Intembauzyo 84
84
Kumweendelezi wanyimbo. Aimbye bwiimbwa nyimbo yabana ba Kola ya Gititi.
1O Mwami Leza, Sijulu wamajulu, taciliboteli cilawo cako.
2Moyo wangu ulayandisisya, ulilaukila ŋanda ya Mwami Leza.
Amoyo wangu woonse mebo njimbila nduwe, njimbila nduwe, O Leza muumi.
3Kaleze akalijanine ŋanda, kamembya akaliyakile citeente,
nkokakonzya kuzyalila bana munsi aacipaililo cako, munsi aacipaililo cako,
O Mwami Leza, Singuzuzyoonse. Nduwe Mwami wangu, Leza wangu.
4Aabo bakkala muŋanda yako balilelekedwe,
nkaambo balakutembaula lyoonse.
5Aabo basyoma munguzu zyako balilelekedwe,
aabo balaamyoyo iilungeme ku Ziyoni.
6Nobainda mukkuti lya Baka, kkuti liba mbuli tusensa twamvula ntaanzi, eeyo iizuzya maziba.
7Nguzu zyabo ziyabuvulila-vulila kusikila boonse bakalibonye kuli Leza mu Ziyoni.
8O Mwami Leza, komvwa kukomba kwangu, Singuzuzyoonse, ndiswiilile,
konditeelela, O Leza wa Jakobo.
9O Leza, bona ntobo yesu, bamba munanike wako.
10Ncibotu kukkala muŋanda yako buzuba bomwe kwiinda kukkala kumbi
kwamazuba aali cuulu. Inga cabota kuba mulindizi wamulyango waŋanda
ya Leza kwiinda kukkala akati kabasizibi.
11Mwami Leza ndizuba, nintobo, Leza nguupa coolwe abulemu,
aabo batakwe kampenda taakwe cibotu ncabakasya.
12O Mwami Leza, Singuzuzyoonse, muntu uusyoma nduwe ulilelekedwe.
Currently Selected:
Intembauzyo 84: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
