Miqueas 5
5
Gâd bui Israel ra yabia wihtka nani
1 #Naha borska nani 5.1-12 na bors. wala 4.14—5.1-14 ra kli baku ulban sa, baku Hibru nani ulbanka baku sa. Dawan bila win:
“¡Jerusalem uplika nani,
tawankam ba kutbi bris!
¡Mampara aiklabaia pat mai kutban sa!
Bara Israel wihtka ra karna pali prukbia.
2Bara man, Betlehem Efrata,
Juda uplika tawanka nani tilara,
tawan sirpi pali sma;
ban sakuna, Israel wihtka tara ba
man nani tilam wina bal takbia,#Mt 2.6; Jn 7.42.
witin ba kiamka kulkanka blasi pali yua wina aula sa.”
3Bamna nanara, Dawan bui ai uplika nani ba lulki swisa,
sakuna mairin ai luhpia baikbia bîla kaiki ba baikbia ba kat.
Baku bamna, Israel luhpia nani,
kuntri wala ra swin aikuki, kli wal asla taki banhbia.
4King ba tawan tâ briaia buan kabia,
Dawan ai Gâdka king tara karnika bri ba wal,
bara witin nani pri lâka ra iwan kabia,
kan Dawan ba tara pâwan kabia tasba aiska ra.
5Naha kingka sika,
kupia kumi lâka ba dauki wankbia.
Asiria uplika nani ba bal,
wan tasbaya kutbi bribia,
bara lâ watla tara nani ba ra dimbia taim,
yawan bui witin nani mapara wihta nani 7
bara waitna karnakira nani 8 yawan bui blîkbia.
6Witin nani ai sordka karnika ni baman
Asiria tasbaya, Nimrod kuntrika ra,#Bla St 10.8-11. king aimaki kabia.
Asiria nani mihta wina swaki wan sâkbia,
wan tasbaya lainka lui dimi wan alkan ba.
Waihla nani sauhki tikanka ba
7Jekob uplika nani baha aiklabanka nani tilara,
pruras kau raya swin nani kabia ba
lika, sim diwas laya bara lî tasba purara buski ba baku kabia,
waitna lukanka wina lika apia sa.
8Jekob kiamka kau swin nani ba lika,
nisan nani ailal tilara
layan tara kum unta daiwra wail nani tilara tauki ba baku kabia;
âu, layan kum sîp daknika nani tilara dimi tauki ba baku sin.
Bara baha nani ra rausauhki ba,
baha nani kumi sin swak takras sut kat ikisa.
9Dawan, man waihlam nani ra baku aiklabi sauhki tikma,
10Naha na Dawan kasak wisa: “Baha yua ra, yang mita araskam nani ba sut ikamna,
aiklabaikam waginka nani ba sin sauhki tikamna.
11Man nani tasbayam ra tawankam tara nani ba sin sauhkamna,
kan kahbaikam pliska nani ba sut batakamna.
12Yang bui sukia lâka nani ba sut, tilam wina kangbi sakamna,
bara tilamra smaya kakaira kumi sin âpu kabia.
13Walpa ni karbi gâdkam lilka daukram ba sin,
yang âpu daukamna;
bara man nani mihtam ni paskram gâdka nani ba mawanra,
kli bawi mayunma apia.
14Aserá dusa sunukira tilamra brisma ba,
daiki lulkamna,
bara tawankam nani sin sauhkamna.
15Kupi baiwanka pali ni,
baha tasbaya uplika nani
bîli wali daukras ba mapara saura munamna.”
Currently Selected:
Miqueas 5: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
