Chituwa 1
1
Masuzgu gha ŵana ŵaku Yisraele mu Egipiti
1Yagha ndi mazina gha ŵana ŵanthurumi ŵaku Yisraele wo ŵenga ku Egipiti pamoza ndi Yakobe; we yose ndi ŵamu nyumba yake: 2Rubene, Simeoni, Levi, Yuda, 3Isakara, Zebuluni Benjamini, 4Dani, Naftali, Gadi ndi Ashere. 5Wose ŵa mphapu yaku Yakobe ŵenga ŵanthu machumi ghankhonde ndi ghaŵi (70), Yosefe wenga kale mu Egipiti. 6Sono Yosefe wangufwa ndi ŵana ŵanyake wose ndi mgonezi wuwa wose. 7Kweni ŵana ŵaku Yisraele ŵangupapana ndi ŵangwandana ukongwa. Ŵangwandana ndi ŵangukuwa ndi nthazi kwakuruska, viyo charu chinguzazika ndi iwo. 8Sono kunguwa karonga munyake wa Egipiti, yo wengavi kuziŵa Yosefe. 9Ndipo wanguti ku mtundu wake, “Awonani ŵanthu ŵaYisraele ŵarutizga unandi ndi mbanthazi kwakuruska ifwe. 10Tiyeni tichite nawo kwakuchenje, vinu ŵangandana. Asani yatiwiya nkhondo, ŵakajisazganga ku ŵakupindikana ŵidu, ndipo ŵakarwanga nafwe; ndi ŵakathaŵangamo mu charu ichi.” 11Viyo angumika nduna za ŵanchitu paku wo, ŵakuŵasuzga ndi mphingu zizitu. Ndipo ŵangumuzenge Farao mizi ya nyumba za mbiku, Pitomo ndi Ramsese. 12Kweni mo ŵaŵasuzgiyanga ukongwa ndimo ŵarutizgiyanga kwandana, ndi ŵarutizgiyanga kuzaza charu. Ndipo ŵaEgipiti ŵangutenthema ŵaYisraele. 13Chifukwa cho ŵangutataliska nchitu ŵaYisraele kwambura lisungu, 14ndipo ŵanguŵasuzga ukongwa, pakuŵagwiriska nchitu zizitu, kukasa dongo, ndi kuwumba ncherwa ndi mitundu yose ya nchitu zamu minda. Mu nchitu yawo yose ŵanguŵatataliska kwambura lisungu.
Ŵazamba kuti ŵangumuvwiya karonga cha
15Sono Farao wa Egipiti wanguti ku ŵazamba ŵa ŵaHebere, yumoza waku wo wenga Shifara ndi munyake Puwa, 16“Asani mupapizga ŵanthukazi ŵaHebere ndipo mutiŵawona pa mpando wakuchiriyapo, asani ndi mwana munthukazi mumureke wamoyo.” 17Kweni ŵazamba wo ŵawopanga Chiuta. Ndipo kuti ŵanguchita nge ndimo wanguŵalanguliya karonga wa Egipiti cha. Kweni ŵanguŵareka ŵamoyo ŵana ŵanthurumi. 18Viyo karonga wa Egipiti wangudana ŵazamba wo, ndi wanguti kwaku wo, “Chifukwa chine mwachita ichi, ndipo mwazomerezga ŵana ŵanthurumi kuŵa ŵamoyo?” 19Ŵazamba ŵanguti kwaku Farao, “Chifukwa ŵanthukazi ŵaHebere kuti ŵakozgana ndi ŵanthukazi ŵaEgipiti cha; pakuti mbanthazi ndipo ŵachira muzamba wenga wandaze kwaku wo.” 20Viyo Chiuta wanguŵachitiya umampha ŵazamba ŵa; mtundu ungwandana ndi ungukuwa ndi kulimba. 21Ndipo chifukwa ŵazamba ŵangopa Chiuta wanguŵapaska ŵana. 22Sono Farao wangulanguliya mtundu wake, “Mwana yose munthurumi wakupapika ku ŵaHebere mumutaye mu msinji Nile, kweni mwana munthukazi yose mumureke wamoyo.”
Currently Selected:
Chituwa 1: TongaMw
Highlight
Share
Copy
Want to have your highlights saved across all your devices? Sign up or sign in
Bible Society of Malawi
