Intembauzyo 15
15
Lwiimbo lwa Devedi
1O Mwami Leza, nguni uukonzya kukkala muŋanda yako?
Nguni uukonzya kukkala acilundu cako cisalala?
2Nguyooyo uutakwe kampenda mubweende bwakwe.
Ooyo uucita ziluleme uuamba cakasimpe kuzwida mumoyo wakwe.
3Uutalengeleli twaambo amulaka wakwe,
uutabisizyi simunzinyina nikuba kwaamba zyakubejelezya basimunzinyina.
4Nguyooyo uusampaula baabo Leza mbaakaka,
pele ulalemeka aabo baswiilila Mwami Leza.
5Ulacita eezyo nzyaakonkezya, nikuba kuti cimucisa buti.
Nguyooyo uukolotesya mali katalangili chinyona mucila,
tatambuli sinkamulomo kuti apenzye uunyina kaambo.
Kufumbwa uucita zintu eezi unoolikkalilide lyoonse.
Currently Selected:
Intembauzyo 15: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
