4Yaneruixawa Jesus rera rese hamanduarisawa pemanduarisawa irumu kua Jesus yaneruixawa kirimbawasawa rupi,
5Perikute pexari kua apigawa Yurupari supe umukanyemu arama kuri ipira maa umukaturu kuri ipia uri rame kuri kua yaneruixawa.
6Timaa supiwa kua pembeuwaa perese. Tiserá pekuawa kuaira kua maniaka ambeka saiwaa ae uxari sai panye aintaukitikawaa.
7Ape petiari pesui kua maniaka ambeka kuximawara pisasua arama kuri penye, nyãse maniaka ambeka saiwaa usasawana pesui. Kuxima aintauyuká yaneresewara yanekurderu Kristu.
8Ape pexari yau Deus irumu kua seẽwaa purangawaa supiwa, timaa irumu kua maniaka ambeka kuximawara uxariwaa yamunya panye yanepuxuwerasawa.
9Kuxima hampinima penye arama sepapera upe tiarama peajudari kuaita umunyawaita tenyuntu ipira irumu.
10Tihambeu aintaresewara kuaita tiwaita uruyari umunyawaita tenyuntu, tiyuiri umuasiwaita, tiyuiri mundawasuita, tiyuiri uruyariwaita idulu yawaite perikute pesu kua mundu sui.
11Maa hampinima penye arama tiarama peajudari kua ingreja supe arama umunyawaa tenyuntu ipira irumu, umuasiwaa yuiri, upuranduwaa idulu irumu, upurungitawaa marandua puxuwerawa, ukauwaa yuiri, mundawasu yuiri. Tepembau irumu kua umunyawaa yawewaa.
12Tiyambeu aintaresewara kuaita tiwaita yanerumuaraita, maa yambeu arama aintaresewara kuaita ingreja supe arama.
13Nyãse Deus kuri umbeu aintarese kuaita tiwaita uruyari yaneirumu. Kuiri petiari pesui kua umunyawaa puxuwerawa.
Currently Selected:
1 Kurintuwaraita 5: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
