Lukas 4:5-8

Abis itu, Iblis bawa pa Yesus di tampa satu yang tinggi. Di situ deng capat skali dia kase lia pa Yesus samua kerajaan di dunia. Turus Iblis bilang pa Yesus, “Samua kerajaan itu pe kekuasaan deng kekayaan kita mo kase pa Ngana! Karna samua itu so jadi kita punya, kong kita bisa kase pa sapa saja yang kita mau. Jadi, kalu Ngana berlutut semba pa kita, kita mo kase samua itu jadi Ngana punya.” Tapi Yesus bilang pa dia, “Di Kitab Suci ada tatulis bagini, ‘Ngoni musti semba pa Tuhan Allah. Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”