ZEKARIA 6
6
Masomphenya a pingolo pinayi
1Ndidakwiza pontho maso mbandiona pingolo pinayi pikudza kubulukira pakati pa mapiri awiri, mapiri amkuwa. 2Chingolo chakutoma chikhali na akavalo akufira, chachiwiri chikhali na akuswipa,#Chid. 6.4; Chid. 6.5. 3chachitatu chikhali na akavalo akuchena, pontho chachinayi chikhali na akavalo adotha a madamba-madamba, onsenewo akhali a mphamvu pyakwanga.#Chid. 6.2. 4Tenepo ine ndidavunza mngelo akhalonga na ine ule kuti, “Ayi penepimbo ninji, mbuyanga?”
5Mngelo adanditawira mbati, “Yeneyi ndi mizimu minayi ya kudzulu; iyo idadza kubulukira pamaso pa MBUYA wa dziko yonsene yapansi.#Chid. 7.1. 6Chingolo chile china akavalo akuswipa chikwenda kumpoto kudziko ya Babiloni, chingolo cha akavalo akuchena chikwenda kumabulukiro dzuwa, pontho chingolo cha akavalo adotha chikwenda kumwera.”
7Pidabuluka akavalo amphamvu kwenda, akhali na chipapu kufuna kufambira dziko yonsene yapansi. Tenepo mngelo adalonga mbati, “Ndokoni padziko yonsene yapansi.” Natenepo iwo adenda padziko yonsene yapansi.
8Tenepo iye adandichemera mbati, “Ngayang'ana, akavalo aenda kumpoto kudziko ya Babiloni ale ambombowesa ukali wa MBUYA.”
Chilemedzo cha Yoswa
9MBUYA adalonga kuna ine mbati, 10“Kwata siliva na golidi kubulukira kuna Helidai, Tobia, na Yedaia, amuna ale adza kubulukira kudziko ya unyaperezo ku Babiloni. Na nsiku yonthoyo ndoko kunyumba ya Yosia mwana Zefania. 11Kwata siliva na golidi mbusasanye chipewu chachifumu mbuchivazike mumsolo mwa Yoswa, Nyansembe Wamkulu, mwana Yehozadaki. 12Mpange kuti MBUYA Wamphamvu zonsene akulonga tenepa: ‘weneyu ndiye munthu ule dzinache ndi Nthambi, tenepo iye anaphwitha pambuto pache mbamanga Nyumba ya MBUYA.#Yer. 23.5; 33.15; Zek. 3.8. 13Iye ngule anafuna dzamanga Nyumba ya MBUYA, pontho iye anavala nguwo zachifumu mbakhala pampando wache wachifumu kutonga. Nyansembe anaimira chifupi na mpando wache wachifumu, pontho pakati pa awiriwa panakhala mtendere!’ 14Chipewu chachifumu chinaperekwa kuna Helidai, Tobia, Yedaia, pontho Yosia#6.14 Yosia: Chakuthumbusula chinango chakale chalonga Yosia; m'Chiheberi muna Heni. mwana Zefania ninga chikumbuso cha Nyumba ya MBUYA.
15“Anthu ali kutali anabwera mbaphedza kumanga Nyumba ya MBUYA, tenepo imwe munapidziwa kuti MBUYA Wamphamvu zonsene ndiye andituma kuna imwe. Penepi pinachitika ngakhala imwe munavera monsene mwene matongero a MBUYA Mulungu wanu.”
Currently Selected:
ZEKARIA 6: SenaMw
Highlight
Share
Copy
Want to have your highlights saved across all your devices? Sign up or sign in
© Bible Society of Malawi
