लूका 4:9-12
लूका 4:9-12 GBKNT
ता शैतान यीशु जो यरूशलेम जो लेई गो अतै मन्दरा री उच्ची जिनी चून्डी पुर खडेरी दिता, अतै बल्लू, “अगर तू प्रमात्मैं रा पुत्र हा ता अपणै आपा जो ऐठी थऊँ फैंकी दे। क्ओकि शास्त्र मन्ज लिखुरा कि, ‘प्रमात्मैं अपणै स्वर्गदूता जो हूक्म दिणा कि सो तिजो बचाई लैन, अतै तियां तिजो हत्थै हत्थ चुकी लैणा करखी ईयां ना भोआ कि तेरै पैरा मन्ज पत्थरा सितै ठोकर लगा।’” यीशुऐ तैस जो जवाव दिता, “शास्त्रा मन्ज ईयां लिखुरा कि, ‘तू अपणै प्रमात्मैं री परीक्षा मत लैन्दा।’”
Bible App
Bible App for Kids
