Pomulanya 20:6-7

Wali i Pue Allah manganto’oka wo’u i Abimelekh ri raya mpangipinya etu, to’oNya, “Aku Kunsani korom taa mamporayaka mangika palaong to maja’a etu. See naka Aku semo to mangajagang korom. Aku taa mangabiaka korom maturu siwaka pei i Sara, naka ne’e korom mangika palaong to maja’a ri pangkita nu matangKu. Pei si’i-si’i Aku rani korom mansaka mampawolilika muni i Abraham indo nu ananya etu. I Abraham etu, ia samba’a to pantuntu tuntungKu, wali ia damampokaika korom see korom taa damate. Pei ane korom taa mampawolilika ia indo nu ananya, matantu kojo korom damate yau. Pei si’a ojo korom to damate yau, samparia tau to nuporentang ngkorom damate yau seja.” Etu semo to nato’oka i mPue Allah i Abimelekh ri raya mpangipinya.